ਸਿਰਸਾ : ਸ਼ਾਹ ਸਤਨਾਮ ਗਰਲਜ਼ ਕਾਲਜ ਡੇਰਾ ਸੱਚਾ ਸੌਦਾ ਦੀ ਬੱਸ ‘ਤੇ ਬਾਈਕ ਸਵਾਰ ਨੌਜਵਾਨਾਂ ਨੇ ਹਮਲਾ ਕਰ ਦਿੱਤਾ। ਬੀਤੀ ਸ਼ਾਮ 4:30 ਵਜੇ ਦੇ ਕਰੀਬ ਹਮਲਾਵਰਾਂ ਨੇ ਬੱਸ ਦੇ ਸ਼ੀਸ਼ੇ ਤੋੜ ਦਿੱਤੇ ਅਤੇ ਡਰਾਈਵਰ ਨਾਲ ਗਾਲੀ-ਗਲੋਚ ਕੀਤੀ। ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਸਕੂਲ ਬੱਸ ਸਿਰਸਾ ਤੋਂ ਰੁਪਾਣਾ ਖੁਰਦ ਜਾ ਰਹੀ ਸੀ। ਬੱਸ ਵਿੱਚ ਲਗਭਗ 40 ਵਿਦਿਆਰਥਣਾਂ ਸਵਾਰ ਸਨ। ਇਸ ਘਟਨਾ ਨਾਲ ਵਿਦਿਆਰਥਣਾਂ ਸਹਿਮ ਗਿਆ। ਸੂਚਨਾ ਮਿਲਣ ‘ਤੇ ਪੁਲਿਸ ਨੇ ਸਾਰੀਆਂ ਵਿਦਿਆਰਥਣਾਂ ਨੂੰ ਸੁਰੱਖਿਅਤ ਘਰ ਪਹੁੰਚਾਇਆ।
ਡਰਾਈਵਰ ਅਨਿਲ ਕੁਮਾਰ ਨੇ ਦੱਸਿਆ ਕਿ ਦੜਬਾ ਕਲਾਂ ਪਿੰਡ ਦੇ ਕੋਲੋਂ ਜਦੋਂ ਬੱਸ ਲੰਘ ਰਹੀ ਸੀ ਤਾਂ ਤਿੰਨ ਮੋਟਰਸਾਈਕਲ ਸਵਾਰ ਨੌਜਵਾਨ ਸਾਈਡ ਦੇ ਲਈ ਲੜਨ ਲੱਗੇ। ਜਿਵੇਂ ਹੀ ਬੱਸ ਰੂਪਾਣਾ ਖੁਰਦ ਪਹੁੰਚੀ ਤਾਂ ਮੋਟਰਸਾਈਕਲ ਸਵਾਰਾਂ ਨੇ ਬੱਸ ਨੂੰ ਰੁਕਵਾ ਲਿਆ। ਇਸ ਤੋਂ ਬਾਅਦ ਬੱਸ ‘ਤੇ ਹਮਲਾ ਕਰ ਦਿੱਤਾ। ਬੱਸ ਵਿੱਚ ਸਵਾਰ ਵਿਦਿਆਰਥਣਾਂ ਡਰ ਗਈਆਂ। ਇਸ ਦੌਰਾਨ ਡਰਾਈਵਰ ਨੇ ਹਿੰਮਤ ਦਿਖਾਉਂਦੇ ਹੋਏ ਬੱਸ ਨੂੰ ਰੁਪਾਣਾ ਖੁਰਦ ਦੇ ਸਰਪੰਚ ਸੁਭਾਸ਼ ਬੈਨੀਵਾਲ ਦੇ ਘਰ ਲੈਕੇ ਪਹੁੰਚ ਗਿਆ ਅਤੇ 112 ‘ਤੇ ਕਾਲ ਸੂਚਨਾ ਦਿੱਤੀ।
ਸੂਚਨਾ ਮਿਲਦੇ ਹੀ ਨਾਥੂਸਰੀ-ਚੋਪਟਾ ਪੁਲਿਸ ਸਟੇਸ਼ਨ ਦੇ ਇੰਚਾਰਜ ਪ੍ਰਦੀਪ ਕੁਮਾਰ ਆਪਣੀ ਟੀਮ ਨਾਲ ਮੌਕੇ ‘ਤੇ ਪਹੁੰਚੇ। ਇਸ ਤੋਂ ਇਲਾਵਾ, ਨਾਥੂਸਰੀ-ਚੋਪਟਾ ਦੇ ਚੇਅਰਮੈਨ ਸੂਰਜ ਭਾਨ ਬੁਮਰਾ, ਸਰਪੰਚ ਐਸੋਸੀਏਸ਼ਨ ਦੇ ਪ੍ਰਧਾਨ ਵਿਨੋਦ ਬੰਗੜਿਆ, ਸਰਪੰਚ ਸੁਭਾਸ਼ ਅਤੇ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਮੌਕੇ ‘ਤੇ ਪਹੁੰਚੇ ਅਤੇ ਵਿਦਿਆਰਥੀਆਂ ਨੂੰ ਸੁਰੱਖਿਅਤ ਉਨ੍ਹਾਂ ਦੇ ਘਰਾਂ ਨੂੰ ਵਾਪਸ ਭੇਜਣ ਵਿੱਚ ਮਦਦ ਕੀਤੀ।
