ਬਿਹਾਰ ਸਕੂਲ ਪ੍ਰੀਖਿਆ ਬੋਰਡ ਨੇ ਮੈਟ੍ਰਿਕ ਪ੍ਰੀਖਿਆ ਦਾ ਨਤੀਜਾ ਕੀਤਾ ਜਾਰੀ

ਬਿਹਾਰ : ਬਿਹਾਰ ਸਕੂਲ ਪ੍ਰੀਖਿਆ ਬੋਰਡ (BSEB) ਨੇ ਅੱਜ , 29 ਮਾਰਚ 2026 ਨੂੰ ਕਲਾਸ 10ਵੀਂ ਯਾਨੀ ਮੈਟ੍ਰਿਕ ਪ੍ਰੀਖਿਆ ਦਾ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਦੁਪਹਿਰ ਕਰੀਬ 1:30 ਵਜੇ ਜਿਵੇਂ ਹੀ ਨਤੀਜਾ ਐਲਾਨਿਆ ਗਿਆ, ਲੱਖਾਂ ਵਿਦਿਆਰਥੀਆਂ ਦਾ ਇੰਤਜ਼ਾਰ ਖਤਮ ਹੋ ਗਿਆ। ਇਸ ਸਾਲ ਲਗਭਗ 15 ਲੱਖ ਵਿਦਿਆਰਥੀ ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਸਨ, ਜੋ ਲੰਬੇ ਸਮੇਂ ਤੋਂ ਆਪਣੇ ਨਤੀਜਿਆਂ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਨਤੀਜਾ ਸਾਹਮਣੇ ਆਉਂਦੇ ਹੀ ਵਿਦਿਆਰਥੀਆਂ ਅਤੇ ਮਾਪਿਆਂ ਵਿੱਚ ਉਤਸ਼ਾਹ ਅਤੇ ਰਾਹਤ ਦਾ ਮਾਹੌਲ ਦੇਖਣ ਨੂੰ ਮਿਲ ਰਿਹਾ ਹੈ।

ਕਈ ਵਿਦਿਆਰਥੀਆਂ ਨੇ ਚੰਗੇ ਅੰਕ ਪ੍ਰਾਪਤ ਕਰਕੇ ਆਪਣੀ ਮਿਹਨਤ ਦਾ ਫਲ ਪ੍ਰਾਪਤ ਕੀਤਾ ਹੈ, ਜਦੋਂ ਕਿ ਦੂਜਿਆਂ ਲਈ, ਆਪਣੇ ਭਵਿੱਖ ਦਾ ਰਸਤਾ ਤੈਅ ਕਰਨ ਦਾ ਸਮਾਂ ਆ ਗਿਆ ਹੈ। ਸਾਰਿਆਂ ਦੀਆਂ ਨਜ਼ਰਾਂ ਹੁਣ ਟਾਪਰ ਸੂਚੀ ਅਤੇ ਪਾਸ ਪ੍ਰਤੀਸ਼ਤਤਾ ‘ਤੇ ਹਨ, ਜਿਨ੍ਹਾਂ ਨੂੰ ਬੋਰਡ ਜਲਦੀ ਹੀ ਸਾਂਝਾ ਕਰੇਗਾ।

ਪਾਸ ਕਰਨ ਲਈ ਕਿੰਨੇ ਅੰਕ ਜ਼ਰੂਰੀ?

ਮੈਟ੍ਰਿਕ ਦੀ ਪ੍ਰੀਖਿਆ ਪਾਸ ਕਰਨ ਲਈ, ਵਿਦਿਆਰਥੀਆਂ ਨੂੰ ਹਰੇਕ ਵਿਸ਼ੇ ਵਿੱਚ ਘੱਟੋ-ਘੱਟ 33 ਪ੍ਰਤੀਸ਼ਤ ਅੰਕ ਲੈਣੇ ਜ਼ਰੂਰੀ ਹੁੰਦੇ ਹਨ। ਜੋ ਵਿਦਿਆਰਥੀ ਇੱਕ ਜਾਂ ਦੋ ਵਿਸ਼ਿਆਂ ਵਿੱਚ ਫੇਲ੍ਹ ਹੋ ਜਾਂਦੇ ਹਨ, ਉਹ ਕੰਪਾਰਟਮੈਂਟਲ ਪ੍ਰੀਖਿਆ ਵਿੱਚ ਬੈਠ ਸਕਦੇ ਹਨ। ਜੋ ਕਿਸੇ ਕਾਰਨ ਕਰਕੇ ਪ੍ਰੀਖਿਆ ਨਹੀਂ ਦੇ ਸਕੇ, ਉਨ੍ਹਾਂ ਲਈ ਇੱਕ ਵਿਸ਼ੇਸ਼ ਪ੍ਰੀਖਿਆ ਦਾ ਵਿਕਲਪ ਵੀ ਉਪਲਬਧ ਹੈ।

ਟੌਪਰ ਸੂਚੀ

ਬਿਹਾਰ ਬੋਰਡ 10ਵੀਂ ਦਾ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਬਿਹਾਰ ਸਕੂਲ ਪ੍ਰੀਖਿਆ ਬੋਰਡ ਨੇ ਮੈਟ੍ਰਿਕ ਪ੍ਰੀਖਿਆ 2026 ਦੀ ਟੌਪਰ ਲਿਸਟ ਵੀ ਘੌਸ਼ਿਤ ਕਰ ਦਿੱਤੀ ਹੈ। ਨਤੀਜੇ ਅਤੇ ਟੌਪਰ ਸਿੱਖਿਆ ਮੰਤਰੀ ਸੁਨੀਲ ਕੁਮਾਰ ਦੁਆਰਾ ਐਲਾਨੇ ਗਏ। ਇਸ ਸਾਲ ਕੁੱਲ ਪਾਸ ਪ੍ਰਤੀਸ਼ਤਤਾ 81.79% ਰਹੀ। ਟੌਪਰਾਂ ਵਿੱਚ ਦੋ ਵਿਦਿਆਰਥਣਾਂ ਸ਼ਾਮਲ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਪੁਸ਼ਪਾਂਜਲੀ ਸਿਮੁਲਤਾਲਾ ਰਿਹਾਇਸ਼ੀ ਸਕੂਲ ਦੀ ਹੈ। ਰਾਜ ਦੇ ਟੌਪਰ ਨੂੰ 492 ਅੰਕ ਮਿਲੇ ਹਨ।

ਪ੍ਰੀਖਿਆ ਅਤੇ ਮੁਲਾਂਕਣ ਬਾਰੇ ਪੂਰੀ ਜਾਣਕਾਰੀ

ਇਸ ਸਾਲ, 17 ਫਰਵਰੀ ਤੋਂ 25 ਫਰਵਰੀ, 2026 ਦੇ ਵਿਚਕਾਰ 1,677 ਕੇਂਦਰਾਂ ‘ਤੇ ਪ੍ਰੀਖਿਆ ਆਯੋਜਿਤ ਕੀਤੀ ਗਈ ਸੀ। ਇਸ ਦੇ ਬਾਅਦ 27 ਫਰਵਰੀ ਤੋਂ ਕਾਪੀਆਂ ਦੀ ਜਾਂਚ ਸ਼ੁਰੂ ਹੋਈ, ਜਿਸ ਨੂੰ 13 ਮਾਰਚ ਤੱਕ ਪੂਰਾ ਕਰ ਲਿਆ ਗਿਆ ।

ਕਿਵੇਂ ਚੈੱਕ ਕਰੀਏ ਨਤੀਜਾ

• ਵਿਦਿਆਰਥੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਕੇ ਆਸਾਨੀ ਨਾਲ ਆਪਣੇ ਨਤੀਜੇ ਦੇਖ ਸਕਦੇ ਹਨ।
• ‘BSEB ਮੈਟ੍ਰਿਕ ਨਤੀਜਾ 2026’ ਲਿੰਕ ‘ਤੇ ਕਲਿੱਕ ਕਰੋ।
• ਆਪਣਾ ਰੋਲ ਨੰਬਰ ਅਤੇ ਰੋਲ ਕੋਡ ਦਰਜ ਕਰੋ।

ਟੌਪਰਾਂ ਨੂੰ ਮਿਲੇਗਾ ਇਨਾਮ

ਬਿਹਾਰ ਬੋਰਡ 10ਵੀਂ ਵਿੱਚ ਟਾਪ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਰਾਜ ਸਰਕਾਰ ਮੇਧਾ ਦਿਵਸ (3 ਦਸੰਬਰ) ਮੌਕੇ ਸਨਮਾਨਿਤ ਕਰਦੀ ਹੈ। ਪਹਿਲੇ ਸਥਾਨ ‘ਤੇ ਆਉਣ ਵਾਲੇ ਵਿਦਿਆਰਥੀ ਨੂੰ 2 ਲੱਖ ਰੁਪਏ, ਦੂਜੇ ਨੂੰ 1.5 ਲੱਖ ਰੁਪਏ ਅਤੇ ਤੀਜੇ ਸਥਾਨ ਵਾਲੇ ਵਿਦਿਆਰਥੀ ਨੂੰ 1 ਲੱਖ ਰੁਪਏ ਇਨਾਮ ਵਜੋਂ ਦਿੱਤੇ ਜਾਂਦੇ ਹਨ।