ਜੰਮੂ : ਸ਼੍ਰੀ ਅਮਰਨਾਥ ਯਾਤਰਾ ਦੌਰਾਨ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਇਕ ਹੋਰ ਸ਼ਰਧਾਲੂ ਦੀ ਦੁਖਦਾਈ ਮੌਤ ਹੋਣ ਦੀ ਖ਼ਬਰ ਮਿਲੀ ਹੈ। ਮ੍ਰਿਤਕ ਦੀ ਪਛਾਣ ਬਿਪਿਨਚੰਦਰ ਰਾਣਾ ਪੁੱਤਰ ਭੋਗੀਪਾਲ ਰਾਣਾ ਵਾਸੀ ਗੁਜਰਾਤ ਵਜੋਂ ਹੋਈ ਹੈ। ਰਜਿਸਟਰਡ ਸ਼ਰਧਾਲੂ ਬਿਪਿਨਚੰਦਰ ਰਾਣਾ ਬਾਲਟਾਲ ਵੱਲ ਜਾ ਰਿਹਾ ਸੀ। ਉਸਨੂੰ ਹਾਈ ਬਲੱਡ ਪ੍ਰੈਸ਼ਰ ਦੀ ਸ਼ਿਕਾਇਤ ਸੀ ਅਤੇ ਸਵੇਰੇ ਲਗਭਗ 08:45 ਵਜੇ ਲੰਬਰ ਮੈਦਾਨ ਵਿੱਚ ਉਸਨੂੰ ਮਾਇਓਕਾਰਡੀਅਲ ਇਨਫਾਰਕਸ਼ਨ ਹੋ ਗਿਆ।
ਸ਼ਰਧਾਲੂ ਬਿਪਿਨਚੰਦਰ ਰਾਣਾ ਨੂੰ ਪਹਿਲਾਂ ਮੈਡੀਕਲ ਸਹਾਇਤਾ ਕੇਂਦਰ ਯਾਤਰਾ ਮੈਦਾਨ ਲੰਬਰ ਲਿਜਾਇਆ ਗਿਆ ਅਤੇ ਮੁੱਢਲੀ ਸਹਾਇਤਾ ਤੋਂ ਬਾਅਦ ਅਗਲੇ ਪ੍ਰਬੰਧਨ ਲਈ ਐਸ.ਡੀ.ਐਚ. ਬਨਿਹਾਲ ਭੇਜ ਦਿੱਤਾ ਗਿਆ, ਜਿੱਥੇ ਏ.ਸੀ.ਐਲ.ਐਸ. ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਤੁਰੰਤ ਸੀ.ਪੀ.ਆਰ. ਸ਼ੁਰੂ ਕਰ ਦਿੱਤਾ ਗਿਆ। ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਬਿਪਿਨਚੰਦਰ ਨੂੰ ਹੋਸ਼ ਨਹੀਂ ਆਇਆ ਅਤੇ ਈ.ਸੀ.ਜੀ. ਵਿੱਚ ਫਲੈਟ ਲਾਈਨ ਦਿਖਾਈ ਦਿੱਤੀ ਅਤੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
