ਘਰੇਲੂ ਉਡਾਣਾਂ ਰਾਹੀਂ ਯਾਤਰੀ ਦਿੱਲੀ, ਮੁੰਬਈ, ਪੁਣੇ, ਬੰਗਲੁਰੂ, ਅਹਿਮਦਾਬਾਦ, ਸ੍ਰੀਨਗਰ ਅਤੇ ਨੋਇਡਾ ਲਈ ਸਫ਼ਰ ਕਰ ਸਕਣਗੇ। ਇਨ੍ਹਾਂ ਵਿੱਚ ਦਿੱਲੀ ਲਈ ਸਭ ਤੋਂ ਵੱਧ ਉਡਾਣਾਂ ਰੱਖੀਆਂ ਗਈਆਂ ਹਨ, ਜਿਸ ਨਾਲ ਦਿਨ ਦੇ ਵੱਖ-ਵੱਖ ਸਮਿਆਂ ’ਤੇ ਯਾਤਰੀਆਂ ਨੂੰ ਸਫ਼ਰ ਦੀ ਸਹੂਲਤ ਮਿਲੇਗੀ। ਘਰੇਲੂ ਸੇਵਾਵਾਂ ਵਿੱਚ ਏਅਰ ਇੰਡੀਆ, ਏਅਰ ਇੰਡੀਆ ਐਕਸਪ੍ਰੈੱਸ ਅਤੇ ਇੰਡੀਗੋ ਦੀਆਂ ਉਡਾਣਾਂ ਸ਼ਾਮਲ ਹਨ।
ਅੰਤਰਰਾਸ਼ਟਰੀ ਉਡਾਣਾਂ ਦੇ ਤਹਿਤ ਅੰਮ੍ਰਿਤਸਰ ਨੂੰ ਕੁਆਲਾਲੰਪੁਰ, ਦੁਬਈ, ਸ਼ਾਰਜਾਹ, ਅਬੂ ਧਾਬੀ, ਦੋਹਾ, ਸਿੰਗਾਪੁਰ, ਬਰਮਿੰਘਮ ਅਤੇ ਬੈਂਕਾਕ ਨਾਲ ਜੋੜਿਆ ਗਿਆ ਹੈ। ਜਾਰੀ ਵੇਰਵਿਆਂ ਮੁਤਾਬਕ ਘਰੇਲੂ ਉਡਾਣਾਂ ਦੇ ਆਉਣ ਅਤੇ ਜਾਣ ਲਈ 21-21 ਐਂਟਰੀਆਂ ਹਨ। ਇਸੇ ਤਰ੍ਹਾਂ ਅੰਤਰਰਾਸ਼ਟਰੀ ਉਡਾਣਾਂ ਦੇ ਆਉਣ ਅਤੇ ਜਾਣ ਲਈ ਵੀ 21-21 ਐਂਟਰੀਆਂ ਦਰਜ ਕੀਤੀਆਂ ਗਈਆਂ ਹਨ।
ਹਾਲਾਂਕਿ, ਸ਼ਡਿਊਲ ਵਿੱਚ ਦਰਜ ਕੁਝ ਉਡਾਣਾਂ ਇਸ ਸਮੇਂ ਚਾਲੂ ਨਹੀਂ ਹਨ। ਇਨ੍ਹਾਂ ਵਿੱਚ ਅਕਾਸਾ ਏਅਰ ਦੀ ਅਬੂ ਧਾਬੀ ਸੇਵਾ, ਬੈਟਿਕ ਏਅਰ ਅਤੇ ਏਅਰਏਸ਼ੀਆ ਦੀਆਂ ਕੁਆਲਾਲੰਪੁਰ ਉਡਾਣਾਂ ਅਤੇ ਥਾਈ ਲਾਇਨ ਏਅਰ ਦੀ ਬੈਂਕਾਕ ਸੇਵਾ ਸ਼ਾਮਲ ਹਨ। ਇਸ ਲਈ ਯਾਤਰੀਆਂ ਨੂੰ ਟਿਕਟ ਬੁੱਕ ਕਰਨ ਤੋਂ ਪਹਿਲਾਂ ਸਬੰਧਤ ਏਅਰਲਾਈਨ ਤੋਂ ਉਡਾਣ ਦੀ ਪੁਸ਼ਟੀ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
