ਬਿਹਾਰ : ਪਟਨਾ ਵਿੱਚ ਵੀਰਵਾਰ ਸਵੇਰੇ ਲਗਭਗ 5 ਵਜੇ ਗੰਗਾ ਨਦੀ ਵਿੱਚ ਕਿਸ਼ਤੀ ਪਲਟ ਗਈ, ਜਿਸ ਵਿੱਚ 15 ਤੋਂ 16 ਲੋਕਾਂ ਸਨ ਅਤੇ ਇਸ ਘਟਨਾ ਵਿੱਚ ਤਿੰਨ ਲੋਕਾਂ ਦੀ ਮੌਤ ਦੀ ਖ਼ਬਰ ਹੈ, ਅਤੇ ਸੱਤ ਲਾਪਤਾ ਹਨ। ਜ਼ਿਆਦਾਤਰ ਔਰਤਾਂ ਅਤੇ ਬੱਚੇ ਸਨ। ਮ੍ਰਿਤਕਾਂ ਦੀ ਪਛਾਣ ਲੀਲਾ ਦੇਵੀ (40), ਕਾਸ਼ੀ ਕੁਮਾਰ (15) ਅਤੇ ਸ਼ਰਵਣ ਮਹਤੋ (36) ਵਜੋਂ ਹੋਈ ਹੈ। ਕਿਸ਼ਤੀ ਵਿੱਚ ਸਵਾਰ ਸਾਰੇ ਬਾੜ ਥਾਣਾ ਖੇਤਰ ਦੇ ਅਧੀਨ ਆਉਂਦੇ ਮਾਸੂਮਗੰਜ ਬਿੰਦ ਟੋਲੀ ਦੇ ਵਸਨੀਕ ਸਨ।
ਸਬਜ਼ੀਆਂ ਲੈ ਕੇ ਆ ਰਹੇ ਸਨ ਸਾਰੇ
ਇਹ ਸਾਰੇ ਗੰਗਾ ਦੇ ਪਾਰ ਡਾਇਰਾ ਤੋਂ ਉਮਾਨਾਥ ਮੰਦਰ ਘਾਟ ਵੱਲ ਇੱਕ ਛੋਟੀ ਕਿਸ਼ਤੀ ‘ਤੇ ਸਬਜ਼ੀਆਂ ਲੈ ਕੇ ਵਾਪਸ ਆ ਰਹੇ ਸਨ, ਜਦੋਂ ਅਚਾਨਕ ਇਹ ਹਾਦਸਾ ਵਾਪਰ ਗਿਆ। ਲੋਕ ਰੋਜ਼ਾਨਾ ਸਵੇਰੇ ਕਿਸ਼ਤੀ ’ਚ ਸਬਜ਼ੀਆਂ ਲੈ ਕੇ ਉਮਾਨਾਥ ਮੰਦਰ ਵਿੱਚ ਲੈ ਜਾ ਕੇ ਵੇਚਦੇ ਸਨ।
ਗੰਗਾ ਨਦੀ ਵਿੱਚ ਡੁੱਬਦੇ ਲੋਕਾਂ ਦੀ ਲਾਸ਼ ਬਾਹਰ ਕੱਢਿਆ ਗਿਆ। ਪੁਲਿਸ ਨੇ ਲਾਸ਼ਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਅਤੇ ਪੋਸਟਮਾਰਟਮ ਲਈ ਭੇਜ ਦਿੱਤਾ।
ਤੇਜ਼ ਹਵਾਵਾਂ ਕਾਰਨ ਪਲਟੀ ਕਿਸ਼ਤੀ
SDPO ਰਾਮਕ੍ਰਿਸ਼ਨ ਨੇ ਦੱਸਿਆ ਕਿ ਕਿਸ਼ਤੀ ਪਲਟਣ ਦੀ ਸੂਚਨਾ ਮਿਲਣ ‘ਤੇ ਪੁਲਿਸ ਤੁਰੰਤ ਮੌਕੇ ‘ਤੇ ਪਹੁੰਚੀ। ਤੇਜ਼ ਹਵਾਵਾਂ ਕਾਰਨ ਕਿਸ਼ਤੀ ਪਲਟ ਗਈ। ਉਨ੍ਹਾਂ ਅੱਗੇ ਕਿਹਾ ਕਿ SDRF ਟੀਮਾਂ ਨੂੰ ਘਟਨਾ ਸਥਾਨ ‘ਤੇ ਭੇਜਿਆ ਜਾ ਰਿਹਾ ਹੈ ਅਤੇ ਲਾਪਤਾ ਲੋਕਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ।
ਜ਼ਿਲ੍ਹਾ ਮੈਜਿਸਟ੍ਰੇਟ ਤਿਆਗ ਰਾਜਨ ਨੇ ਦੱਸਿਆ ਕਿ ਵੀਰਵਾਰ ਸਵੇਰੇ ਉਮਾਨਾਥ ਗੰਗਾ ਘਾਟ ਤੋਂ ਡਾਇਰਾ ਜਾ ਰਹੀ ਕਿਸ਼ਤੀ ਪਲਟ ਗਈ, ਜਿਸ ਵਿੱਚ 14 ਲੋਕ ਸਵਾਰ ਸਨ। ਸੱਤ ਲੋਕਾਂ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ, ਅਤੇ ਸੱਤ ਡੁੱਬ ਗਏ, ਜਿਨ੍ਹਾਂ ਵਿੱਚੋਂ ਤਿੰਨ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਬਾਕੀ ਚਾਰ ਦੀ ਭਾਲ ਜਾਰੀ ਹੈ।
