ਫਰੀਦਾਬਾਦ: ਫਰੀਦਾਬਾਦ ਵਿੱਚ ਇੱਕ ਵੱਡੀ ਗ੍ਰਿਫ਼ਤਾਰੀ ਦੀ ਖ਼ਬਰ ਮਿਲ ਰਹੀ ਹੈ। ਫਹੀਮ ਨਾਮ ਦੇ ਇੱਕ ਵਿਅਕਤੀ ਨੂੰ ਅਣਦੱਸੀ ਥਾਂ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸੂਤਰਾਂ ਤੋਂ ਪਤਾ ਚੱਲਦਾ ਹੈ ਕਿ ਫਹੀਮ ਅੱਤਵਾਦੀ ਉਮਰ ਦਾ ਜੀਜਾ ਮੰਨਿਆ ਜਾ ਰਿਹਾ ਹੈ। ਫਹੀਮ ਨੇ ਫਰੀਦਾਬਾਦ ਦੇ ਕੰਡਾਵਾਲੀ ਪਿੰਡ ਵਿੱਚ ਇੱਕ ਲਾਲ ਈਕੋਸਪੋਰਟ ਕਾਰ ਪਾਰਕ ਕੀਤੀ ਸੀ।
ਜ਼ਿਕਰਯੋਗ ਹੈ ਕਿ ਜਦੋਂ ਫਹੀਮ ਨੇ ਕਾਰ ਪਾਰਕ ਕੀਤੀ ਤਾਂ ਉਸ ਦੇ ਨਾਲ ਇੱਕ ਅਣਪਛਾਤੀ ਔਰਤ ਮੌਜੂਦ ਸੀ। ਪੁਲਿਸ ਹੁਣ ਔਰਤ ਦੀ ਪਛਾਣ ਅਤੇ ਫਹੀਮ ਦੀਆਂ ਗਤੀਵਿਧੀਆਂ ਦੀ ਜਾਂਚ ਕਰ ਰਹੀ ਹੈ। ਸੁਰੱਖਿਆ ਏਜੰਸੀਆਂ ਮੌਕੇ ‘ਤੇ ਮੌਜੂਦ ਹਨ। ਇਲਾਕੇ ਵਿੱਚ ਜਾਂਚ ਅਤੇ ਤਲਾਸ਼ੀ ਤੇਜ਼ ਕਰ ਦਿੱਤੀ ਗਈ ਹੈ।
ਪਾਕਿਸਤਾਨ ਦੀ ਰਹਿਣ ਵਾਲੀ ਅਤੇ ਅੱਤਵਾਦੀ ਮੁਹੰਮਦ ਉਮਰ ਦੀ ਪਤਨੀ ਆਫੀਰਾ ਬੀਬੀ ਸ਼ਾਹੀਨ ਅਤੇ ਡਾਕਟਰ ਮਾਡਿਊਲ ਦੇ ਸੰਪਰਕ ਵਿੱਚ ਸੀ। ਸ਼ਾਹੀਨ ਨੂੰ ਔਰਤਾਂ ਨੂੰ ਕੱਟੜਪੰਥੀ ਬਣਾਉਣ ਦਾ ਕੰਮ ਸੌਂਪਿਆ ਗਿਆ ਸੀ। ਉਹ ਅਫੀਰਾ ਬੀਬੀ ਨਾਲ ਜੁੜੀ ਦੱਸੀ ਜਾਂਦੀ ਹੈ। ਸੂਤਰਾਂ ਤੋਂ ਪਤਾ ਚੱਲਦਾ ਹੈ ਕਿ ਆਫੀਰਾ ਬੀਬੀ ਨੂੰ ਡਾਕਟਰ ਮਾਡਿਊਲ ਵਿੱਚ ਡਾਕਟਰਾਂ ਨਾਲ ਗੱਲਬਾਤ ਕਰਨ ਲਈ ਵਰਤਿਆ ਜਾਂਦਾ ਸੀ।
