ਪੱਛਮੀ ਬੰਗਾਲ: ਪੱਛਮੀ ਬੰਗਾਲ ਦੀ ਸਾਬਕਾ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੂੰ ਇਕ ਵਾਰ ਫਿਰ ਵੱਡਾ ਝਟਕਾ ਲੱਗਾ ਹੈ। ਸੀਨੀਅਰ ਨੇਤਾ ਸੁਖੇਂਦੂ ਸ਼ੇਖਰ ਰਾਏ ਨੇ ਅਸਤੀਫ਼ਾ ਦੇ ਦਿੱਤਾ ਹੈ। ਸੰਭਾਵਨਾ ਹੈ ਕਿ ਕੋਇਲ ਮਲਿਕ ਵੀ ਅਸਤੀਫ਼ਾ ਦੇ ਸਕਦੇ ਹਨ। ਅਜਿਹੇ ‘ਚ ਮੁੜ ਉਪ ਚੋਣਾਂ ਹੋਣਗੀਆਂ।
ਲੋਕ ਸਭਾ ਸੰਸਦ ਮੈਂਬਰਾਂ ਦੇ ਰੁਖ਼ ‘ਤੇ ਸਸਪੈਂਸ
ਇਸ ਸਮੇਂ ਲੋਕ ਸਭਾ ਵਿੱਚ ਟੀ.ਐਮ.ਸੀ. ਦੇ ਕੁੱਲ 28 ਸੰਸਦ ਮੈਂਬਰ ਹਨ। ਅਜਿਹੀਆਂ ਚਰਚਾਵਾਂ ਸਾਹਮਣੇ ਆ ਰਹੀਆਂ ਹਨ ਕਿ ਇਨ੍ਹਾਂ ‘ਚੋਂ ਕੁਝ ਸੰਸਦ ਮੈਂਬਰ ਆਪਣੇ ਵੱਖਰੇ ਰਸਤੇ ਜਾਣ ਬਾਰੇ ਸੋਚ ਰਹੇ ਹਨ। ਫਿਲਹਾਲ ਇਸ ਸਬੰਧੀ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਪਾਰਟੀ ਦੇ ਇੱਕ ਅੰਦਰੂਨੀ ਸੂਤਰ ਦਾ ਕਹਿਣਾ ਹੈ ਕਿ ਕੁਝ ਸੰਸਦ ਮੈਂਬਰ ਨਿਸ਼ਚਿਤ ਤੌਰ ‘ਤੇ ਅਸੰਤੁਸ਼ਟ ਹਨ ਅਤੇ ਕੁਝ ਵੱਖਰਾ ਕਰਨ ਦੀ ਯੋਜਨਾ ਬਣਾ ਰਹੇ ਹਨ, ਪਰ ਹਾਲੇ ਵੀ ਇਸ ਗੱਲ ‘ਤੇ ਸਸਪੈਂਸ ਬਣਿਆ ਹੋਇਆ ਹੈ ਕਿ ਕੀ ਉਨ੍ਹਾਂ ਨੂੰ ਦੋ ਤਿਹਾਈ (ਲਗਭਗ 19 ਸੰਸਦ ਮੈਂਬਰਾਂ) ਦੀ ਲੋੜੀਂਦਾ ਸਮਰਥਨ ਹੈ।
