ਕਸੌਲੀ : ਹਿਮਾਚਲ ਪ੍ਰਦੇਸ਼ ਦੇ ਕਸੌਲੀ ਦੇ ਜੰਗਲਾਂ ਵਿੱਚ ਭਿਆਨਕ ਅੱਗ ਲੱਗ ਗਈ। ਅੱਗ ਬੁਝਾਉਣ ਲਈ ਭਾਰਤੀ ਹਵਾਈ ਸੈਨਾ ਦੇ ਦੋ ਹੈਲੀਕਾਪਟਰ ਤਾਇਨਾਤ ਕੀਤੇ ਗਏ ਹਨ। ਇਹ ਹੈਲੀਕਾਪਟਰ ਪਾਣੀ ਸਟੋਰ ਕਰਦੇ ਹਨ, ਫਿਰ ਜੰਗਲ ਦੇ ਉੱਪਰ ਉੱਡਣ ਭਰਦੇ ਹਨ ਅਤੇ ਪਾਣੀ ਛਿੜਕਾ ਕੇ ਅੱਗ ਬਝਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਅਧਿਕਾਰੀਆਂ ਨੇ ਦੱਸਿਆ ਕਿ ਜੰਗਲ ਦੀ ਅੱਗ ਦੀ ਇਹ ਘਟਨਾ ਕਸੌਲੀ ਏਅਰ ਫੋਰਸ ਸਟੇਸ਼ਨ ਨੇੜੇ ਵਾਪਰੀ। ਜੰਗਲਾਤ ਵਿਭਾਗ ਦੀਆਂ ਟੀਮਾਂ ਅਤੇ ਕਈ ਫਾਇਰ ਇੰਜਣ ਤੁਰੰਤ ਅੱਗ ਬੁਝਾਉਣ ਲਈ ਮੌਕੇ ‘ਤੇ ਪਹੁੰਚ ਗਏ, ਪਰ ਉਹ ਇਸ ‘ਤੇ ਕਾਬੂ ਪਾਉਣ ਵਿੱਚ ਅਸਮਰੱਥ ਰਹੇ।
ਚਿਨੂਕ ਅਤੇ ਐਮਆਈ-17 ਹੈਲੀਕਾਪਟਰ ਬੁਝਾ ਰਹੇ ਅੱਗ
ਇਸ ਤੋਂ ਬਾਅਦ, ਹਵਾਈ ਸੈਨਾ ਨੇ ਜੰਗਲ ਦੇ ਖਾਸ ਤੌਰ ‘ਤੇ ਪਹੁੰਚ ਤੋਂ ਬਾਹਰਲੇ ਖੇਤਰਾਂ ਵਿੱਚ ਅੱਗ ਬੁਝਾਉਣ ਦੇ ਲਈ ਆਪਣੇ ਐਮਆਈ-17 ਅਤੇ ਚਿਨੂਕ ਹੈਲੀਕਾਪਟਰ ਤਾਇਨਾਤ ਕੀਤੇ। ਅੱਗ ਬੁਝਾਉਣ ਲਈ ਚੰਡੀਗੜ੍ਹ ਦੀ ਸੁਖਨਾ ਝੀਲ ਤੋਂ ਵੀ ਪਾਣੀ ਲਿਆਂਦਾ ਗਿਆ। ਹਵਾਈ ਸੈਨਾ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਭਾਰਤੀ ਹਵਾਈ ਸੈਨਾ ਹਿਮਾਚਲ ਪ੍ਰਦੇਸ਼ ਦੇ ਕਸੌਲੀ ਦੇ ਆਲੇ ਦੁਆਲੇ ਜੰਗਲ ਦੀ ਅੱਗ ਬੁਝਾਉਣ ਲਈ ਆਪਣੇ ਐਮਆਈ-17 ਹੈਲੀਕਾਪਟਰ ਤਾਇਨਾਤ ਕਰ ਰਹੀ ਹੈ। ਪਾਇਲਟਾਂ ਦੁਆਰਾ ਨਾਈਟ ਵਿਜ਼ਨ ਗੋਗਲਾਂ ਦੀ ਵਰਤੋਂ ਕਰਕੇ ਰਾਤ ਦੇ ਸੰਚਾਲਨ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ।
