ਰਾਜਸਥਾਨ : ਜੋਧਪੁਰ ਦੇ ਖੇੜਾਪਾ ਥਾਣੇ ਅੰਦਰ ਐਨ.ਐਚ.-62 ਨਾਗੌਰ ਹਾਈਵੇਅ ‘ਤੇ, ਬਾਵੜੀ ਤੋਂ ਅੱਗੇ ਪੂਨੀਆਂ ਦੀ ਬਾਸਨੀ ਫਾਟਾ ਨੇੜੇ ਬੀਤੀ ਦੁਪਹਿਰ ਨੂੰ ਤੇਜ਼ ਰਫਤਾਰ ਅਤੇ ਲਾਪਰਵਾਹੀ ਨਾਲ ਆਏ ਟਰੱਕ ਅਤੇ ਕਾਰ ਦੀ ਟੱਕਰ ਹੋ ਗਈ, ਜਿਸ ਵਿੱਚ ਕਾਰ ਵਿੱਚ ਸਵਾਰ ਸਾਬਕਾ ਸਰਪੰਚ, ਵਕੀਲ ਦੀ ਮੌਤ ਹੋ ਗਈ ਅਤੇ ਉਸਦੀ ਧੀ ਜ਼ਖ਼ਮੀ ਹੋ ਗਈ।
ਥਾਣਾ ਅਧਿਕਾਰੀ ਲਾਖਾਰਾਮ ਨੇ ਦੱਸਿਆ ਕਿ ਨਾਗੌਰ ਜ਼ਿਲ੍ਹੇ ਵਿੱਚ ਫੜੋਦ ਪਿੰਡ ਦੇ ਰਹਿਣ ਵਾਲੇ ਸਾਬਕਾ ਸਰਪੰਚ ਅਤੇ ਵਕੀਲ ਇੰਦਰਚੰਦ (52) ਪੁੱਤਰ ਸਹਿਦੇਵਰਾਮ ਜਾਟ ਦੁਪਹਿਰ 3.30 ਵਜੇ ਆਪਣੀ ਧੀ ਪ੍ਰਿਯੰਕਾ ਦੇ ਨਾਲ ਕਾਰ ਵਿੱਚ ਜੋਧਪੁਰ ਤੋਂ ਨਾਗੌਰ ਜਾ ਰਹੇ ਸਨ। ਬਾਵੜੀ ਤੋਂ ਚਾਰ ਕਿਲੋਮੀਟਰ ਅੱਗੇ ਪੂਨੀਆਂ ਦੀ ਬਾਸਨੀ ਫਾਟਾ ਕੋਲ ਪਹੁੰਚੇ ਤਾਂ ਨਾਗੌਰ ਤੋਂ ਜੋਧਪੁਰ ਆ ਰਹੇ ਟਰੱਕ ਨਾਲ ਕਾਰ ਦੀ ਟੱਕਰ ਹੋ ਗਈ।
ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਦਾ ਅਗਲਾ ਹਿੱਸਾ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ। ਗੱਡੀ ‘ਚ ਸਵਾਰ ਪਿਓ ਤੇ ਧੀ ਬੁਰੀ ਤਰ੍ਹਾਂ ਫਸ ਗਏ। ਆਲੇ-ਦੁਆਲੇ ਪਿੰਡਾਂ ਦੇ ਲੋਕ ਤੇ ਰਾਹ ਜਾਂਦੇ ਲੋਕ ਮਦਦ ਲਈ ਆਏ। ਈ.ਐਮ.ਟੀ. ਸੁਨੀਲ ਤੇ ਪਾਇਲਟ ਸੁਰਿੰਦਰ ਨੇ ਬਹੁਤ ਕੋਸ਼ਿਸ਼ਾਂ ਤੋਂ ਬਾਅਦ ਕੁੜੀ ਅਤੇ ਸਾਬਕਾ ਸਰਪੰਚ ਪਿਓ ਨੂੰ ਬਾਹਰ ਕੱਢਿਆ ਜਾ ਸਕਿਆ। ਉਦੋਂ ਤੱਕ ਪਿਓ ਇੰਦਰਚੰਦ ਦੀ ਮੌਤ ਹੋ ਚੁੱਕੀ ਸੀ।
ਗੰਭੀਰ ਹਾਲਤ ਵਿੱਚ ਧੀ ਨੂੰ ਬਾਵੜੀ ਦੇ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ, ਉੱਥੇ ਮੁੱਢਲੀ ਸਹਾਇਤਾ ਤੋਂ ਬਾਅਦ, ਉਹਨੂੰ ਜੋਧਪੁਰ ਦੇ ਮਥੁਰਾਦਾਸ ਮਾਥੁਰ ਹਸਪਤਾਲ ਰੈਫਰ ਕੀਤਾ ਗਿਆ। ਜਾਂਚ ਵਿੱਚ ਪਤਾ ਲੱਗਿਆ ਕਿ ਉਹਦੇ ਪੈਰ ਵਿੱਚ ਫ੍ਰੈਕਚਰ ਹੋਇਆ ਸੀ। ਉਹਦੀ ਹਾਲਤ ਸਥਿਰ ਦੱਸੀ ਜਾਂਦੀ ਹੈ। ਪਰਿਵਾਰ ਦੇ ਬਾੜੀ ਪਹੁੰਚਣ ‘ਤੇ ਕਾਰਵਾਈ ਤੋਂ ਬਾਅਦ ਲਾਸ਼ ਪਰਿਵਾਰ ਨੂੰ ਸੌਂਪ ਦਿੱਤੀ ਗਈ।
ਪੁਲਿਸ ਦਾ ਕਹਿਣਾ ਹੈ ਕਿ ਇੰਦਰਚੰਦ ਜਾਟ ਫੜੋਦ ਪਿੰਡ ਦੇ ਸਾਬਕਾ ਸਰਪੰਚ ਸਨ। ਨਾਲ ਹੀ, ਉਹ ਵਕੀਲ ਵੀ ਸਨ। ਉਹ ਨਾਗੌਰ ਵਿੱਚ ਟਰਾਂਸਪੋਰਟ ਵਿਭਾਗ ਨਾਲ ਸਬੰਧਤ ਮਾਮਲਿਆਂ ਦੇ ਵਕੀਲ ਸਨ। ਹਾਦਸੇ ਦੀ ਖ਼ਬਰ ਸੁਣ ਕੇ ਵਕੀਲਾਂ ਅਤੇ ਪਿੰਡ ਵਾਸੀਆਂ ਵਿੱਚ ਸੋਗ ਛਾ ਗਿਆ।
