ਟੋਕੀਓ : ਜਾਪਾਨ ਵਿੱਚ ਬੀਤੀ ਦੇਰ ਰਾਤ ਹੋਂਸ਼ੂ ਦੇ ਪੂਰਬੀ ਤੱਟ ‘ਤੇ 6 ਤੀਬਰਤਾ ਦੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਜਰਮਨ ਰਿਸਰਚ ਸੈਂਟਰ ਫਾਰ ਜੀਓਸਾਇੰਸਿਜ਼ ਨੇ ਦੱਸਿਆ ਕਿ ਭੂਚਾਲ ਦੀ ਤੀਬਰਤਾ 6 ਸੀ ਅਤੇ ਇਹ ਜ਼ਮੀਨ ਦੇ 10 ਕਿਲੋਮੀਟਰ ਦੀ ਡੂੰਘਾਈ ‘ਤੇ ਸੀ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਲੋਕਾਂ ਨੇ ਹਲਕੇ ਝਟਕੇ ਮਹਿਸੂਸ ਕੀਤੇ। ਭੂਚਾਲ ਦੇ ਬਾਅਦ ਸੁਨਾਮੀ ਨੂੰ ਲੈ ਕੇ ਕੋਈ ਖ਼ਤਰਾ ਨਹੀਂ ਦੱਸਿਆ ਗਿਆ ਹੈ। ਅਮਰੀਕੀ ਭੂ-ਵਿਗਿਆਨਕ ਸਰਵੇਖਣ ਨੇ (USGS) ਝਟਕਿਆਂ ਅਤੇ ਨੁਕਸਾਨ ਲਈ ਗਰੀਨ ਅਲਰਟ ਜਾਰੀ ਕੀਤਾ ਹੈ। ਹਾਦਸਿਆਂ ਅਤੇ ਨੁਕਸਾਨ ਦੀ ਸੰਭਾਵਨਾ ਘੱਟ ਹੈ।
ਜਪਾਨ ਇੱਕ ਬਹੁਤ ਹੀ ਸਰਗਰਮ ਭੂਚਾਲ ਵਾਲੇ ਖੇਤਰ ਵਿੱਚ ਸਥਿਤ ਹੈ ਅਤੇ ਦੁਨੀਆ ਦਾ ਸਭ ਤੋਂ ਘਣਾ ਭੂਚਾਲ ਨੈੱਟਵਰਕ ਹੈ। ਹੋਨਸ਼ੂ ਦੇ ਜਿਸ ਖੇਤਰ ਵਿੱਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ, ਉੱਥੇ ਆਬਾਦੀ ਅਜਿਹੀਆਂ ਬਣਤਰਾਂ ਵਿੱਚ ਰਹਿੰਦੀ ਹੈ, ਜੋ ਭੂਚਾਲ ਦੇ ਝਟਕਿਆਂ ਪ੍ਰਤੀ ਰੋਧਕ ਹਨ। ਹਾਲਾਂਕਿ, ਕੁਝ ਸੰਵੇਦਨਸ਼ੀਲ ਇਮਾਰਤਾਂ ਵੀ ਮੌਜੂਦ ਹਨ। ਪ੍ਰਮੁੱਖ ਰੂਪ ਵਿੱਚ ਸੰਵੇਦਨਸ਼ੀਲ ਇਮਾਰਤਾਂ ਭਾਰੀ ਲੱਕੜ ਦੇ ਫਰੇਮ ਜਾਂ ਸੀਮਤ ਚਿਨਾਈ ਵਾਲੀਆਂ ਹਨ।
