ਗੈਜੇਟ ਡੈਸਕ: ਸੋਸ਼ਲ ਮੀਡੀਆ ਪਲੇਟਫਾਰਮ ਲਿੰਕਡਇਨ ਨੇ ਆਪਣੀ ਪ੍ਰਾਈਵੇਸੀ ਪਾਲਿਸੀ ਵਿੱਚ ਵੱਡਾ ਬਦਲਾਅ ਕੀਤਾ ਹੈ। ਹੁਣ ਕੰਪਨੀ ਆਪਣੇ ਯੂਜ਼ਰਸ ਦੇ ਡਾਟਾ ਦੀ ਵਰਤੋਂ ਏ.ਆਈ. ਮਾਡਲ ਨੂੰ ਟ੍ਰੇਨਿੰਗ ਦੇਣ ਲਈ ਕਰਨ ਵਾਲੀ ਹੈ। ਮਾਈਕ੍ਰੋਸਾਫਟ ਦੀ ਮਲਕੀਅਤ ਵਾਲਾ ਇਹ ਪਲੇਟਫਾਰਮ 3 ਨਵੰਬਰ 2025 ਤੋਂ ਨਵੀਂ ਪਾਲਿਸੀ ਲਾਗੂ ਕਰੇਗਾ।
LinkedIn ‘ਤੇ ਲੱਖਾਂ ਲੋਕ ਆਪਣੀ ਨਿੱਜੀ ਜਾਣਕਾਰੀ, ਨੌਕਰੀ ਦਾ ਇਤਿਹਾਸ ਅਤੇ ਸਿੱਖਿਆ ਸਾਂਝੀ ਕਰਦੇ ਹਨ। ਅਜਿਹੇ ਵਿੱਚ, ਇਹ ਖ਼ਬਰ ਸੁਣ ਕੇ ਲੋਕਾਂ ਦੇ ਮਨ ਵਿੱਚ ਚਿੰਤਾ ਵਧਣਾ ਸੁਭਾਵਿਕ ਹੈ। ਹਾਲਾਂਕਿ ਕੰਪਨੀ ਦਾ ਕਹਿਣਾ ਹੈ ਕਿ ਪ੍ਰਾਈਵੇਟ ਮੈਸੇਜਾਂ ਦੀ ਵਰਤੋਂ ਨਹੀਂ ਕੀਤੀ ਜਾਵੇਗੀ, ਸਿਰਫ਼ ਜਨਤਕ ਜਾਣਕਾਰੀ ਜਿਵੇਂ ਕਿ ਪ੍ਰੋਫਾਈਲ, ਪੋਸਟਾਂ ਅਤੇ ਟਿੱਪਣੀਆਂ ਨੂੰ ਸਿਖਲਾਈ ਲਈ ਵਰਤਿਆ ਜਾਵੇਗਾ।
ਇਹ ਨਵੀਂ ਪਾਲਿਸੀ ਹਰ ਥਾਂ ਲਾਗੂ ਨਹੀਂ ਹੋਵੇਗੀ। ਫਿਲਹਾਲ ਇਹ ਸਿਰਫ ਯੂਰਪੀਅਨ ਯੂਨੀਅਨ (EU), ਯੂਰਪੀਅਨ ਇਕੋਨੋਮਿਕ ਏਰੀਆ (EEA), ਯੂਕੇ, ਸਵਿਟਜ਼ਰਲੈਂਡ, ਕੈਨੇਡਾ ਅਤੇ ਹਾਂਗਕਾਂਗ ਦੇ ਯੂਜ਼ਰਸ ਲਈ ਲਾਗੂ ਕੀਤੀ ਜਾਵੇਗੀ। ਚੰਗੀ ਗੱਲ ਇਹ ਹੈ ਕਿ ਯੂਜ਼ਰਸ ਚਾਹੁਣ ਤਾਂ ਆਪਟ-ਆਊਟ ਕਰ ਸਕਦੇ ਹਨ।
ਮਾਈਕ੍ਰੋਸਾਫਟ ਨੂੰ ਵੀ ਪ੍ਰਾਪਤ ਹੋਵੇਗਾ ਡੇਟਾ
ਲਿੰਕਡਇਨ ਨੇ ਸਪੱਸ਼ਟ ਕੀਤਾ ਹੈ ਕਿ ਕੁਝ ਡੇਟਾ ਮਾਈਕ੍ਰੋਸਾਫਟ ਦੇ ਨਾਲ ਇਸ਼ਤਿਹਾਰਬਾਜ਼ੀ ਅਤੇ ਏਆਈ ਵਿਕਾਸ ਲਈ ਸਾਂਝਾ ਕੀਤਾ ਜਾਵੇਗਾ। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਬਦਲਾਅ ਉਪਭੋਗਤਾ ਅਨੁਭਵ ਨੂੰ ਬਿਹਤਰ ਬਣਾਏਗਾ ਅਤੇ ਉਨ੍ਹਾਂ ਨੂੰ ਨਵੇਂ ਮੌਕਿਆਂ ਨਾਲ ਜੁੜਨ ਵਿੱਚ ਮਦਦ ਮਿਲੇਗੀ।
ਇਸ ਤਰ੍ਹਾਂ ਕਰੋ ਸੈਟਿੰਗਾਂ ਵਿੱਚ ਬਦਲਾਅ
ਜੇਕਰ ਤੁਸੀਂ ਨਹੀਂ ਚਾਹੁੰਦੇ ਕਿ ਤੁਹਾਡਾ ਡਾਟਾ AI ਸਿਖਲਾਈ ਲਈ ਵਰਤਿਆ ਜਾਵੇ, ਤਾਂ ਇਸਨੂੰ ਸੈਟਿੰਗਾਂ ਤੋਂ ਬੰਦ ਕੀਤਾ ਜਾ ਸਕਦਾ ਹੈ।
- ਆਪਣੇ ਪ੍ਰੋਫਾਈਲ ਆਈਕਨ ‘ਤੇ ਕਲਿੱਕ ਕਰੋ।
- ਸੈਟਿੰਗਾਂ ਵਿੱਚ ਜਾਓ।
- ਉੱਥੋਂ ਡਾਟਾ ਪ੍ਰਾਈਵੇਸੀ ਚੁਣੋ।
- ਹੁਣ ਡਾਟਾ ਫਾਰ ਜਨਰੇਟਿਵ AI ਇੰਪਰੂਵਮੈਂਟ ਵਿਕਲਪ ‘ਤੇ ਕਲਿੱਕ ਕਰੋ।
- ਟੌਗਲ ਨੂੰ ਬੰਦ ਕਰ ਦਿਓ।
ਲਿੰਕਡਇਨ ਦਾ ਇਹ ਕਦਮ AI ਨੂੰ ਸਮਾਰਟ ਬਣਾਉਣ ਦੀ ਦਿਸ਼ਾ ਵਿੱਚ ਹੈ, ਪਰ ਇਸ ਵਿੱਚ ਉਪਭੋਗਤਾ ਦੀ ਪ੍ਰਾਈਵੇਸੀ ਬਾਰੇ ਵੀ ਸਵਾਲ ਉਠਾ ਰਿਹਾ ਹੈ। ਹੁਣ, ਇਹ ਹਰੇਕ ਉਪਭੋਗਤਾ ‘ਤੇ ਨਿਰਭਰ ਕਰਦਾ ਹੈ ਕਿ ਉਹ ਇਸ ਬਦਲਾਅ ਨੂੰ ਅਪਣਾਏ ਚਾਹੁੰਦੇ ਹਨ ਜਾਂ ਇਸ ਤੋਂ ਬਾਹਰ ਨਿਕਲਣਾ ।
