ਦਿੱਲੀ ’ਚ 14 ਨਵੰਬਰ ਤੋਂ ਆਯੋਜਨ ਹੋਵੇਗਾ 44ਵੇਂ ਇੰਟਰਨੈਸ਼ਨਲ ਟਰੇਡ ਫੇਅਰ ਮੇਲਾ

ਨਵੀਂ ਦਿੱਲੀ : ਰਾਸ਼ਟਰੀ ਰਾਜਧਾਨੀ ਦਿੱਲੀ ਦੇ ਭਾਰਤ ਮੰਡਪਮ (ਪਰਗਤੀ ਮੈਦਾਨ) ਵਿੱਚ ਦੇਸ਼ ਦੇ ਸਭ ਤੋਂ ਵੱਡੇ ਵਪਾਰਕ ਮੇਲੇ ਦਾ ਆਯੋਜਨ ਹੋਵੇਗਾ। ਇਸ 44ਵੇਂ ਇੰਟਰਨੈਸ਼ਨਲ ਟਰੇਡ ਫੇਅਰ ਮੇਲੇ ਦਾ ਆਯੋਜਨ 14-27 ਨਵੰਬਰ ਤੱਕ ਹੋਵੇਗਾ। ਦੇਸ਼ ਦੀ ਏਕਤਾ ਅਤੇ ਵਿਭਿੰਨਤਾ ਨੂੰ ਦਰਸਾਉਣ ਵਾਲੇ ਇਸ ਮੇਲੇ ਦੀ ‘ਇੱਕ ਭਾਰਤ, ਸ੍ਰੇਸ਼ਠ ਭਾਰਤ’ ਥੀਮ ਰਹੇਗੀ।

14 ਨਵੰਬਰ ਤੋਂ ਹੋਵੇਗੀ ਸ਼ੁਰੂਆਤ

ਵਿਭਿੰਨ ਸਾਂਸਕ੍ਰਿਤਿਕ ਕਾਰਜਕ੍ਰਮਾਂ ਦੇ ਨਾਲ ਆਯੋਜਿਤ ਹੋਣ ਵਾਲੇ ਇੰਟਰਨੈਸ਼ਨਲ ਟਰੇਡ ਫੇਅਰ ਮੇਲੇ ਦੇ ਪਹਿਲੇ 5 ਦਿਨ (14- 18 ਨਵੰਬਰ) ਸਿਰਫ਼ ਬਿਜ਼ਨਸ ਦਿਨ ਹੋਣਗੇ, ਜਦਕਿ 19- 27 ਨਵੰਬਰ ਤੱਕ ਆਮ ਜਨਤਾ ਮੇਲੇ ਵਿੱਚ ਘੁੰਮ ਸਕੇਗੀ।

ਦਿੱਲੀ ਵਿੱਚ ਹੋਣ ਵਾਲੇ ਇਸ ਇੰਟਰਨੈਸ਼ਨਲ ਟ੍ਰੇਡ ਫੇਅਰ ਮੇਲੇ ਦਾ ਸਮਾਂ ਸਵੇਰੇ 10 ਵਜੇ ਤੋਂ ਸ਼ਾਮ 5:30 ਵਜੇ ਤੱਕ ਰਹੇਗਾ। ਉੱਥੇ ਹੀ, ਪ੍ਰਗਤੀ ਮੈਦਾਨ ਵਿੱਚ ਐਂਟਰੀ ਲਈ ਭੈਰੋਂ ਰੋਡ ਗੇਟ ਨੰਬਰ 3 ਅਤੇ 4 ਅਤੇ ਮਥੁਰਾ ਰੋਡ ਗੇਟ ਨੰਬਰ 6 ਅਤੇ 10 ਤੋਂ ਕਰ ਸਕਦੇ ਹੋ।

ਵੱਖ-ਵੱਖ ਰਾਜਾਂ ਦੀ ਦੇਖੀ ਜਾਵੇਗੀ ਝਲਕ

ਇਸ ਮੇਲੇ ਵਿੱਚ ਹਾਲ ਨੰ. 1-6 ਵਿੱਚ ਕੇਂਦਰ ਸਰਕਾਰ ਦੇ ਮੰਤਰਾਲਿਆਂ, ਰਾਜ ਸਰਕਾਰਾਂ ਅਤੇ ਜਨਤਕ ਖੇਤਰ ਦੇ ਅਦਾਰਿਆਂ (PSUs) ਦੇ ਪਵੇਲੀਅਨ ਲੱਗਣਗੇ। ਇੱਥੇ ਵੱਖ-ਵੱਖ ਰਾਜਾਂ ਦੀਆਂ ਕਲਾ, ਸੱਭਿਆਚਾਰ, ਸਰਕਾਰੀ ਯੋਜਨਾਵਾਂ ਅਤੇ ਸਥਾਨਕ ਉਤਪਾਦ ਪ੍ਰਦਰਸ਼ਿਤ ਕੀਤੇ ਜਾਣਗੇ। ਏਥੋਂ ਲੋਕ ਆਪਣੇ ਰਾਜ ਦੀ ਪਛਾਣ ਨਾਲ ਜੁੜੇ ਉਤਪਾਦਾਂ ਦੀ ਖਰੀਦਦਾਰੀ ਕਰ ਸਕਣਗੇ। ਇਨ੍ਹਾਂ ਹਾਲਾਂ ਵਿੱਚ ਭਾਰਤ ਦੇਸ਼ ਦੀ ਵਿਭਿੰਨਤਾ ਦੇਖਣ ਨੂੰ ਮਿਲੇਗੀ। ਇਹ ਹਾਲ ਉਨ੍ਹਾਂ ਲੋਕਾਂ ਲਈ ਖਾਸ ਰਹੇਗਾ ਜੋ ਘਰ ਜਾਂ ਆਫਿਸ ਲਈ ਨਵੇਂ-ਨਵੇਂ ਪ੍ਰੋਡਕਟਸ ਲੱਭ ਰਹੇ ਹਨ। ਇੱਥੇ ਇਲੈਕਟ੍ਰੋਨਿਕਸ, ਫੁੱਟਵੀਅਰ, ਟੈਕਸਟਾਈਲ, ਕਿਚਨ ਇਕੁਇਪਮੈਂਟ, ਘੜੀਆਂ ਅਤੇ ਘਰੇਲੂ ਵਰਤੋਂ ਦੀਆਂ ਚੀਜ਼ਾਂ ਮਿਲਣਗੀਆਂ।

ਜੇਕਰ ਤੁਸੀਂ ਖਾਣ-ਪੀਣ ਦੇ ਸ਼ੌਕੀਨ ਹੋ, ਤਾਂ ਹਾਲ 12 ਅਤੇ 12A ਵਿੱਚ ਤੁਹਾਨੂੰ ਸੁਆਦ ਅਤੇ ਪਰੰਪਰਾ ਦਾ ਅਨੋਖਾ ਸੰਗਮ ਦੇਖਣ ਨੂੰ ਮਿਲੇਗਾ। ਇੱਥੇ ਤੁਹਾਨੂੰ ਪੂਰੇ ਦੇਸ਼ ਦੇ ਮਸ਼ਹੂਰ ਪਕਵਾਨਾਂ ਦਾ ਸੁਆਦ ਚੱਖਣ ਨੂੰ ਮਿਲੇਗਾ। ਇੱਥੇ ਫੂਡ ਪ੍ਰੋਡਕਟਸ, ਸਪਾਈਸਿਜ਼, ਐਗਰੀ-ਪ੍ਰੋਡਿਊਸ, ਹਸਤ-ਸ਼ਿਲਪ, ਹੋਮ ਡੈਕੋਰ ਅਤੇ ਸਟਾਰਟਅੱਪ ਪ੍ਰੋਡਕਟਸ ਸ਼ੋਅ ਹੋਣਗੇ। ਦੇਸ਼ ਭਰ ਦੇ ਰਵਾਇਤੀ ਪਕਵਾਨ ਅਤੇ ਘਰੇਲੂ ਉਤਪਾਦ ਇੱਥੇ ਦੇਖਣ ਅਤੇ ਖਰੀਦਣ ਨੂੰ ਮਿਲਣਗੇ।

ਇਹ ਹਾਲ ਖ਼ਾਸ ਤੌਰ ‘ਤੇ ਔਰਤਾਂ ਲਈ ਖਿੱਚ ਦਾ ਕੇਂਦਰ ਰਹੇਗਾ। ਇੱਥੇ ਸੁੰਦਰਤਾ ਨਾਲ ਜੁੜੇ ਉਤਪਾਦ, ਕਾਸਮੈਟਿਕਸ ਅਤੇ ਗਹਿਣਿਆਂ ਦੀ ਵੱਡੀ ਰੇਂਜ ਵੇਖਣ ਨੂੰ ਮਿਲੇਗੀ। ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਆਏ ਡਿਜ਼ਾਈਨਰ ਇੱਥੇ ਆਪਣੇ ਅਨੋਖੇ ਗਹਿਣੇ ਅਤੇ ਬਿਊਟੀ ਬ੍ਰਾਂਡਸ ਪ੍ਰਦਰਸ਼ਿਤ ਕਰਨਗੇ।

ਕਈ ਤਰ੍ਹਾਂ ਦੇ ਪ੍ਰੋਗਰਾਮ ਹੋਣਗੇ ਆਯੋਜਿਤ

ਇਸ ਟ੍ਰੇਡ ਫੇਅਰ ਵਿੱਚ ਸਿਰਫ਼ ਖ਼ਰੀਦੋ-ਫ਼ਰੋਖ਼ਤ ਹੀ ਨਹੀਂ, ਸਗੋਂ ਮਨੋਰੰਜਨ ਦਾ ਵੀ ਭਰਪੂਰ ਪ੍ਰਬੰਧ ਕੀਤਾ ਗਿਆ ਹੈ। ਹਾਲ 1, 2 ਅਤੇ 5 ਦੇ ਕੋਲ ਬਣੇ ਓਪਨ ਐਂਫੀਥੀਏਟਰਾਂ ਵਿੱਚ ਹਰ ਰੋਜ਼ ਵੱਖ-ਵੱਖ ਰਾਜਾਂ ਦੇ ਸੱਭਿਆਚਾਰਕ ਪ੍ਰੋਗਰਾਮ ਹੋਣਗੇ। ਲੋਕ ਨਾਚ, ਸੰਗੀਤ ਅਤੇ ਰਵਾਇਤੀ ਪੇਸ਼ਕਾਰੀਆਂ ਪੂਰੇ ਮਾਹੌਲ ਨੂੰ ਰੰਗੀਨ ਬਣਾ ਦੇਣਗੀਆਂ।