ਮਣੀਪੁਰ: ਮਣੀਪੁਰ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ ਸੁਰੱਖਿਆ ਬਲਾਂ ਨੇ ਪਾਬੰਦੀਸ਼ੁਦਾ ਸੰਗਠਨ ਪ੍ਰੀਪਾਕ (ਪੀ.ਆਰ.ਓ.) ਨਾਲ ਜੁੜੇ ਚਾਰ ਅੱਤਵਾਦੀਆਂ ਨੂੰ ਜਬਰਨ ਵਸੂਲੀ ਦੀਆਂ ਗਤੀਵਿਧੀਆਂ ਵਿੱਚ ਕਥਿਤ ਸ਼ਮੂਲੀਅਤ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਨੇ ਅੱਜ ,ਸ਼ਨੀਵਾਰ ਨੂੰ ਇੱਕ ਬਿਆਨ ਵਿੱਚ ਇਹ ਜਾਣਕਾਰੀ ਦਿੱਤੀ । ਬਿਆਨ ਦੇ ਅਨੁਸਾਰ , ਇਨ੍ਹਾਂ ਅੱਤਵਾਦੀਆ ਨੂੰ ਪਿੜਲੇ 48 ਘੰਟਿਆਂ ਦੇ ਦੌਰਾਨ ਗ੍ਰਿਫ਼ਤਾਰ ਕੀਤਾ ਗਿਆ।
ਇੰਫਾਲ ਪੱਛਮੀ ਜ਼ਿਲ੍ਹੇ ਵਿੱਚ ਵੀਰਵਾਰ ਨੂੰ ਕਸ਼ਤਰੀਮਯੂਮ ਲਾਇਬਾ ਮੇਤੇਈ (42) ਨੂੰ ਲਾਮਡੇਂਗ ਖੁਨੂ ਵਿੱਚ ਉਸਦੇ ਘਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਉਸੇ ਦਿਨ ਸੰਗਠਨ ਦੇ ਇੱਕ ਹੋਰ ਮੈਂਬਰ ਨੂੰ ਖੁਮਾਨ ਲੰਪਕ ਖੇਤਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਸੁਰੱਖਿਆ ਬਲਾਂ ਨੇ ਬੀਤੇ ਦਿਨ ਥੌਬਲ ਜ਼ਿਲ੍ਹੇ ਦੇ ਉਯਾਲ ਮਖਾ ਲੀਕਾਈ ਖੇਤਰ ਤੋਂ ਸੰਗਠਨ ਦੇ ਇੱਕ ਹੋਰ ਮੈਂਬਰ, ਜਿਸਦੀ ਪਛਾਣ ਥੋਕਚੋਮ ਰਵੀਚੰਦਰ ਸਿੰਘ (36) ਵਜੋਂ ਹੋਈ ਹੈ, ਨੂੰ ਗ੍ਰਿਫ਼ਤਾਰ ਕੀਤਾ।
ਪੁਲਿਸ ਦੇ ਇੱਕ ਬਿਆਨ ਦੇ ਅਨੁਸਾਰ, ਸੰਗਠਨ ਦੇ ਇੱਕ ਹੋਰ ਮੈਂਬਰ, ਖੁਰੈਜਾਮ ਰੋਜਿਤਕੁਮਾਰ ਸਿੰਘ (37) ਨੂੰ ਇੰਫਾਲ ਪੂਰਬੀ ਜ਼ਿਲ੍ਹੇ ਦੇ ਥੋਂਗਜੂ ਪਾਰਟ- ਮਖਾ ਲੀਕਾਈ ਵਿੱਚ ਉਸਦੇ ਘਰ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਇਸ ਦੌਰਾਨ, ਸੁਰੱਖਿਆ ਬਲਾਂ ਨੇ ਵੀਰਵਾਰ ਨੂੰ ਚੁਰਾਚੰਦਪੁਰ ਜ਼ਿਲ੍ਹੇ ਦੇ ਥਿੰਗੀਜਾਂਗ ਪਿੰਡ ਵਿੱਚ ਇੱਕ ਕਾਰਵਾਈ ਦੌਰਾਨ ਇੱਕ ਮੈਗਜ਼ੀਨ ਵਾਲੀ ਇੱਕ ਏ.ਕੇ-47 ਰਾਈਫਲ, ਤਿੰਨ ਸਿੰਗਲ-ਬੈਰਲ ਰਾਈਫਲਾਂ, ਇੱਕ ਬੋਲਟ-ਐਕਸ਼ਨ ਰਾਈਫਲ ਅਤੇ ਸਕੋਪ ਨਾਲ ਫਿੱਟ ਇੱਕ ਬੋਲਟ-ਐਕਸ਼ਨ ਸਨਾਈਪਰ ਰਾਈਫਲ ਜ਼ਬਤ ਕੀਤੀ।
ਇੰਫਾਲ ਪੱਛਮੀ ਜ਼ਿਲ੍ਹੇ ਦੇ ਸੰਗਾਈਥੇਲ ਮਖਾ ਲੀਕਾਈ ਖੇਤਰ ਵਿੱਚ ਬੀਤੇ ਦਿਨ ਇੱਕ ਵੱਖਰੇ ਕਾਰਵਾਈ ਵਿੱਚ, ਸੁਰੱਖਿਆ ਬਲਾਂ ਨੇ ਇੱਕ .303 ਰਾਈਫਲ, ਦੋ ਦੇਸੀ-ਬਣੀਆਂ ਬੋਲਟ-ਐਕਸ਼ਨ ਸਿੰਗਲ-ਬੈਰਲ ਬੰਦੂਕਾਂ, ਮੈਗਜ਼ੀਨਾਂ ਵਾਲੀਆਂ ਚਾਰ ਪਿਸਤੌਲਾਂ, ਇੱਕ ਬੰਬ ਅਤੇ ਪੰਦਰਾਂ .303 ਕਾਰਤੂਸ ਬਰਾਮਦ ਕੀਤੇ।
){kind=link}