ਪਟਿਆਲਾ: ਆਨੰਦ ਮਾਰਗ ਪ੍ਰਚਾਰਕ ਸੰਘ, ਪਟਿਆਲਾ ਦੀ ਸਰਪ੍ਰਸਤੀ ਹੇਠ ਆਯੋਜਿਤ 24 ਘੰਟੇ ਦਾ ਅਖੰਡ ਕੀਰਤਨ ‘ਬਾਬਾ ਨਾਮ ਕੇਵਲਮ੍’ ਬੀਤੇ ਦਿਨ ਦੁਪਹਿਰ 12:00 ਵਜੇ ਸ਼ਰਧਾ, ਭਗਤੀ ਅਤੇ ਅਧਿਆਤਮਕ ਆਨੰਦ ਨਾਲ ਵਿਧੀਵਤ ਸੰਪੰਨ ਹੋਇਆ।
ਇਹ ਅਖੰਡ ਕੀਰਤਨ ਸ਼ਨੀਵਾਰ, 14 ਨਵੰਬਰ ਨੂੰ ਦੁਪਹਿਰ 12:00 ਵਜੇ ਆਨੰਦ ਮਾਰਗ ਜਾਗ੍ਰਿਤੀ, ਜੁਝਾਰ ਨਗਰ, ਗਲੀ ਨੰਬਰ 1, ਸ੍ਰੀ ਵੈਸ਼ਨੋ ਦੇਵੀ ਮੰਦਿਰ ਦੇ ਸਾਹਮਣੇ, ਪਟਿਆਲਾ ਵਿਖੇ ਸ਼ੁਰੂ ਹੋਇਆ ਸੀ, ਜੋ ਲਗਾਤਾਰ 24 ਘੰਟੇ ਤੱਕ ਬਿਨਾਂ ਰੁਕੇ ਚੱਲਿਆ।
ਇਸ ਮਹਾਨ ਸਮਾਗਮ ਵਿੱਚ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ – ਅੰਮ੍ਰਿਤਸਰ, ਲੁਧਿਆਣਾ, ਜਲੰਧਰ, ਬਠਿੰਡਾ, ਸੰਗਰੂਰ, ਮੋਹਾਲੀ ਸਮੇਤ ਦਿੱਲੀ, ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਜੰਮੂ, ਕਰਨਾਟਕ ਆਦਿ ਸੂਬਿਆਂ ਤੋਂ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਅਤੇ ਆਨੰਦ ਮਾਰਗੀ ਪਹੁੰਚੇ। ਦੂਰ-ਦੁਰਾਡੇ ਤੋਂ ਆਏ ਸੰਨਿਆਸੀਆਂ ਅਤੇ ਸੰਨਿਆਸਣਾਂ ਨੇ ਵੀ ਇਸ ਅਖੰਡ ਕੀਰਤਨ ਵਿੱਚ ਹਿੱਸਾ ਲੈ ਕੇ ਸਮਾਗਮ ਨੂੰ ਅਧਿਆਤਮਕ ਊਰਜਾ ਪ੍ਰਦਾਨ ਕੀਤੀ।
ਇਸ ਮੌਕੇ ਆਚਾਰੀਆ ਪਰਮੇਸ਼ਵਰਾਨੰਦ ਅਵਧੂਤ ਜੀ ਨੇ ‘ਬਾਬਾ ਨਾਮ ਕੇਵਲਮ੍’ ਕੀਰਤਨ ਦੀ ਮਹੱਤਤਾ ’ਤੇ ਚਾਨਣਾ ਪਾਉਂਦਿਆਂ ਕਿਹਾ ਕਿ ਇਹ ਮਹਾਂਮੰਤਰ ਮਨ ਨੂੰ ਸ਼ਾਂਤੀ, ਹਿਰਦੇ ਨੂੰ ਸ਼ੁੱਧਤਾ ਅਤੇ ਜੀਵਨ ਨੂੰ ਆਨੰਦ ਪ੍ਰਦਾਨ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਸਮੂਹਿਕ ਕੀਰਤਨ ਨਾਲ ਵਾਤਾਵਰਣ ਸ਼ੁੱਧ ਹੁੰਦਾ ਹੈ।
ਆਚਾਰੀਆ ਵੰਦਨਾਨੰਦ ਅਵਧੂਤ ਜੀ ਨੇ ਸਾਧਨਾ ਦੇ ਮਹੱਤਵ ’ਤੇ ਚਾਨਣਾ ਪਾਇਆ ਅਤੇ ਦੱਸਿਆ ਕਿ ਨਿਯਮਤ ਸਾਧਨਾ ਨਾਲ ਮਨੁੱਖ ਕਿਵੇਂ ਅੱਗੇ ਵਧ ਸਕਦਾ ਹੈ ਅਤੇ ਸਾਧਨਾ ਵਿੱਚ ਤਰੱਕੀ ਲਈ ਸੇਵਾ ਅਤੇ ਤਿਆਗ ਕਿੰਨਾ ਜ਼ਰੂਰੀ ਹੈ। ਆਚਾਰੀਆ ਪੂਰਨਦੇਵਾਨੰਦ ਅਵਧੂਤ ਜੀ ਨੇ ਕਿਹਾ ਕਿ ਯਮ-ਨਿਯਮ ਦੀ ਪਾਲਣਾ ਅਤੇ ਸੱਚ ਦਾ ਆਚਰਣ ਹੀ ਸਾਧਨਾ ਦੀ ਮਜ਼ਬੂਤ ਨੀਂਹ ਹੈ।

ਅਵਧੂਤਿਕਾ ਆਨੰਦ ਮੰਜਰੀ ਆਚਾਰੀਆ ਜੀ ਨੇ ਕਿਹਾ ਕਿ ਔਰਤਾਂ ਨੂੰ ਸਾਧਨਾ, ਸੇਵਾ ਅਤੇ ਸਿੱਖਿਆ ਰਾਹੀਂ ਆਤਮ-ਬਲ ਪ੍ਰਾਪਤ ਕਰਕੇ ਸਮਾਜ ਵਿੱਚ ਆਪਣੀ ਮਹੱਤਵਪੂਰਨ ਭੂਮਿਕਾ ਨਿਭਾਉਣੀ ਚਾਹੀਦੀ ਹੈ। ਸੰਸਥਾ ਦੇ ਸਾਰੇ ਸਵਰਗਵਾਸੀ ਸੱਜਣਾਂ ਨੂੰ ਭਾਵਪੂਰਤ ਸ਼ਰਧਾਂਜਲੀ ਦਿੱਤੀ ਗਈ।
ਇਸ ਪਵਿੱਤਰ ਮੌਕੇ ’ਤੇ ਵਾਰਡ ਨੰਬਰ 27 ਅਤੇ 29 ਦੇ ਨਗਰ ਨਿਗਮ ਕੌਂਸਲਰ (ਐਮ.ਸੀ.) ਸ੍ਰੀ ਮੋਹਿਤ ਮਰਵਾਹਾ ਜੀ,(M.C ) ਸ੍ਰੀ ਮਤੀ ਮੁਕਤਾ ਗੁਪਤਾ ਜੀ ਅਤੇ ਜੁਝਾਰ ਨਗਰ ਕਮੇਟੀ ਦੇ ਪ੍ਰਧਾਨ ਸ੍ਰੀ ਪੀ.ਐੱਸ. ਭੰਡਾਰੀ ਜੀ ਆਦਿ ਵੀ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਰਹੇ। ਉਨ੍ਹਾਂ ਨੇ ਆਨੰਦ ਮਾਰਗ ਬਾਰੇ ਆਪਣੇ ਵਿਚਾਰ ਰੱਖਦਿਆਂ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ।
ਸਮਾਪਤੀ ਮੌਕੇ ਪੰਜਾਬ ਕਮੇਟੀ ਦੇ ਪ੍ਰਧਾਨ ਡਾ. ਸੁਰਜੀਤ ਵਰਮਾ ਜੀ, ਪਟਿਆਲਾ ਦੇ ਭੁਕਤੀ ਪ੍ਰਧਾਨ ਰਜਨੀਸ਼ ਵਰਮਾ ਜੀ ਅਤੇ ਸਮੁੱਚੀ ਪ੍ਰਬੰਧਕ ਟੀਮ ਨੇ ਸਾਰੇ ਸ਼ਰਧਾਲੂਆਂ, ਸੇਵਾਦਾਰਾਂ ਅਤੇ ਸਹਿਯੋਗੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।
ਇਸ ਸਮਾਗਮ ਦੇ ਆਯੋਜਨ ਵਿੱਚ ਸੰਸਥਾ ਅਤੇ ਇਲਾਕੇ ਦੇ ਜਿਨ੍ਹਾਂ ਸੱਜਣਾਂ ਦਾ ਵਿਸ਼ੇਸ਼ ਯੋਗਦਾਨ ਰਿਹਾ, ਉਨ੍ਹਾਂ ਵਿੱਚ ਧਰਮਵੀਰ ਸ਼ਰਮਾ, ਦਵਿੰਦਰਜੀਤ ਸਿੰਘ ਪੂਨੀਆ, ਪਰਮਜੀਤ ਅਰਨੌਲੀ, ਪੀ.ਸੀ. ਬੱਸੀ, ਡਾ. ਬਿਕਰਮ, ਇਕਬਾਲ ਸਿੰਘ ਲੱਖਾ, ਗੁਰਮੀਤ ਸਿੰਘ, ਦਾਦਾ ਦੇਵਮਿੱਤਰਾਨੰਦ (ਡੀ.ਐੱਸ., ਪਟਿਆਲਾ), ਦੀਦੀ ਅਵਧੂਤਿਕਾ ਆਨੰਦਵਿਸ਼ੁੱਧਾ ਆਚਾਰੀਆ, ਰਵਿੰਦਰ ਠਾਕੁਰ, ਜਸਵੀਰ ਸਿੰਘ, ਜੈਚੰਦ ਸੈਣੀ, ਪ੍ਰੇਮ ਰਾਣਾ ਜੀ, ਧਰਮਵੀਰ ਆਹੂਜਾ ਅਤੇ ਡਾ. ਸੁਰੇਸ਼ ਨਾਇਕ ਦੇ ਨਾਮ ਜ਼ਿਕਰਯੋਗ ਹਨ।










