ਨਵੀਂ ਦਿੱਲੀ : ਮਹਾਕੁੰਭ ‘ਚ ਰੋਜ਼ ਲੱਖਾਂ ਲੋਕ ਇਸਨਾਨ ਕਰਨ ਲਈ ਆ ਰਹੇ ਹਨ। ਅੱਜ ਮਹਾਕੁੰਭ ਦਾ ਛੇਵਾਂ ਦਿਨ ਹੈ। ਦੁਪਹਿਰ 12 ਵਜੇ ਤੱਕ 20 ਲੱਖ ਸ਼ਰਧਾਲੂਆਂ ਨੇ ਇਸ਼ਨਾਨ ਕੀਤਾ। ਹੁਣ ਤੱਕ 7.5 ਕਰੋੜ ਤੋਂ ਵੱਧ ਸ਼ਰਧਾਲੂ ਸੰਗਮ ਵਿੱਚ ਇਸ਼ਨਾਨ ਕਰ ਚੁੱਕੇ ਹਨ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਫੌਜ ਨੇ ਪੂਰੇ ਕਿਲਾ ਘਾਟ ‘ਤੇ ਕਬਜ਼ਾ ਕਰ ਲਿਆ ਹੈ।
ਸਨੀਫਰ ਡੌਗ ਅਤੇ ਬੰਬ ਸਕੁਐਡ ਜਾਂਚ ਕਰ ਰਹੇ ਹਨ। ਰਾਜਨਾਥ ਸਿੰਘ ਦੁਪਹਿਰ ਨੂੰ ਮਹਾਕੁੰਭ ਮੇਲਾ ਖੇਤਰ ਵਿੱਚ ਪਹੁੰਚਣਗੇ। ਇੱਥੇ ਗੰਗਾ ਵਿੱਚ ਇਸ਼ਨਾਨ ਕਰਨਗੇ। ਇਸ ਤੋਂ ਬਾਅਦ ਉਹ ਸਾਧੂ-ਸੰਤਾਂ ਨਾਲ ਮੁਲਾਕਾਤ ਕਰਨਗੇ ਅਤੇ ਫੌਜ ਦੇ ਅਧਿਕਾਰੀਆਂ ਨਾਲ ਬੈਠਕ ਕਰਨਗੇ। ਦੇਰ ਰਾਤ ਫੌਜ ਅਤੇ ਪੁਲਿਸ ਦੇ ਜਵਾਨਾਂ ਨੇ ਸ਼ਹਿਰ ਅਤੇ ਮਹਾਕੁੰਭ ਖੇਤਰ ‘ਚ ਚੈਕਿੰਗ ਕੀਤੀ।
ਪਾਕਿਸਤਾਨ ਦੇ ਸਿੰਧ ਸੂਬੇ ਵਿੱਚ ਸਥਿਤ ਸਿੰਧੀ ਭਾਈਚਾਰੇ ਦੇ ਮੁੱਖ ਧਾਰਮਿਕ ਸਥਾਨ ਸੱਚੋ ਸਤਰਾਮ ਧਾਮ ਦੇ ਮੁਖੀ ਸਾਈ ਸਾਧਰਾਮ ਮਹਾਰਾਜ ਅਤੇ ਉਨ੍ਹਾਂ ਦੇ 50 ਤੋਂ ਵੱਧ ਪੈਰੋਕਾਰ ਮਹਾਂਕੁੰਭ ਵਿੱਚ ਆਉਣਗੇ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਸਾਰੇ ਮਹਾਕੁੰਭ ‘ਚ ਗੰਗਾ ‘ਚ ਇਸ਼ਨਾਨ ਕਰਨਗੇ ਅਤੇ ਇਸ ਲਈ ਵੀਜ਼ਾ ਲਈ ਅਪਲਾਈ ਕੀਤਾ ਹੈ। ਸਾਈ ਸਾਧਰਾਮ ਮਹਾਰਾਜ, ਜੋ ਕਿ ਸਿੰਧੀ ਸਮਾਜ ਦੇ ਸਤਿਕਾਰਯੋਗ ਦੇਵਤਾ ਝੁਲੇਲਾਲ ਦੇ ਜਨਮ ਸਥਾਨ ਰਹਾੜਕੀ ਸਥਿਤ ਸੱਚੋ ਸਤਰਾਮ ਧਾਮ ਦੇ ਮੁਖੀ ਹਨ, ਫਰਵਰੀ ਵਿਚ ਆਪਣੇ ਚੇਲਿਆਂ ਅਤੇ ਅਨੁਯਾਈਆਂ ਸਮੇਤ ਮਹਾਕੁੰਭ ਵਿਚ ਸ਼ਾਮਲ ਹੋਣਗੇ।
