ਪਾਣੀਪਤ: ਹਰਿਆਣਾ ਦੇ ਪਾਣੀਪਤ ਜ਼ਿਲ੍ਹੇ (Panipat District) ਦੇ ਮਤਲੌਦਾ ਕਸਬੇ ਦੇ ਪਿੰਡ ਭਲਸੀ ਨੇੜੇ ਇੱਕ ਵੱਡਾ ਹਾਦਸਾ (A major Accident) ਦੇਖਣ ਨੂੰ ਮਿਲਿਆ। ਜਿੱਥੇ ਇੱਕ ਸੀ.ਐਨ.ਜੀ. ਕਾਰ ਨੂੰ ਅਚਾਨਕ ਅੱਗ ਲੱਗ ਗਈ। ਇਸ ਤੋਂ ਬਾਅਦ ਕਾਰ ‘ਚ ਧਮਾਕਾ ਹੋ ਗਿਆ। ਖੁਸ਼ਕਿਸਮਤੀ ਇਹ ਰਹੀ ਕਿ ਕਾਰ ਵਿੱਚ ਸਵਾਰ 5 ਵਿਅਕਤੀ ਵਾਲ-ਵਾਲ ਬਚ ਗਏ। ਹਾਦਸੇ ਦੇ ਸਮੇਂ ਪੰਜੇ ਵਿਅਕਤੀ ਕਾਰ ਦੇ ਅੰਦਰ ਹੀ ਸਨ। ਸਥਾਨਕ ਲੋਕਾਂ ਅਤੇ ਰਾਹਗੀਰਾਂ ਨੇ ਕਾਰ ਦੇ ਸ਼ੀਸ਼ੇ ਤੋੜ ਕੇ ਕਾਰ ਸਵਾਰਾਂ ਨੂੰ ਬਾਹਰ ਕੱਢਿਆ। ਸੂਚਨਾ ਮਿਲਦੇ ਹੀ ਫਾਇਰ ਬ੍ਰਿਗੇਡ ਵੀ ਮੌਕੇ ‘ਤੇ ਪਹੁੰਚ ਗਈ। ਕਿਸੇ ਤਰ੍ਹਾਂ ਅੱਗ ‘ਤੇ ਕਾਬੂ ਪਾਇਆ ਗਿਆ।
ਵਕੀਲ ਨੇ ਦੱਸਿਆ ਕਿ ਉਹ ਮਟਲੌਦਾ ਦਾ ਰਹਿਣ ਵਾਲਾ ਹੈ। ਉਹ ਬੀਤੇ ਦਿਨ ਆਪਣੇ ਦੋਸਤਾਂ ਸੁਸ਼ੀਲ, ਰਾਕੇਸ਼, ਪਵਨ ਅਤੇ ਸੂਰਜ ਸਾਰੇ ਵਾਸੀ ਮਤਲੌਦਾ ਦੇ ਨਾਲ ਆਪਣੀ ਹੁੰਡਈ ਯੂਰਾ ਵਿੱਚ ਮਤਲੌਦਾ ਤੋਂ ਪਾਣੀਪਤ ਵੱਲ ਆ ਰਹੇ ਸਨ। ਰਸਤੇ ਵਿੱਚ ਰਾਧਾ ਸੁਆਮੀ ਸਤਿਸੰਗ ਭਵਨ ਨੇੜੇ ਸਾਹਮਣੇ ਤੋਂ ਇੱਕ ਤੇਜ਼ ਰਫ਼ਤਾਰ ਭਾਰੀ ਵਾਹਨ ਆ ਗਿਆ। ਜਿਸ ਨੇ ਸਾਹਮਣੇ ਤੋਂ ਅਚਾਨਕ ਕੱਟ ਮਾਰਿਆ। ਵਨ ਵੇ ਹੋਣ ਕਰਕੇ ਕਾਰ ਨੂੰ ਸੜਕ ਦੇ ਕਿਨਾਰੇ ਕੱਚੇ ਵਿੱਚ ਉਤਾਰਨਾ ਪੈ ਗਿਆ ।
ਜਿਵੇਂ ਹੀ ਕਾਰ ਹੇਠਾਂ ਉਤਰੀ,ਉਹ ਖੇਤਾਂ ਵਿੱਚ ਜਾ ਕੇ ਘੁੰਮ ਗਈ।ਇਸਤੋਂ ਬਾਅਦ ਕਾਰ ਇੱਕ ਦਰੱਖਤ ਨਾਲ ਜਾ ਟਕਰਾਈ। ਹਾਦਸੇ ਦੌਰਾਨ ਸਪਾਰਕਿੰਗ ਕਾਰਨ ਸੀ.ਐਨ.ਜੀ. ਕਿੱਟ ਨੂੰ ਅੱਗ ਲੱਗ ਗਈ। ਮੌਕੇ ‘ਤੇ ਪਹੁੰਚੇ ਲੋਕਾਂ ਨੇ ਸ਼ੀਸ਼ੇ ਤੋੜ ਕੇ ਸਾਰਿਆਂ ਨੂੰ ਬਾਹਰ ਕੱਢ ਲਿਆ। ਜਿਵੇਂ ਹੀ ਉਹ ਬਾਹਰ ਆਏ ਤਾਂ ਕਾਰ ‘ਚ ਧਮਾਕੇ ਹੋਣੇ ਸ਼ੁਰੂ ਹੋ ਗਏ। ਧਮਾਕੇ ਨਾਲ ਕਾਰ ਪੂਰੀ ਤਰ੍ਹਾਂ ਅੱਗ ਦਾ ਗੋਲਾ ਬਣ ਗਈ। ਫਿਲਹਾਲ ਅੱਗ ‘ਤੇ ਕਾਬੂ ਪਾ ਲਿਆ ਗਿਆ ਹੈ।
