ਜੰਮੂ : ਜੰਮੂ-ਕਸ਼ਮੀਰ (Jammu and Kashmir) ‘ਚ ਜੰਮੂ ਲੋਕ ਸਭਾ ਸੀਟ ‘ਤੇ ਜਿੱਤ ਦਾ ਝੰਡਾ ਲਹਿਰਾਉਣ ਲਈ ਗ੍ਰਹਿ ਮੰਤਰੀ ਅਮਿਤ ਸ਼ਾਹ (Home Minister Amit Shah) ਜੰਮੂ ਦੇ ਪਲੌਦਾ ਪਹੁੰਚ ਗਏ ਹਨ। ਜਾਣਕਾਰੀ ਮੁਤਾਬਕ ਅੱਜ ਅਮਿਤ ਸ਼ਾਹ ਜੰਮੂ ਸੀਟ ਤੋਂ ਭਾਜਪਾ ਉਮੀਦਵਾਰ ਜੁਗਲ ਕਿਸ਼ੋਰ ਸ਼ਰਮਾ ਦੇ ਸਮਰਥਨ ‘ਚ ਪ੍ਰਚਾਰ ਕਰਨ ਪਹੁੰਚੇ ਹਨ। ਇਸ ਦੌਰਾਨ ਮੰਚ ‘ਤੇ ਮੌਜੂਦ ਭਾਜਪਾ ਆਗੂਆਂ ਨੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਸਵਾਗਤ ਕੀਤਾ ਅਤੇ ਡੋਗਰੀ ਪਗੜੀ ਪਹਿਨਾ ਕੇ ਉਨ੍ਹਾਂ ਦਾ ਸਨਮਾਨ ਕੀਤਾ। ਇਸ ਦੌਰਾਨ ਵੱਡੀ ਗਿਣਤੀ ‘ਚ ਭਾਜਪਾ ਸਮਰਥਕ ਮੌਕੇ ‘ਤੇ ਮੌਜੂਦ ਸਨ। ਇਸ ਦੌਰਾਨ ਅਮਿਤ ਸ਼ਾਹ ਦੀ ਆਮਦ ਨੇ ਉਨ੍ਹਾਂ ਵਿੱਚ ਜੋਸ਼ ਭਰ ਦਿੱਤਾ ਹੈ।
ਦੱਸ ਦਈਏ ਕਿ ਅੱਜ ਜੰਮੂ ਦੇ ਪਾਲੁਦਾ ਇਲਾਕੇ ‘ਚ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੀ ਰੈਲੀ ਦੇ ਮੱਦੇਨਜ਼ਰ ਟ੍ਰੈਫਿਕ ਪੁਲਿਸ ਨੇ ਲੋਕਾਂ ਲਈ ਟ੍ਰੈਫਿਕ ਪਲਾਨ ਜਾਰੀ ਕੀਤਾ ਹੈ। ਅਖਨੂਰ, ਰਾਜੌਰੀ, ਪੁੰਛ, ਮਾਰੜ ਬਲਾਕਾਂ ਤੋਂ ਰੈਲੀ ਵਾਲੀ ਥਾਂ ਵੱਲ ਜਾਣ ਵਾਲੇ ਵਾਹਨਾਂ ਨੂੰ ਅਖਨੂਰ ਤੋਂ ਮੁੱਠੀ ਕੈਂਪ ਪੁਲੀ ਵੱਲ ਜਾਣ ਲਈ ਕਿਹਾ ਗਿਆ ਹੈ। ਆਰ ਐੱਸ. ਪੁਰਾ, ਸਾਂਬਾ, ਕਠੂਆ ਤੋਂ ਰੈਲੀ ਵਾਲੀ ਥਾਂ ‘ਤੇ ਆਉਣ ਵਾਲੇ ਵਾਹਨਾਂ ਨੂੰ ਸਤਵਾਰੀ ਤੋਂ ਹੁੰਦੇ ਹੋਏ ਪਲੌਦਾ ਮੁੱਠੀ ਕੈਂਪ ਪੁਲੀ, ਗੋਦਾਮ ਰਾਹੀਂ ਏਸ਼ੀਆ ਕਰਾਸਿੰਗ, ਚੌਥਾ ਤਵੀ ਪੁਲ, ਕੈਨਾਲ ਹੈੱਡ ਦਾ ਰਸਤਾ ਲੈਣ ਲਈ ਕਿਹਾ ਗਿਆ ਹੈ। ਇਸ ਦੌਰਾਨ ਅੰਬਫਲਾ ਤੋਂ ਬੰਤਾਲਾਬ ਮਾਰਗ ‘ਤੇ ਚੱਲਣ ਵਾਲੇ ਵਾਹਨਾਂ ਨੂੰ ਅੰਬਫਲਾ, ਰਿਹੜੀ, ਸ਼ਕੁੰਤਲਾ, ਮਹੇਸ਼ਪੁਰਾ, ਬਖਸ਼ੀ ਨਗਰ ਪੁਲੀ ਰਾਹੀਂ ਬਰਨਈ, ਬੰਤਾਲਾਬ ਵੱਲ ਜਾਣ ਲਈ ਕਿਹਾ ਗਿਆ ਹੈ।