ਦੱਖਣੀ ਅਫ਼ਰੀਕਾ : ਦੱਖਣੀ ਅਫ਼ਰੀਕਾ ਦੇ ਜੋਹਾਨਸਬਰਗ ਦੇ ਪੱਛਮ ਵਿੱਚ ਅੰਨ੍ਹੇਵਾਹ ਫਾਇਰਿੰਗ ਹੋਈ ਹੈ। ਫਾਇਰਿੰਗ ਦੌਰਾਨ 20 ਲੋਕਾਂ ਨੂੰ ਗੋਲੀ ਲੱਗੀ ਹੈ। ਇਸ ਗੋਲੀਬਾਰੀ ਵਿੱਚ 3 ਬੱਚਿਆਂ ਸਮੇਤ 11 ਲੋਕਾਂ ਦੀ ਮੌਤ ਹੋ ਗਈ ਹੈ। ਪੁਲਿਸ ਨੇ ਦੱਸਿਆ ਕਿ ਹਮਲਾਵਰ ਮੌਕੇ ਤੋਂ ਭੱਜ ਗਏ ਹਨ ਅਤੇ ਹੁਣ ਤੱਕ ਕਿਸੇ ਦੀ ਗ੍ਰਿਫਤਾਰੀ ਨਹੀਂ ਹੋਈ ਹੈ। ਹਮਲੇ ਦਾ ਕਾਰਨ ਸਪੱਸ਼ਟ ਨਹੀਂ ਹੈ। ਪੁਲਿਸ ਨੇ ਕਿਹਾ ਕਿ ਸੜਕ ‘ਤੇ ਤੁਰਦੇ ਸਮੇਂ ਕਈ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਹਮਲਾਵਰਾਂ ਦੇ ਬਾਰੇ ਚ ਨਹੀਂ ਹੈ ਜਾਣਕਾਰੀ
ਗੌਟੇਂਗ ਪ੍ਰਾਂਤ ਪੁਲਿਸ ਦੇ ਬੁਲਾਰੇ ਬ੍ਰਿਗੇਡੀਅਰ ਬ੍ਰੇਂਡਾ ਮੁਰੀਡਿਲੀ ਨੇ ਕਿਹਾ ਕਿ ਉਨ੍ਹਾਂ ਕੋਲ ਹਮਲਾਵਰਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਜ਼ਖਮੀਆਂ ਨੂੰ ਇਲਾਜ ਲਈ ਨੇੜਲੇ ਹਸਪਤਾਲਾਂ ਵਿੱਚ ਭੇਜਿਆ ਗਿਆ ਹੈ। ਜਾਣਕਾਰੀ ਦੇ ਮੁਤਾਬਕ ਤੋਂ ਪਤਾ ਚੱਲਦਾ ਹੈ ਕਿ ਗੋਲੀਬਾਰੀ ਸ਼ਰਾਬਖਾਨੇ ਦੇ ਨਜ਼ਦੀਕ ਹੋਈ ਹੈ। ਇਹ ਸ਼ਰਾਬਖਾਨਾ ਦੱਖਣੀ ਅਫਰੀਕਾ ਦੀਆਂ ਕੁਝ ਵੱਡੀਆਂ ਸੋਨੇ ਦੀਆਂ ਖਾਣਾਂ ਦੇ ਨਜ਼ਦੀਕ ਹੈ। ਪੁਲਿਸ ਨੇ ਦੱਸਿਆ ਕਿ ਉਸ ਸਥਾਨ ‘ਤੇ ਕਥਿਤ ਤੌਰ ‘ਤੇ ਗੈਰਕਾਨੂੰਨੀ ਤਰੀਕੇ ਨਾਲ ਸ਼ਰਾਬ ਵੀ ਵੇਚੀ ਜਾ ਰਹੀ ਸੀ।
ਪੁਲਿਸ ਕਰ ਰਹੀ ਹੈ ਪੂਰੀ ਜਾਂਚ
ਗੌਟੇਂਗ ਦੇ ਕਾਰਜਕਾਰੀ ਪੁਲਿਸ ਕਮਿਸ਼ਨਰ, ਫਰੈੱਡ ਕੇਕਾਨਾ ਨੇ ਕਿਹਾ, “ਲੋਕਾਂ ਦੇ ਬਿਆਨ ਲਏ ਜਾ ਰਹੇ ਹਨ। ਰਾਸ਼ਟਰੀ ਅਪਰਾਧ ਅਤੇ ਪ੍ਰਬੰਧਨ ਟੀਮਾਂ ਮੌਕੇ ‘ਤੇ ਹਨ। ਸੂਬਾਈ ਅਪਰਾਧ ਦ੍ਰਿਸ਼ ਪ੍ਰਬੰਧਨ ਟੀਮ ਵੀ ਮੌਜੂਦ ਹੈ, ਜਿਵੇਂ ਕਿ ਸਥਾਨਕ ਅਪਰਾਧਿਕ ਰਿਕਾਰਡ ਕੇਂਦਰ ਦੀ ਇੱਕ ਟੀਮ ਹੈ। ਗੰਭੀਰ ਅਪਰਾਧ ਜਾਂਚ ਟੀਮ, ਅਪਰਾਧ ਖੁਫੀਆ, ਅਤੇ ਸੂਬਾਈ ਅਪਰਾਧ ਜਾਸੂਸ ਟੀਮ ਵੀ ਮੌਕੇ ‘ਤੇ ਹਨ।”
ਦੱਖਣੀ ਅਫ਼ਰੀਕਾ ਵਿੱਚ ਬਹੁਤ ਜ਼ਿਆਦਾ ਹੈ ਅਪਰਾਧ
ਇਹ ਗੋਲੀਬਾਰੀ ਦੀ ਘਟਨਾ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਇੱਕ ਹੋਰ ਘਾਤਕ ਗੋਲੀਬਾਰੀ ਤੋਂ ਬਾਅਦ ਆਈ ਹੈ, ਜਦੋਂ 6 ਦਸੰਬਰ ਨੂੰ ਬੰਦੂਕਧਾਰੀਆਂ ਨੇ ਪ੍ਰੀਟੋਰੀਆ ਨੇੜੇ ਇੱਕ ਹੋਸਟਲ ‘ਤੇ ਹਮਲਾ ਕੀਤਾ ਸੀ। ਇਸ ਹਮਲੇ ਵਿੱਚ ਤਿੰਨ ਸਾਲ ਦੇ ਬੱਚੇ ਸਮੇਤ ਬਾਰਾਂ ਲੋਕ ਮਾਰੇ ਗਏ ਸਨ। ਸਰਕਾਰੀ ਅੰਕੜਿਆਂ ਅਨੁਸਾਰ, ਦੱਖਣੀ ਅਫ਼ਰੀਕਾ ਵਿੱਚ ਹਿੰਸਕ ਅਪਰਾਧ ਦਾ ਪੱਧਰ ਉੱਚਾ ਹੈ।
