ਦਿੱਲੀ : ਗਾਇਕ ਅਤੇ ਅਦਾਕਾਰ ਰਿਸ਼ਭ ਟੰਡਨ, ਜੋ “ਫਕੀਰ” ਦੇ ਨਾਮ ਨਾਲ ਮਸ਼ਹੂਰ ਸਨ, ਉਨ੍ਹਾਂ ਦਾ ਅਚਾਨਕ ਦਿਲ ਦਾ ਦੌਰਾ ਪੈਣ ਕਾਰਨ 21 ਅਕਤੂਬਰ ਨੂੰ ਦੇਹਾਂਤ ਹੋ ਗਿਆ। ਇਹ ਦੁਖਦਾਈ ਖ਼ਬਰ ਪਾਪਰਾਜ਼ੀ ਵਾਇਰਲ ਭਯਾਨੀ ਨੇ ਇੰਸਟਾਗ੍ਰਾਮ ‘ਤੇ ਸਾਂਝੀ ਕੀਤੀ। ਮਸ਼ਹੂਰ ਸੰਗੀਤਕਾਰ ਰਿਸ਼ਭ ਟੰਡਨ ਦੇ ਦੇਹਾਂਤ ਨਾਲ ਸੰਗੀਤ ਇੰਡਸਟਰੀ ਅਤੇ ਉਨ੍ਹਾਂ ਦੇ ਫੈਨਜ਼ ਨੂੰ ਜ਼ਬਰਦਸਤ ਝਟਕਾ ਲੱਗਿਆ ਹੈ। ਫੈਨਜ਼ ਸੋਸ਼ਲ ਮੀਡੀਆ ‘ਤੇ ਉਨ੍ਹਾਂ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇ ਰਹੇ ਹਨ। ਉਨ੍ਹਾਂ ਦੇ ਇੱਕ ਕਰੀਬੀ ਦੋਸਤ ਨੇ ਗਾਇਕ ਦੀ ਮੌਤ ਦਾ ਕਾਰਨ ਵੀ ਦੱਸਿਆ ਹੈ। ਰਿਸ਼ਭ ਟੰਡਨ ਆਪਣੇ ਗੀਤਾਂ ਤੋਂ ਇਲਾਵਾ ‘ਫ਼ਕੀਰ – ਲਿਵਿੰਗ ਲਿਮਿਟਲੈੱਸ’ ਅਤੇ ‘ਰਸ਼ਨਾ: ਦ ਰੇ ਆਫ਼ ਲਾਈਟ’ ਵਰਗੀਆਂ ਫਿਲਮਾਂ ਵਿੱਚ ਅਦਾਕਾਰੀ ਕਰਨ ਲਈ ਵੀ ਜਾਣੇ ਜਾਂਦੇ ਸਨ।
ਰਿਸ਼ਭ ਟੰਡਨ ਕੌਣ ਸੀ?
ਪੋਸਟ ਦੇ ਅਨੁਸਾਰ, ਰਿਸ਼ਭ ਆਪਣੇ ਪਰਿਵਾਰ ਨੂੰ ਮਿਲਣ ਲਈ ਦਿੱਲੀ ਆਏ ਹੋਏ ਸਨ, ਜਦੋਂ ਇਹ ਘਟਨਾ ਵਾਪਰੀ। ਉਨ੍ਹਾਂ ਦੇ ਇੱਕ ਕਰੀਬੀ ਦੋਸਤ ਨੇ ਦੱਸਿਆ ਕਿ ਕਲਾਕਾਰ ਦੀ ਅਚਾਨਕ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਰਿਸ਼ਭ ਟੰਡਨ ਮੁੰਬਈ ਤੋਂ ਇੱਕ ਗਾਇਕ, ਸੰਗੀਤਕਾਰ ਅਤੇ ਅਦਾਕਾਰ ਸੀ। ਉਹ ਆਪਣੇ ਸ਼ਾਂਤ ਸੁਭਾਅ ਅਤੇ ਸੰਗੀਤ ਪ੍ਰਤੀ ਡੂੰਘੇ ਪਿਆਰ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਦੇ ਇੰਸਟਾਗ੍ਰਾਮ ਬਾਇਓ ਵਿੱਚ ਉਨ੍ਹਾਂ ਨੂੰ “ਇੱਕ ਵਿਸ਼ਵਾਸੀ, ਸ਼ਿਵ ਦੀਆਂ ਊਰਜਾਵਾਂ ਨਾਲ ਭਰਪੂਰ… ਗਾਇਕ, ਸੰਗੀਤਕਾਰ, ਅਦਾਕਾਰ” ਦੱਸਿਆ ਗਿਆ ਹੈ। ਰਿਸ਼ਭ ਆਪਣੇ ਪਾਲਤੂ ਜਾਨਵਰਾਂ ਦੇ ਵੀ ਬਹੁਤ ਨੇੜੇ ਸੀ। ਉਨ੍ਹਾਂ ਦੇ ਮੁੰਬਈ ਵਾਲੇ ਘਰ ਵਿੱਚ ਕਈ ਬਿੱਲੀਆਂ, ਕੁੱਤੇ ਅਤੇ ਪੰਛੀ ਸਨ। ਉਨ੍ਹਾਂ ਦੇ ਬਹੁਤ ਸਾਰੇ ਗੀਤ ਅਜੇ ਵੀ ਰਿਲੀਜ਼ ਨਹੀਂ ਹੋਏ ਹਨ, ਅਤੇ ਫਕੀਰ ਸਭ ਤੋਂ ਵਧੀਆ ਗੀਤਾਂ ਵਿੱਚੋਂ ਇੱਕ ਹੈ, ਜਿਸਨੇ ਉਨ੍ਹਾਂ ਨੂੰ ਦੁਨੀਆ ਭਰ ਵਿੱਚ ਪ੍ਰਸਿੱਧੀ ਦਿਵਾਈ ਹੈ। ਉਨ੍ਹਾਂ ਦੇ ਮਸ਼ਹੂਰ ਗੀਤਾਂ ਵਿੱਚ “ਯੇ ਆਸ਼ਿਕੀ,” “ਚਾਂਦ ਤੂੰ,” “ਧੂ ਧੂ ਕਰ ਕੇ,” ਅਤੇ “ਫਕੀਰ ਦੀ ਜ਼ੁਬਾਨੀ” ਸ਼ਾਮਲ ਹਨ।
ਰਿਸ਼ਭ ਟੰਡਨ ਦਾ ਇਹ ਕੰਮ ਰਹੇਗਾ ਅਧੂਰਾ
ਪੋਸਟ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਰਿਸ਼ਭ ਦੇ ਕਈ ਅਣ-ਪ੍ਰਕਾਸ਼ਿਤ ਗਾਣੇ ਸਨ, ਜਿਨ੍ਹਾਂ ‘ਤੇ ਉਹ ਆਪਣੀ ਮੌਤ ਤੋਂ ਪਹਿਲਾਂ ਕੰਮ ਕਰ ਰਹੇ ਸਨ। ਪ੍ਰਸ਼ੰਸਕ ਅਤੇ ਦੋਸਤ ਸੋਸ਼ਲ ਮੀਡੀਆ ‘ਤੇ ਉਸਨੂੰ ਇੱਕ ਚੰਗਾ ਇਨਸਾਨ ਅਤੇ ਇੱਕ ਭਾਵੁਕ ਕਲਾਕਾਰ ਦੇ ਤੌਰ ‘ਤੇ ਯਾਦ ਕਰਦਿਆਂ ਭਾਵੁਕ ਸ਼ਰਧਾਂਜਲੀ ਦੇ ਰਹੇ ਹਨ। ਰਿਸ਼ਭ ਟੰਡਨ ਦੀ ਅਚਾਨਕ ਮੌਤ ਨਾਲ ਸੰਗੀਤ ਅਤੇ ਫਿਲਮੀ ਜਗਤ ਸਦਮੇ ਵਿੱਚ ਹੈ। ਸੋਸ਼ਲ ਮੀਡੀਆ ‘ਤੇ ਐਕਟਰ ਦੀ ਆਖਰੀ ਪੋਸਟ ਵੀ ਉਸਦੇ ਜਨਮਦਿਨ ਦੀ ਹੀ ਹੈ। ਇਸ ਪੋਸਟ ਨੂੰ ਰਿਸ਼ਭ ਦੀ ਪਤਨੀ ਨੇ ਅਪਲੋਡ ਕੀਤਾ ਸੀ।
