ਟੋਰਾਂਟੋ: ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਮਿਉਂਸਪਲ ਚੋਣਾਂ ਦੇ ਨਤੀਜੇ ਐਲਾਨੇ ਜਾਣ ਤੋਂ ਬਾਅਦ ਦੋ ਇੰਡੋ-ਕੈਨੇਡੀਅਨ ਆਗੂ ਮੇਅਰ ਚੁਣੇ ਗਏ ਹਨ। ਬ੍ਰਿਟਿਸ਼ ਕੋਲੰਬੀਆ ਦੇ ਨਿਵਾਸੀਆਂ ਨੇ ਸ਼ਨੀਵਾਰ ਨੂੰ ਮਿਊਂਸਪਲ ਚੋਣਾਂ ਵਿੱਚ ਵੋਟ ਪਾਈ। ਵੈਨਕੂਵਰ, ਕਲਟਸ ਲੇਕ ਅਤੇ ਆਈਲੈਂਡਜ਼ ਟਰੱਸਟ ਵਿੱਚ ਮੇਅਰ, ਮਿਉਂਸਪਲ ਕੌਂਸਲਰਾਂ, ਖੇਤਰੀ ਜ਼ਿਲ੍ਹਾ ਡਾਇਰੈਕਟਰਾਂ, ਸਕੂਲ ਬੋਰਡ ਟਰੱਸਟੀਆਂ ਅਤੇ ਪਾਰਕ ਬੋਰਡਾਂ ਲਈ ਸਥਾਨਕ ਸਰਕਾਰਾਂ ਦੀਆਂ ਚੋਣਾਂ ਹੋਈਆਂ। ਭਾਰਤੀ ਮੂਲ ਦੇ ਹਰਸ਼ਨ ਰਾਮਦਾਸ ਨੇ ਆਪਣੇ ਵਿਰੋਧੀ ਅਤੇ ਮੌਜੂਦਾ ਕੌਂਸਲਰ ਕਾਇਲ ਹੈਮਿਲਟਨ ਨੂੰ ਹਰਾ ਕੇ ਫਰਨੀ ਦਾ ਮੇਅਰ ਬਣਾਇਆ ਹੈ। ਸਮਾਚਾਰ ਪੋਰਟਲ ‘ਮਾਈ ਈਸਟ ਕੂਟੇਨੇ ਨਾਓ’ ਦੀ ਖ਼ਬਰ ਵਿੱਚ ਰਾਮਦਾਸ ਦੇ ਹਵਾਲੇ ਨਾਲ ਕਿਹਾ ਗਿਆ , “ਅਸੀਂ ਕਰ ਕੇ ਦਿਖਾਇਆ ਫਰਨੀ” । ਅੱਜ ਰਾਤ ਆਪਣੇ ਇੱਕ ਸਪੱਸ਼ਟ ਸੰਦੇਸ਼ ਦਿੱਤਾ ਹੈ ਕਿ ਸਾਡਾ ਭਾਈਚਾਰਾ ਅੱਗੇ ਵਧਣ ਲਈ ਤਿਆਰ ਹੈ।
ਉਨ੍ਹਾਂ ਨੇ ਕਿਹਾ , “ਤੁਸੀਂ ਇੱਕ ਭਵਿੱਖ ਚੁਣਿਆ ਹੈ ਜੋ ਸਹਿਯੋਗ, ਜਵਾਬਦੇਹੀ ਲਿਆਏਗਾ ਅਤੇ ਫਰਨੀ ਦੇ ਹਿੱਤਾਂ ਨੂੰ ਪਹਿਲ ਦੇਵੇਗਾ।” ਰਾਮਦਾਸ ਨੂੰ 1,524 ਵੋਟਾਂ, ਜਾਂ ਕੁੱਲ ਵੋਟਾਂ ਦਾ 54.5 ਫੀਸਦੀ, ਜਦਕਿ ਹੈਮਿਲਟਨ ਨੂੰ 1,194 ਵੋਟਾਂ ਮਿਲੀਆਂ। ਉਸਨੇ ਕਿਹਾ ਕਿ ਉਹ ਧੰਨਵਾਦੀ ਹੈ ਕਿ ਭਾਈਚਾਰੇ ਨੇ ਉਸਨੂੰ ਇਹ ਮੌਕਾ ਦਿੱਤਾ ਹੈ। ਉਨ੍ਹਾਂ ਕਿਹਾ, ”ਤੁਹਾਡਾ ਮੇਅਰ ਚੁਣਿਆ ਜਾਣਾ ਮੇਰੇ ਲਈ ਮਾਣ ਵਾਲੀ ਗੱਲ ਹੈ। ਮੈਂ ਇਸ ਵਿਜ਼ਨ ਨੂੰ ਹਕੀਕਤ ਬਣਾਉਣ ਲਈ ਸਾਡੀ ਨਵੀਂ ਕੌਂਸਲ ਅਤੇ ਸਮੁੱਚੇ ਭਾਈਚਾਰੇ ਨਾਲ ਕੰਮ ਕਰਨ ਦੀ ਉਮੀਦ ਕਰਦਾ ਹਾਂ।” ਵਿਲੀਅਮਜ਼ ਲੇਕ ਵਿੱਚ, ਭਾਰਤੀ ਮੂਲ ਦੇ ਸੁਰਿੰਦਰਪਾਲ ਰਾਠੌਰ ਨੂੰ ਮੁੜ ਮੇਅਰ ਚੁਣਿਆ ਗਿਆ ਹੈ। ਰਾਠੌਰ ਨੂੰ ਦੂਜੇ ਕਾਰਜਕਾਲ ਲਈ ਚੁਣਿਆ ਗਿਆ ਹੈ। ਉਸ ਨੇ 2,116 ਵੋਟਾਂ ਪ੍ਰਾਪਤ ਕੀਤੀਆਂ ਅਤੇ ਆਪਣੇ ਵਿਰੋਧੀ ਵਾਲਟ ਕੋਬ ਨੂੰ 1,000 ਤੋਂ ਵੱਧ ਵੋਟਾਂ ਦੇ ਫਰਕ ਨਾਲ ਹਰਾਇਆ।
