ਮਾਰਚ ਤੱਕ ਟਰੇਨ ਯਾਤਰੀਆਂ ਨੂੰ ਕਰਨਾ ਪਵੇਗਾ ਭਾਰੀ ਪਰੇਸ਼ਾਨੀ ਦਾ ਸਾਹਮਣਾ

ਪੰਜਾਬ  : ਪੰਜਾਬ ‘ਚ ਟਰੇਨ ਯਾਤਰੀਆਂ ਨੂੰ ਭਾਰੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ। ਤਕਰੀਬਨ 12 ਤੋਂ ਵੱਧ ਟਰੇਨਾਂ ਅੱਜ ਤੋਂ ਮਾਰਚ ਮਹੀਨੇ ਤੱਕ ਪ੍ਰਭਾਵਿਤ ਰਹਿਣਗੀਆਂ ਅਤੇ ਆਵਾਜਾਈ ਵੀ ਠੱਪ ਰਹੇਗੀ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਜਲੰਧਰ ਸਿਟੀ ਰੇਲਵੇ ਸਟੇਸ਼ਨ ਦੇ ਯਾਰਡ ‘ਚ ਮੁਰੰਮਤ ਦਾ ਕੰਮ ਚੱਲ ਰਿਹਾ ਹੈ, ਜਿਸ ਕਾਰਨ ਰੇਲਵੇ ਨੇ ਜਲੰਧਰ ਸਿਟੀ ਤੋਂ ਹੁਸ਼ਿਆਰਪੁਰ ਅਤੇ ਹੁਸ਼ਿਆਰਪੁਰ ਤੋਂ ਜਲੰਧਰ ਸਿਟੀ ਵਿਚਾਲੇ ਚੱਲਣ ਵਾਲੀ ਟਰੇਨ ਨੰਬਰ 04598 ਅਤੇ 04597 ਨੂੰ ਰੱਦ ਕਰ ਦਿੱਤਾ ਹੈ। ਇਨ੍ਹਾਂ ਟਰੇਨਾਂ ਨੂੰ 14 ਫਰਵਰੀ ਤੋਂ 24 ਮਾਰਚ ਤੱਕ ਰੋਕਣ ਦਾ ਫ਼ੈਸਲਾ ਕੀਤਾ ਗਿਆ ਹੈ।

ਇਹ ਟਰੇਨਾਂ ਮਾਰਚ ਤੱਕ ਰਹਿਣਗੀਆਂ ਪ੍ਰਭਾਵਿਤ
ਜਲੰਧਰ ਸ਼ਹਿਰ ਤੋਂ ਦਰਭੰਗਾ (ਅੰਤਯੋਦਿਆ ਐਕਸਪ੍ਰੈਸ (22552)
25 ਫਰਵਰੀ ਤੱਕ ਪ੍ਰਭਾਵਤ ਰਹੇਗੀ । 3, 10, 17, 24 ਮਾਰਚ ਨੂੰ ਉਕਤ ਟਰੇਨ ਲੁਧਿਆਣਾ ਰੇਲਵੇ ਸਟੇਸ਼ਨ ਤੋਂ ਚੱਲੇਗੀ।

ਜਲੰਧਰ ਸ਼ਹਿਰ ਤੋਂ ਨਵੀਂ ਦਿੱਲੀ 14682
2 ਮਾਰਚ ਤੋਂ 25 ਮਾਰਚ ਤੱਕ ਅੰਬਾਲਾ ਕੈਂਟ ਸਟੇਸ਼ਨ ਤੋਂ ਚੱਲੇਗੀ।

ਜਲੰਧਰ ਸ਼ਹਿਰ ਤੋਂ ਪਠਾਨਕੋਟ (04479)
14 ਫਰਵਰੀ ਤੋਂ 24 ਮਾਰਚ ਤੱਕ ਸੁੱਚੀ ਪਿੰਡ ਸਟੇਸ਼ਨ ਤੋਂ ਚੱਲੇਗੀ।

ਹੁਸ਼ਿਆਰਪੁਰ ਤੋਂ ਆਗਰਾ ਕੈਂਟ (11906)
ਇਹ 14 ਫਰਵਰੀ ਤੋਂ 24 ਮਾਰਚ ਤੱਕ ਲੁਧਿਆਣਾ ਸਟੇਸ਼ਨ ਤੋਂ ਰਵਾਨਾ ਹੋਵੇਗੀ।

ਜੰਮੂ ਤਵੀ (19225)
14 ਫਰਵਰੀ ਤੋਂ 24 ਮਾਰਚ ਤੱਕ ਇਹ ਜਲੰਧਰ ਸ਼ਹਿਰ, ਮੁਕੇਰੀਆਂ, ਪਠਾਨਕੋਟ ਤੋਂ ਹੁੰਦੀ ਹੋਈ ਜਾਵੇਗੀ।

ਅਹਿਮਦਾਬਾਦ ਤੋਂ ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ (19415)
18 ਤੋਂ 25 ਫਰਵਰੀ ਤੱਕ ਪ੍ਰਭਾਵਿਤ ਰਹੇਗੀ। ਇਹੀ ਰੇਲ ਗੱਡੀ 3, 10 ਅਤੇ 17 ਮਾਰਚ ਨੂੰ ਜਲੰਧਰ ਸ਼ਹਿਰ, ਮੁਕੇਰੀਆਂ, ਪਠਾਨਕੋਟ ਰਾਹੀਂ ਰਵਾਨਾ ਹੋਵੇਗੀ।