ਮੁੰਬਈ : ਪ੍ਰੋਡਿਊਸਰ ਵਿਪੁਲ ਅਮ੍ਰਿਤਲਾਲ ਸ਼ਾਹ ਅਤੇ ਉਹਨਾਂ ਦੇ ਬੈਨਰ ‘ਸਨਸ਼ਾਈਨ ਪਿਕਚਰਜ਼’ ਦੇ ਸਹਿਯੋਗ ਨਾਲ ਬਣੀ ‘ਦ ਕੇਰਲ ਸਟੋਰੀ 2 – ਗੋਜ਼ ਬਿਓਂਡ’ ਦਾ ਟ੍ਰੇਲਰ ਸਾਹਮਣੇ ਆ ਗਿਆ ਹੈ। ਇਹ ਹਾਲ ਹੀ ਦੇ ਸਾਲਾਂ ਦੀ ਸਭ ਤੋਂ ਚਰਚਿਤ ਫਿਲਮਾਂ ਵਿੱਚੋਂ ਇੱਕ ਦੀ ਵਾਪਸੀ ਦਾ ਸੰਕੇਤ ਹੈ। 2022 ਦੀ ਫਿਲਮ ‘ਦ ਕੇਰਲ ਸਟੋਰੀ’ ਦਾ ਇਹ ਅਗਲਾ ਭਾਗ ਇੱਕ ਅਜਿਹੀ ਕਹਾਣੀ ਦਾ ਵਾਅਦਾ ਕਰਦਾ ਹੈ, ਜੋ ਪਹਿਲਾ ਤੋਂ ਕੀਤੇ ਜ਼ਿਆਦਾ ਡਾਰਕ ਅਤੇ ਵੱਡਾ ਹੈ। ਨਾਲ ਹੀ ਕੋਈ ਰਾਜਾਂ ਅਤੇ ਨਿਜੀ ਦੁਖਾਂਤਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਰਿਲੀਜ਼ ਹੋਇਆ ਕੇਰਲ ਸਟੋਰੀ 2 ਦਾ ਟ੍ਰੇਲਰ
ਟ੍ਰੇਲਰ ਦੀ ਸ਼ੁਰੂਆਤ ਇੱਕ ਰੋਗਟੇ ਖੜੇ ਕਰ ਦੇਣ ਵਾਲੀ ਚੇਤਾਵਨੀ ਨਾਲ ਹੁੰਦਾ ਹੈ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਅਗਲੇ 25 ਸਾਲਾਂ ਵਿੱਚ ਭਾਰਤ ਇੱਕ ਇਸਲਾਮੀ ਰਾਜ ਵਿੱਚ ਬਦਲ ਸਕਦਾ ਹੈ। ਇਸ ਦੇ ਤੁਰੰਤ ਬਾਅਦ ਕਹਾਣੀ ਰਾਜਸਥਾਨ ਵੱਲ ਮੁੜਦੀ ਹੈ, ਜਿੱਥੇ ਇੱਕ ਪਰੇਸ਼ਾਨ ਹਿੰਦੂ ਪਰਿਵਾਰ POCSO (PoCSO) ਸ਼ਿਕਾਇਤ ਦਰਜ ਕਰਵਾਉਣ ਲਈ ਇੱਕ ਪੁਲਿਸ ਸਟੇਸ਼ਨ ਪਹੁੰਚਦਾ ਹੈ। ਉਨ੍ਹਾਂ ਦਾ ਦੋਸ਼ ਹੈ ਕਿ ਉਨ੍ਹਾਂ ਦੀ 16 ਸਾਲ ਦੀ ਧੀ ਨੂੰ ਜ਼ਬਰਦਸਤੀ ਧਰਮ ਪਰਿਵਰਤਨ ਕਰਵਾਇਆ ਗਿਆ ਹੈ। ਮਾਪਿਆਂ ਦਾ ਦਰਦ ਅਤੇ ਬੇਵਸੀ ਅੱਗੇ ਆਉਣ ਵਾਲੀ ਕਹਾਣੀ ਦਾ ਮਾਹੌਲ ਸੈਟ ਕਰ ਦਿੰਦੀ ਹੈ। ਉੱਥੋਂ, ਕਹਾਣੀ ਮੱਧ ਪ੍ਰਦੇਸ਼ ਵੱਲ ਚਲੀ ਜਾਂਦੀ ਹੈ, ਜਿੱਥੇ ਇੱਕ ਹਿੰਦੂ ਔਰਤ ਨੂੰ ਕਥਿਤ ਤੌਰ ‘ਤੇ ਧੋਖੇ ਨਾਲ ਵਿਆਹ ਲਈ ਲੁਭਾਇਆ ਜਾਂਦਾ ਹੈ ਅਤੇ ਫਿਰ ਧਰਮ ਪਰਿਵਰਤਨ ਲਈ ਮਜਬੂਰ ਕੀਤਾ ਜਾਂਦਾ ਹੈ। ਉਨ੍ਹਾਂ ਦੀ ਖਾਮੌਸ਼ੀ ਤਕਲੀਫ ਅਤੇ ਇਕੱਲਾਪਣ, ਧੋਖੇ ਅਤੇ ਟੁਟੇ ਹੋਏ ਭਰੋਸੇ ਦੀ ਇੱਕ ਡਰਾਵਨੀ ਤਸਵੀਰ ਪੇਸ਼ ਕਰਦੀ ਹੈ।
ਕਹਾਣੀ ਦਾ ਤੀਜਾ ਸਾਨੂੰ ਵਾਪਸ ਕੇਰਲ ਲੈ ਕੇ ਜਾਦਾ ਹੈ। ਜਿੱਥੇ ਇੱਕ ਮੁਸਲਿਮ ਲੜਕਾ ਆਪਣੀ ਹਿੰਦੂ ਪ੍ਰੇਮਿਕਾ ਦੇ ਸਾਹਮਣੇ ਲਿਵ-ਇਨ ਰਿਲੇਸ਼ਨਸ਼ਿਪ ਦਾ ਪ੍ਰਸਤਾਵ ਰੱਖਦਾ ਹੈ। ਜਦੋਂ ਔਰਤ ਸਪੱਸ਼ਟ ਤੌਰ ‘ਤੇ ਕਹਿੰਦੀ ਹੈ ਕਿ ਉਹ ਧਰਮ ਪਰਿਵਰਤਨ ਨਹੀਂ ਕਰੇਗੀ, ਤਾਂ ਹਾਲਾਤ ਵਿਗੜਣ ਲੱਗਦੇ ਹਨ। ਟ੍ਰੇਲਰ ਵਿੱਚ ਤੀਖੀ ਬਹਿਸ ਅਤੇ ਟਕਰਾਵ ਦੇ ਸੀਨ ਦਿਖਾਈ ਦਿੰਦੇ ਹਨ, ਜਿੱਥੇ ਉਸ ‘ਤੇ ਆਪਣਾ ਵਿਸ਼ਵਾਸ ਛੱਡਣ ਲਈ ਦਬਾਅ ਪਾਇਆ ਜਾਂਦਾ ਹੈ, ਜੋ ਕਿ ਪਛਾਣ, ਵਿਸ਼ਵਾਸ ਅਤੇ ਨਿੱਜੀ ਆਜ਼ਾਦੀ ਵਿਚਕਾਰ ਲੜਾਈ ਨੂੰ ਦਰਸਾਉਂਦਾ ਹੈ।
ਕਾਮਾਖਿਆ ਨਾਰਾਇਣ ਸਿੰਘ ਦੁਆਰਾ ਨਿਰਦੇਸ਼ਤ, ਇਹ ਫਿਲਮ ਤਿੰਨ ਹਿੰਦੂ ਔਰਤਾਂ: ਉਲਕਾ ਗੁਪਤਾ, ਅਦਿਤੀ ਭਾਟੀਆ ਅਤੇ ਐਸ਼ਵਰਿਆ ਓਝਾ ਦੀ ਹੈਰਾਨ ਕਰਨ ਵਾਲੀ ਕਹਾਣੀ ਦੱਸਦੀ ਹੈ। ਉਨ੍ਹਾਂ ਦੀ ਜ਼ਿੰਦਗੀ ਇੱਕ ਭਿਆਨਕ ਮੋੜ ਲੈਂਦੀ ਹੈ ਜਦੋਂ ਉਨ੍ਹਾਂ ਨੂੰ ਤਿੰਨ ਮੁਸਲਿਮ ਮੁੰਡਿਆਂ ਨਾਲ ਪਿਆਰ ਹੋ ਜਾਦਾ ਹੈ, ਅਤੇ ਹੌਲੀ-ਹੌਲੀ, ਇਹਨਾਂ ਰਿਸ਼ਤਿਆਂ ਦੇ ਪਿੱਛੇ ਛੁਪਿਆ ਧਾਰਮਿਕ ਪਰਿਵਰਤਨ ਦਾ ਇੱਕ ਜਾਣਬੁੱਝ ਕੇ ਏਜੰਡਾ ਸਾਹਮਣੇ ਆਉਂਦਾ ਹੈ।
‘ਦ ਕੇਰਲ ਸਟੋਰੀ’ ਨੇ ਆਪਣੀ ਦਲੇਰ ਕਹਾਣੀ ਨਾਲ ਪੂਰੇ ਦੇਸ਼ ਨੂੰ ਹਿਲਾ ਦਿੱਤਾ। ਫਿਲਮ ਦੇ ਜ਼ਬਰਦਸਤ ਪ੍ਰਭਾਵ ਤੋਂ ਬਾਅਦ, ਇਹ ਸੀਕਵਲ ਚੁੱਪ ਅਤੇ ਇਨਕਾਰ ਦੀਆਂ ਸੀਮਾਵਾਂ ਨੂੰ ਤੋੜਦੇ ਹੋਏ ਹੋਰ ਵੀ ਅੱਗੇ ਜਾਣ ਦਾ ਵਾਅਦਾ ਕਰਦਾ ਹੈ। ‘ਦ ਕੇਰਲ ਸਟੋਰੀ 2 – ਗੋਜ਼ ਬਿਓਂਡ’ 27 ਫਰਵਰੀ, 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਵਾਲੀ ਹੈ।
