Health News : ਸ਼ਰੀਫਾ ਯਾਨੀ ਸੀਤਾਫਲ, ਜਿਸਨੂੰ ਅੰਗਰੇਜ਼ੀ ਵਿੱਚ ਕਸਟਰਡ ਐਪਲ ਵੀ ਕਿਹਾ ਜਾਂਦਾ ਹੈ। ਸ਼ਰੀਫਾ ਕਈ ਪੌਸ਼ਟਿਕ ਤੱਤਾਂ ਦਾ ਖਜ਼ਾਨਾ ਮੰਨਿਆ ਜਾਂਦਾ ਹੈ। ਇਸਨੂੰ ਡਾਈਟ ਵਿੱਚ ਸ਼ਾਮਲ ਕਰਨ ਨਾਲ ਕਈ ਤਰ੍ਹਾਂ ਦੇ ਸਿਹਤ ਲਾਭ ਹੋ ਸਕਦੇ ਹਨ। ਸ਼ਰੀਫਾ ਵਿੱਚ ਵਿਟਾਮਿਨ-ਸੀ ਅਤੇ ਐਂਟੀ-ਆਕਸੀਡੈਂਟ ਵੀ ਕਾਫੀ ਚੰਗੀ ਮਾਤਰਾ ਵਿੱਚ ਹੁੰਦੇ ਹਨ, ਇਸ ਲਈ ਇਹ ਕੈਂਸਰ ਦੇ ਜੋਖਮ ਤੋਂ ਵੀ ਬਚਾ ਸਕਦਾ ਹੈ।
ਸੀਤਾਫਲ ਵਿੱਚ ਵਿਟਾਮਿਨ ਸੀ, ਵਿਟਾਮਿਨ-ਏ, ਪੋਟਾਸ਼ੀਅਮ, ਮੈਗਨੀਸ਼ੀਅਮ, ਤਾਂਬਾ ਅਤੇ ਫਾਈਬਰ ਵਰਗੇ ਪੌਸ਼ਟਿਕ ਤੱਤ ਹੁੰਦੇ ਹਨ, ਇਸ ਲਈ ਇਸਨੂੰ ਗਰਭਵਤੀ ਔਰਤਾਂ ਲਈ ਚੰਗਾ ਮੰਨਿਆ ਜਾਂਦਾ ਹੈ। ਇਸਦੇ ਲਾਭ ਤਾਂ ਬਹੁਤ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸ਼ਰੀਫ਼ਾ ਕਈ ਤਰੀਕਿਆਂ ਨਾਲ ਨੁਕਸਾਨ ਵੀ ਪਹੁੰਚਾ ਸਕਦਾ ਹੈ। ਸੀਤਾਫਲ ਭਾਵ ਸ਼ਰੀਫ਼ੇ ਨੂੰ ਜੇਕਰ ਲੋੜ ਤੋਂ ਜ਼ਿਆਦਾ ਖਾ ਲਿਆ ਜਾਵੇ, ਤਾਂ ਇਹ ਹਾਨੀਕਾਰਕ ਵੀ ਹੁੰਦਾ ਹੈ। ਇਸ ਲਈ ਜੇਕਰ ਤੁਹਾਨੂੰ ਵੀ ਸ਼ਰੀਫਾ ਪਸੰਦ ਹੈ, ਤਾਂ ਇਸਨੂੰ ਖਾਣ ਦੇ ਨੁਕਸਾਨ ਵੀ ਜਾਣ ਲਓ।
ਸੀਤਾ ਫਲ ਖਾਣ ਦੇ ਨੁਕਸਾਨ
- ਕਈ ਲੋਕਾਂ ਨੂੰ ਸ਼ਰੀਫਾ ਖਾਣ ਤੋਂ ਐਲਰਜੀ ਹੋ ਜਾਂਦੀ ਹੈ। ਜੇਕਰ ਤੁਹਾਨੂੰ ਵੀ ਸ਼ਰੀਫਾ ਖਾਣ ਤੋਂ ਬਾਅਦ ਖੁਜਲੀ, ਧੱਫੜ ਆਦਿ ਦੀ ਸਮੱਸਿਆ ਹੁੰਦੀ ਹੈ, ਤਾਂ ਇਸ ਨੂੰ ਅੱਗੇ ਤੋਂ ਨਾ ਖਾਓ।
- ਜੇਕਰ ਅਕਸਰ ਪਾਚਨ ਨਾਲ ਸਬੰਧਤ ਸਮੱਸਿਆ ਰਹਿੰਦੀ ਹੈ, ਤਾਂ ਤੁਹਾਨੂੰ ਗਲਤੀ ਨਾਲ ਵੀ ਸ਼ਰੀਫਾ ਨਹੀਂ ਖਾਣਾ ਚਾਹੀਦਾ। ਸ਼ਰੀਫੇ ਵਿੱਚ ਫਾਈਬਰ ਬਹੁਤ ਵੱਧ ਮਾਤਰਾ ਵਿੱਚ ਹੁੰਦਾ ਹੈ। ਇਸ ਲਈ ਜੇਕਰ ਇਸਦਾ ਸੇਵਨ ਬਹੁਤ ਕਰ ਲਿਆ ਜਾਵੇ, ਤਾਂ ਪੇਟ ਦਰਦ, ਦਸਤ, ਗੈਸ, ਆਂਤਾਂ ਵਿੱਚ ਜਕੜਨ ਵਰਗੀਆਂ ਪਰੇਸ਼ਾਨੀਆਂ ਸ਼ੁਰੂ ਹੋ ਸਕਦੀਆਂ ਹਨ।
- ਸ਼ਰੀਫਾ ਜਾਂ ਸੀਤਾਫਲ ਜਿੰਨਾ ਖਾਣ ਵਿੱਚ ਸੁਆਦੀ ਅਤੇ ਫਾਇਦੇਮੰਦ ਹੁੰਦਾ ਹੈ, ਇਸਦੇ ਬੀਜ ਉੱਨੇ ਹੀ ਜ਼ਹਿਰੀਲੇ ਹੁੰਦੇ ਹਨ। ਇਸ ਲਈ ਇਸਨੂੰ ਖਾਂਦੇ ਸਮੇਂ ਬੀਜ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ, ਕਿਉਂਕਿ ਇਹ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ।
- ਸੀਤਾਫਲ ਵਿੱਚ ਭਰਪੂਰ ਮਾਤਰਾ ਵਿੱਚ ਆਇਰਨ ਵੀ ਹੁੰਦਾ ਹੈ। ਜੇਕਰ ਇਸਨੂੰ ਜ਼ਿਆਦਾ ਖਾ ਲਿਆ ਜਾਵੇ, ਤਾਂ ਜ਼ਿਆਦਾ ਆਇਰਨ ਨਾਲ ਤੁਹਾਨੂੰ ਉਲਟੀਆਂ, ਮਤਲੀ ਜਿਹੀਆਂ ਦਿੱਕਤਾਂ ਸ਼ੁਰੂ ਹੋ ਸਕਦੀਆਂ ਹਨ।
