ਚੰਡੀਗੜ੍ਹ: ਹਰਿਆਣਾ ਦੀਆਂ ਖੰਡ ਮਿੱਲਾਂ ਵਿੱਚ ਗੰਨੇ ਦੀ ਪਿੜਾਈ ਦਾ ਸੀਜ਼ਨ 24 ਨਵੰਬਰ ਤੋਂ ਸ਼ੁਰੂ ਹੋਵੇਗਾ। ਇਸ ਵਾਰ ਲਗਭਗ 338.50 ਲੱਖ ਕੁਇੰਟਲ ਗੰਨਾ ਮਿਲਣ ਦੀ ਉਮੀਦ ਹੈ। ਹਰਿਆਣਾ ਰਾਜ ਸਹਿਕਾਰੀ ਖੰਡ ਮਿੱਲਜ਼ ਫੈਡਰੇਸ਼ਨ ਲਿਮਟਿਡ ਦੀਆਂ 10 ਵਿੱਚੋਂ 9 ਖੰਡ ਮਿੱਲਾਂ ਦੇ ਪਿੜਾਈ ਸੀਜ਼ਨ ਦਾ ਸਮਾਂ ਨਿਰਧਾਰਤ ਕਰ ਦਿੱਤਾ ਗਿਆ ਹੈ।
ਸਹਿਕਾਰਤਾ ਵਿਭਾਗ ਅਨੁਸਾਰ ਕਰਨਾਲ, ਸ਼ਾਹਬਾਦ ਅਤੇ ਪਲਵਲ ਦੀਆਂ ਖੰਡ ਮਿੱਲਾਂ ਵਿੱਚ 24 ਨਵੰਬਰ ਤੋਂ ਪਿੜਾਈ ਸੀਜ਼ਨ ਸ਼ੁਰੂ ਹੋਵੇਗਾ। ਪਾਣੀਪਤ ਵਿੱਚ 30 ਨਵੰਬਰ ਨੂੰ ਪਿੜਾਈ ਸੀਜ਼ਨ ਦੀ ਸ਼ੁਰੂਆਤ ਹੋਣੀ ਹੈ। ਮਹਿਮ ਅਤੇ ਸੋਨੀਪਤ ਖੰਡ ਮਿੱਲਾਂ ਵਿੱਚ 3 ਦਸੰਬਰ ਨੂੰ ਸੀਜ਼ਨ ਦਾ ਸੰਚਾਲਨ ਸ਼ੁਰੂ ਹੋਵੇਗਾ। ਕੈਥਲ ਵਿੱਚ 4 ਦਸੰਬਰ, ਰੋਹਤਕ ਵਿੱਚ 8 ਦਸੰਬਰ ਅਤੇ ਜੀਂਦ ਵਿੱਚ 9 ਦਸੰਬਰ ਨੂੰ ਗੰਨੇ ਦੀ ਪਿੜਾਈ ਸ਼ੁਰੂ ਹੋਵੇਗੀ।
ਇਸ ਵਾਰ ਗੰਨੇ ਹੇਠ ਰਕਬਾ ਵੀ ਵਧਿਆ
ਇਸ ਸਾਲ ਹਰਿਆਣਾ ਵਿੱਚ 1 ਲੱਖ 77 ਹਜ਼ਾਰ 303 ਏਕੜ ਰਕਬੇ ਵਿੱਚ ਗੰਨੇ ਦੀ ਫ਼ਸਲ ਬੀਜੀ ਗਈ ਹੈ। ਜਦਕਿ ਸਾਲ 2025-2026 ਦੌਰਾਨ ਇਹ ਰਕਬਾ 1 ਲੱਖ 72 ਹਜ਼ਾਰ 364 ਏਕੜ ਸੀ। ਇਸ ਤਰ੍ਹਾਂ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਵਾਰ ਗੰਨੇ ਹੇਠ ਰਕਬੇ ਵਿੱਚ ਵਾਧਾ ਦਰਜ ਕੀਤਾ ਗਿਆ ਹੈ।
