ਮੁੰਬਈ : ਮਸ਼ਹੂਰ ਅਭਿਨੇਤਰੀ ਅਮੀਸ਼ਾ ਪਟੇਲ (Ameesha Patel) ਦਾ ਕਹਿਣਾ ਹੈ ਕਿ ਬਾਲੀਵੁੱਡ ਦਾ ਸੁਹਜ ਹੁਣ ਘੱਟਦਾ ਜਾ ਰਿਹਾ ਹੈ ਕਿਉਂਕਿ ਮਹਿਲਾ ਕਲਾਕਾਰਾਂ ਨੂੰ ਫਿਲਮਾਂ ‘ਚ ਮਜ਼ਬੂਤ ਭੂਮਿਕਾਵਾਂ ਨਹੀਂ ਮਿਲ ਰਹੀਆਂ ਅਤੇ ਉਨ੍ਹਾਂ ਨੂੰ ਫਿਲਮਾਂ ਦੇ ਪੋਸਟਰਾਂ ‘ਚ ਜਗ੍ਹਾ ਨਹੀਂ ਮਿਲ ਰਹੀ। ਅਮੀਸ਼ਾ ਪਟੇਲ ਨੇ ਕਿਹਾ, ਫਿਲਮਾਂ ਦੇ ਪੋਸਟਰਾਂ ਤੋਂ ਹੀਰੋਇਨਾਂ ਗਾਇਬ ਹੋ ਰਹੀਆਂ ਹਨ। ਪਹਿਲਾਂ ਲੋਕ ਪੋਸਟਰ ਵਿੱਚ ਆਪਣੀ ਮਨਪਸੰਦ ਹੀਰੋਇਨ ਨੂੰ ਦੇਖ ਕੇ ਹੀ ਫਿਲਮ ਦੇਖਣ ਦਾ ਮਨ ਬਣਾ ਲੈਂਦੇ ਸਨ। ਪਰ ਹੁਣ ਇਹ ਪੈਟਰਨ ਵੀ ਬਹੁਤ ਬਦਲ ਗਿਆ ਹੈ। ਫ਼ਿਲਮ ਸਿਰਫ਼ ਨਾਇਕ ਕੇਂਦਰਿਤ ਨਹੀਂ ਹੋ ਸਕਦੀ। ਹਾਂ, ਹੀਰੋ ਯਕੀਨੀ ਤੌਰ ‘ਤੇ ਕਿਸੇ ਵੀ ਫ਼ਿਲਮ ਦਾ ਅਹਿਮ ਹਿੱਸਾ ਹੁੰਦਾ ਹੈ।
ਅਮੀਸ਼ਾ ਪਟੇਲ ਨੇ ਕਿਹਾ, ਇਕ ਸਮਾਂ ਸੀ ਜਦੋਂ ਫਿਲਮ ਦੇ ਹਰ ਪਹਿਲੂ ‘ਤੇ ਵਿਚਾਰ ਕੀਤਾ ਜਾਂਦਾ ਸੀ। ਹੀਰੋ, ਹੀਰੋਇਨ ਤੋਂ ਲੈ ਕੇ ਫਿਲਮ ਦੇ ਪੋਸਟਰ, ਗੀਤ, ਸਟਾਈਲ ਅਤੇ ਗਲੈਮਰ ਤੱਕ ਹਰ ਚੀਜ਼ ਨੂੰ ਮਹੱਤਵ ਦਿੱਤਾ ਜਾਂਦਾ ਸੀ। ਉਸ ਸਮੇਂ ਇਹ ਆਮ ਗੱਲ ਸੀ ਕਿ ਲੋਕ ਫਿਲਮਾਂ ਦੇ ਗੀਤਾਂ ਤੋਂ ਆਕਰਸ਼ਿਤ ਹੋ ਕੇ ਹੀ ਫਿਲਮਾਂ ਦੇਖਣ ਆਉਂਦੇ ਸਨ। ਦਰਸ਼ਕ ਫਿਲਮਾਂ ਵਿੱਚ ਖਲਨਾਇਕ, ਕਾਮੇਡੀਅਨ, ਸੰਗੀਤ ਅਤੇ ਫੈਸ਼ਨ ਸੈਂਸ ਨੂੰ ਬੜੀ ਦਿਲਚਸਪੀ ਨਾਲ ਦੇਖਦੇ ਸਨ। ਪਰ ਹੁਣ ਇਹ ਸਭ ਅਲੋਪ ਹੋ ਰਿਹਾ ਹੈ। ਬਾਲੀਵੁਡ ਦੇ ਚਾਰਮ ਨੂੰ ਲੋਕ ਪਹਿਲਾਂ ਹੀ ਪਸੰਦ ਕਰਦੇ ਸਨ, ਇਹ ਖਤਮ ਹੋ ਰਿਹਾ ਹੈ ਇਹਨਾਂ ਕਾਰਨਾਂ ਕਰਕੇ ਬਾਲੀਵੁੱਡ ਫਿਲਮਾਂ ਬਾਕਸ ਆਫਿਸ ‘ਤੇ ਪਛੜ ਰਹੀਆਂ ਹਨ।
