ਕਰਨਾਟਕ : ਕਰਨਾਟਕ ਦੇ ਰਾਮਨਗਰ ਵਿੱਚ ਅੱਜ ਤੜਕੇ ਸਵੇਰੇ ਕਰੀਬ 4:10 ਵਜੇ ਬੈਂਗਲੁਰੂ-ਮੈਸੂਰ ਐਕਸਪ੍ਰੈਸਵੇਅ ‘ਤੇ ਯਾਤਰੀਆਂ ਨਾਲ ਭਰੀ ਇੱਕ ਬੱਸ ਦਾ ਭਿਆਨਕ ਹਾਦਸਾ ਵਾਪਰਿਆ। ਇਹ ਹਾਦਸਾ ਰਾਮਨਗਰ ਜ਼ਿਲ੍ਹੇ ਦੇ ਚੰਨਾਪਟਨਾ ਤਾਲੁਕ ਦੇ ਸੰਕਾਲਾਗੇਰੇ ਪਿੰਡ ਨੇੜੇ ਵਾਪਰਿਆ। ਦੱਸਿਆ ਜਾ ਰਿਹਾ ਹੈ ਕਿ ਬੱਸ ਕੇਰਲ ਦੇ ਕਾਲੀਕਟ ਤੋਂ ਬੈਂਗਲੁਰੂ ਜਾ ਰਹੀ ਸੀ।
4 ਲੋਕਾਂ ਦੀ ਹੋਈ ਮੌਤ
ਕਰਨਾਟਕ ਵਿੱਚ ਅੱਜ ਹੋਏ ਇਸ ਬੱਸ ਹਾਦਸੇ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਕੇਰਲ ਦੇ ਕੋਜ਼ੀਕੋਡ ਦੇ ਰਹਿਣ ਵਾਲੇ 22 ਸਾਲਾ ਮੁਹੰਮਦ ਫਰਹਾਨ ਅਤੇ 45 ਸਾਲਾ ਸੁਲਫੀ, ਬੰਗਲੁਰੂ ਦੇ ਕਲਾਸੀਪਾਲਿਆ ਦਾ ਰਹਿਣ ਵਾਲੇ 45 ਸਾਲਾ ਰਸ਼ੀਦ ਅਤੇ ਅਦੁਗੋਡੀ ਦੇ ਅਨੇਪਾਲਿਆ ਦਾ ਰਹਿਣ ਵਾਲੇ ਸਾਕੀਰ ਦੇ ਰੂਪ ਵਿੱਚ ਹੋਇਆ ਹੈ।
ਦੋ ਲੋਕ ਹੋਏ ਜ਼ਖਮੀ
ਬੱਸ ਹਾਦਸੇ ਵਿੱਚ ਦੋ ਹੋਰ ਲੋਕ ਜ਼ਖਮੀ ਹੋ ਗਏ। ਜ਼ਖਮੀਆਂ ਦੀ ਪਛਾਣ ਕੇਰਲ ਦੇ ਕੰਨੂਰ ਦੇ ਰਹਿਣ ਵਾਲੇ ਅਬਦੁਲ ਅਤੇ ਐਲਨ ਵਜੋਂ ਹੋਈ ਹੈ। ਦੋਵਾਂ ਨੂੰ ਨੇੜਲੇ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ ਅਤੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ।
ਪੁਲਿਸ ਨੇ ਦੱਸਿਆ ਕਿ ਜਿਸ ਬੱਸ ਦਾ ਐਕਸੀਡੈਂਟ ਹੋਇਆ, ਉਹ ਪੀਕੇ ਟਰੈਵਲਸ ਦੁਆਰਾ ਸੰਚਾਲਿਤ ਇੱਕ ਪ੍ਰਾਈਵੇਟ ਬੱਸ ਸੀ। ਸ਼ੁਰੂਆਤੀ ਜਾਂਚ ਤੋਂ ਪਤਾ ਚੱਲਿਆ ਹੈ ਕਿ ਬੱਸ ਡਰਾਈਵਰ ਨੂੰ ਚੱਪਕੀ ਆਉਣ ਦੀ ਵਜ੍ਹਾ ਨਾਲ ਇਹ ਐਕਸੀਡੈਂਟ ਹੋਇਆ। ਬੱਸ ਡਰਾਈਵਰ ਨੂੰ ਨੀਂਦ ਆਉਣ ਦੀ ਵਜ੍ਹਾਂ ਨਾਲ ਉਹ ਬੇਕਾਬੂ ਹੋ ਗਈ ਅਤੇ ਸੜਕ ਕਿਨਾਰੇ ਲੱਗੀ ਬਾੜ ਨਾਲ ਟਕਰਾ ਗਈ। ਟੱਕਰ ਇੰਨੀ ਜ਼ੋਰਦਾਰਨ ਸੀ ਕਿ ਬਾੜ ਨਾਲ ਟਕਰਾਉਣ ਦੇ ਬਾਅਦ ਵੀ ਬੱਸ ਲਗਭਗ 100 ਮੀਟਰ ਤੱਕ ਅੱਗੇ ਘਿਸਟ ਗਈ।
