ਪੰਜਾਬ : ਕਰਤਾਰਪੁਰ ‘ਚ ਲੈਕਚਰਾਰ ਨੇਹਾ ਬੱਸੀ ਦੇ ਬੇਰਹਿਮੀ ਨਾਲ ਕਤਲ ਮਾਮਲੇ ‘ਚ ਲਗਾਤਾਰ ਨਵੇਂ ਖੁਲਾਸੇ ਸਾਹਮਣੇ ਆ ਰਹੇ ਹਨ। ਹੁਣ ਇਸ ਮਾਮਲੇ ‘ਚ ਦੋਸ਼ੀ ਪਤੀ ਉਮੰਗ ਬਾਸੀ ਦੀ ਪ੍ਰੇਮਿਕਾ ਸਤਪਾਲ ਕੌਰ ਦੇ ਪਤੀ ਵਿਸ਼ਾਲ ਸ਼ਰਮਾ ਨੇ ਅੱਗੇ ਆ ਕੇ ਕਈ ਰਾਜ਼ ਖੋਲ੍ਹੇ ਹਨ। ਵਿਸ਼ਾਲ ਸ਼ਰਮਾ ਨੇ ਦੱਸਿਆ ਕਿ ਕਰੀਬ 11 ਸਾਲ ਪਹਿਲਾਂ ਉਸ ਦਾ ਵਿਆਹ ਸਤਪਾਲ ਕੌਰ ਨਾਲ ਹੋਇਆ ਸੀ, ਜਿਸ ਤੋਂ ਉਸ ਦੀ ਇਕ 9 ਸਾਲ ਦੀ ਬੇਟੀ ਵੀ ਹੈ।
ਵਿਸ਼ਾਲ ਦਾ ਕਹਿਣਾ ਹੈ ਕਿ ਸਤਪਾਲ ਕੌਰ ਦਾ ਆਪਣੇ ਸਕੂਲੀ ਦੋਸਤ ਉਮੰਗ ਬਾਸੀ ਨਾਲ ਪਿਛਲੇ 3 ਸਾਲਾਂ ਤੋਂ ਐਕਸਟਰਾ ਮੈਰਿਟਲ ਅਫੇਅਰ ਚੱਲ ਰਿਹਾ ਸੀ। ਇਸ ਬਾਰੇ ਉਸ ਨੂੰ ਕਰੀਬ 6 ਮਹੀਨੇ ਪਹਿਲਾਂ ਪਤਾ ਲੱਗਾ ਸੀ। ਵਿਸ਼ਨ ਨੇ ਦੱਸਿਆ ਕਿ ਉਹ ਹੈਦਰਾਬਾਦ ‘ਚ ਕੰਮ ਕਰਦਾ ਹੈ ਅਤੇ ਉਸ ਦੀ ਪਤਨੀ ਆਪਣੀ ਬੇਟੀ ਨਾਲ ਜਲੰਧਰ ‘ਚ ਰਹਿੰਦੀ ਸੀ। ਜਿਸ ਘਰ ‘ਚ ਉਹ ਰਹਿੰਦੀ ਸੀ, ਉਹ 1 ਕਰੋੜ ਰੁਪਏ ‘ਚ ਖਰੀਦਿਆ ਗਿਆ ਸੀ ਅਤੇ ਵਿਸ਼ਾਲ ਨੇ ਆਪਣੀ ਪਤਨੀ ਦੇ ਨਾਂ ‘ਤੇ ਮਕਾਨ ਵੀ ਰਜਿਸਟਰ ਕਰਵਾਇਆ ਸੀ।
ਜਦੋਂ ਵਿਸ਼ਾਲ ਨੂੰ ਸ਼ੱਕ ਹੋਇਆ ਅਤੇ ਫਰਵਰੀ ਵਿਚ ਆਪਣੀ ਪਤਨੀ ਦਾ ਫੋਨ ਚੈੱਕ ਕੀਤਾ ਤਾਂ ਉਸ ਨੂੰ ਉਮੰਗ ਬੱਸੀ ਅਤੇ ਸਤਪਾਲ ਕੌਰ ਦੀਆਂ ਵਟਸਐਪ ਚੈਟ ਮਿਲੀਆਂ ਜਿਸ ਵਿਚ ਉਹ ਦੋਵੇਂ ਆਪਣੇ ਸਾਥੀ ਨੂੰ ਹਟਾਉਣ ਜਾਂ ਉਸ ਨੂੰ ਛੱਡਣ ਦੀ ਸਾਜ਼ਿਸ਼ ਰਚ ਰਹੇ ਸਨ। ਵਿਸ਼ਾਲ ਨੇ ਦੋਸ਼ ਲਾਇਆ ਕਿ ਉਮੰਗ ਬੱਸੀ ਨੇ ਉਸ ‘ਤੇ ਹਮਲਾ ਵੀ ਕੀਤਾ ਸੀ, ਜਿਸ ਬਾਰੇ ਉਸ ਨੇ ਸ਼ਿਕਾਇਤ ਵੀ ਕੀਤੀ ਸੀ ਪਰ ਕੋਈ ਸੁਣਵਾਈ ਨਹੀਂ ਹੋਈ। ਵਿਸ਼ਾਲ ਨੇ ਦੱਸਿਆ ਕਿ ਉਹ ਨੌਕਰੀ ਕਾਰਨ ਹੈਦਰਾਬਾਦ ਰਹਿੰਦਾ ਸੀ, ਜਿਸ ਕਾਰਨ ਉਹ ਬਚ ਗਿਆ ਅਤੇ ਉਮੰਗ ਬਾਸੀ ਨੇ ਆਪਣੀ ਪਤਨੀ ਨੇਹਾ ਨੂੰ ਹਾਰਪਿਕ ਪਿਲਾ ਦਿੱਤਾ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।
