ਸਪੋਰਟਸ ਨਿਊਜ਼: ਆਈ.ਪੀ.ਐਲ. 2025 ਦਾ ਖਿਤਾਬ ਜਿੱਤਣ ਤੋਂ ਬਾਅਦ, ਰਾਇਲ ਚੈਲੇਂਜਰਜ਼ ਬੰਗਲੌਰ (ਆਰ.ਸੀ.ਬੀ.) ਵੱਲੋਂ ਆਯੋਜਿਤ ਜਸ਼ਨ ਦਾ ਮਾਹੌਲ ਅਚਾਨਕ ਗਮ ਵਿੱਚ ਬਦਲ ਗਿਆ। ਬੰਗਲੌਰ ਦੇ ਐਮ. ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਆਯੋਜਿਤ ਇਸ ਜਸ਼ਨ ਪ੍ਰੋਗਰਾਮ ਵਿੱਚ ਇੱਕ ਵੱਡੀ ਭੀੜ ਇਕੱਠੀ ਹੋ ਗਈ ਅਤੇ ਭਗਦੜ ਮਚ ਗਈ। ਇਸ ਦੁਖਦਾਈ ਹਾਦਸੇ ਵਿੱਚ 11 ਲੋਕਾਂ ਦੀ ਜਾਨ ਚਲੀ ਗਈ।
ਆਰ.ਸੀ.ਬੀ. ਨੇ ਕੀਤਾ ਮੁਆਵਜ਼ੇ ਦਾ ਐਲਾਨ
ਆਰ.ਸੀ.ਬੀ. ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਐਕਸ’ ‘ਤੇ ਪੋਸਟ ਕੀਤਾ ਕਿ 4 ਜੂਨ 2025 ਦਾ ਦਿਨ ਉਨ੍ਹਾਂ ਦੀ ਟੀਮ ਅਤੇ ਪ੍ਰਸ਼ੰਸਕਾਂ ਲਈ ਬਹੁਤ ਦਰਦਨਾਕ ਸੀ, ਕਿਉਂਕਿ ਉਨ੍ਹਾਂ ਨੇ ਆਪਣੇ “ਆਰ.ਸੀ.ਬੀ. ਪਰਿਵਾਰ” ਦੇ 11 ਮੈਂਬਰਾਂ ਨੂੰ ਗੁਆ ਦਿੱਤੇ। ਟੀਮ ਨੇ ਕਿਹਾ ਕਿ ਕੋਈ ਵੀ ਕਿਸੇ ਦੀ ਜਾਨ ਦੀ ਭਰਪਾਈ ਨਹੀਂ ਕਰ ਸਕਦਾ, ਪਰ ਪ੍ਰਭਾਵਿਤ ਪਰਿਵਾਰਾਂ ਦੀ ਮਦਦ ਲਈ ਹਰ ਸੰਭਵ ਕਦਮ ਚੁੱਕਿਆ ਜਾਵੇਗਾ।
ਪਹਿਲੇ ਕਦਮ ਵਜੋਂ, ਆਰ.ਸੀ.ਬੀ. ਨੇ 11 ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 25-25 ਲੱਖ ਰੁਪਏ ਦੀ ਵਿੱਤੀ ਸਹਾਇਤਾ ਦਿੱਤੀ ਹੈ। ਟੀਮ ਨੇ ਸਪੱਸ਼ਟ ਕੀਤਾ ਕਿ ਇਹ ਸਿਰਫ਼ ਵਿੱਤੀ ਸਹਾਇਤਾ ਨਹੀਂ ਹੈ ਸਗੋਂ ਉਨ੍ਹਾਂ ਦੇ ਨਾਲ ਖੜ੍ਹੇ ਹੋਣ ਅਤੇ ਨਿਰੰਤਰ ਦੇਖਭਾਲ ਕਰਨ ਦਾ ਵਾਅਦਾ ਹੈ। ਇਸ ਦੇ ਨਾਲ, ਟੀਮ ਨੇ ‘ਆਰ.ਸੀ.ਬੀ. ਕੇਅਰਜ਼’ ਪਹਿਲ ਵੀ ਸ਼ੁਰੂ ਕੀਤੀ ਹੈ, ਜਿਸ ਬਾਰੇ ਹੋਰ ਜਾਣਕਾਰੀ ਜਲਦੀ ਹੀ ਸਾਂਝੀ ਕੀਤੀ ਜਾਵੇਗੀ।
ਸਟੇਡੀਅਮ ਨੂੰ ਅਸੁਰੱਖਿਅਤ ਐਲਾਨਿਆ ਗਿਆ, ਮੈਚ ਸ਼ਿਫਟ ਕੀਤਾ ਗਿਆ
ਇਸ ਘਟਨਾ ਤੋਂ ਬਾਅਦ, ਕਰਨਾਟਕ ਸਰਕਾਰ ਨੇ ਮਾਮਲੇ ਦੀ ਜਾਂਚ ਲਈ ਡੀ. ਕੁੰਨਹਾ ਕਮਿਸ਼ਨ ਦਾ ਗਠਨ ਕੀਤਾ। ਕਮਿਸ਼ਨ ਨੇ ਆਪਣੀ ਰਿਪੋਰਟ ਵਿੱਚ ਕਿਹਾ ਕਿ ਬੈਂਗਲੁਰੂ ਦਾ ਐਮ. ਚਿੰਨਾਸਵਾਮੀ ਸਟੇਡੀਅਮ ਵੱਡੇ ਸਮਾਗਮਾਂ ਲਈ ਅਸੁਰੱਖਿਅਤ ਹੈ। ਰਿਪੋਰਟ ਤੋਂ ਬਾਅਦ, ਇਹ ਫ਼ੈੈਸਲਾ ਕੀਤਾ ਗਿਆ ਕਿ ਮਹਿਲਾ ਵਿਸ਼ਵ ਕੱਪ 2025 ਦੇ ਮੈਚ ਜੋ ਬੈਂਗਲੁਰੂ ਵਿੱਚ ਹੋਣੇ ਸਨ, ਹੁਣ ਨਵੀਂ ਮੁੰਬਈ ਦੇ ਮੈਦਾਨ ਵਿੱਚ ਸ਼ਿਫਟ ਕੀਤੇ ਜਾਣਗੇ।
ਆਰ.ਸੀ.ਬੀ. ਦੀ ਪਹਿਲੀ ਖਿਤਾਬ ਜਿੱਤ
ਆਰ.ਸੀ.ਬੀ. ਦਾ ਪ੍ਰਸ਼ੰਸਕ ਅਧਾਰ ਹਮੇਸ਼ਾ ਬਹੁਤ ਵੱਡਾ ਰਿਹਾ ਹੈ। ਟੀਮ 2008 ਤੋਂ ਆਈ.ਪੀ.ਐਲ. ਵਿੱਚ ਖੇਡ ਰਹੀ ਹੈ ਅਤੇ ਵਿਰਾਟ ਕੋਹਲੀ, ਏ.ਬੀ ਡੀਵਿਲੀਅਰਜ਼, ਕ੍ਰਿਸ ਗੇਲ ਅਤੇ ਫਾਫ ਡੂ ਪਲੇਸਿਸ ਵਰਗੇ ਮਹਾਨ ਖਿਡਾਰੀਆਂ ਨਾਲ ਸਜਿਆ ਹੋਇਆ ਹੈ। ਪਰ ਟੀਮ ਨੇ ਕਦੇ ਵੀ ਟਰਾਫੀ ਨਹੀਂ ਜਿੱਤੀ ਸੀ। ਰਜਤ ਪਾਟੀਦਾਰ ਦੀ ਕਪਤਾਨੀ ਵਿੱਚ, ਆਰ.ਸੀ.ਬੀ. ਨੇ ਪਹਿਲੀ ਵਾਰ ਆਈ.ਪੀ.ਐਲ. 2025 ਦਾ ਖਿਤਾਬ ਜਿੱਤਿਆ ਜਦੋਂ ਉਨ੍ਹਾਂ ਨੇ ਪੰਜਾਬ ਕਿੰਗਜ਼ ਨੂੰ ਹਰਾਇਆ। ਇਸ ਇ ਤਿਹਾਸਕ ਜਿੱਤ ਤੋਂ ਬਾਅਦ, ਜਿੱਤ ਦਾ ਜਸ਼ਨ ਮਨਾਉਣ ਲਈ ਬੈਂਗਲੁਰੂ ਵਿੱਚ ਇੱਕ ਸਵਾਗਤ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ ਸੀ ਪਰ ਇਸ ਦੌਰਾਨ, ਪ੍ਰਸ਼ੰਸਕਾਂ ਦੀ ਇੱਕ ਵੱਡੀ ਭੀੜ ਖਿਡਾਰੀ ਦੀ ਇੱਕ ਝਲਕ ਪਾਉਣ ਲਈ ਪਹੁੰਚ ਗਈ ਅਤੇ ਭਗਦੜ ਮਚ ਗਈ।
%20suddenly%20turned%20into%20sadness.){kind=link}