ਸ੍ਰੀ ਮੁਕਤਸਰ ਸਾਹਿਬ : ਇੰਜੀਨੀਅਰ ਬਲਜੀਤ ਸਿੰਘ, ਸਹਾਇਕ ਇੰਜੀਨੀਅਰ, ਅਰਬਨ ਸ/ਵ, ਸ੍ਰੀ ਮੁਕਤਸਰ ਸਾਹਿਬ ਦੁਆਰਾ ਸੂਚਿਤ ਕੀਤਾ ਹੈ ਕਿ ਇਸ ਦਫ਼ਤਰ ਅਧੀਨ ਚੱਲਦੇ 11 ਕੇ.ਵੀ. ਬਲਮਗੜ੍ਹ ਰੋਡ ਫੀਡਰ ਨੂੰ ਬਾਈਫਰਕੇਟ ਕਰਕੇ ਨਵਾਂ ਫੀਡਰ ਕੱਢਣ ਲਈ 6 ਮਈ ਤੋਂ 8 ਮਈ ਤੱਕ ਤਿੰਨ ਦਿਨ ਸਵੇਰੇ 8:30 ਵਜੇ ਤੋਂ 12:30 ਵਜੇ ਤੱਕ 11 ਕੇ.ਵੀ. ਬਲਮਗੜ੍ਹ ਰੋਡ, 11 ਕੇ.ਵੀ. ਬੱਸ ਸਟੈਂਡ, 11 ਕੇ.ਵੀ. ਮਲੋਟ ਰੋਡ ਤੇ 11 ਕੇ.ਵੀ. ਅਬੋਹਰ ਰੋਡ ਫੀਡਰਾਂ ਦੀ ਸਪਲਾਈ ਬੰਦ ਰਹੇਗੀ।
ਦੱਸ ਦਈਏ ਕਿ ਇਸ ਦੇ ਨਾਲ ਹੀ ਅੱਜ ਪੰਜਾਬ ਦੇ ਕਈ ਹੋਰ ਖੇਤਰਾਂ ਵਿੱਚ ਵੀ ਲੰਬਾ ਪਾਵਰ ਕੱਟ ਲੱਗਣ ਵਾਲਾ ਹੈ। ਇਸ ਬਾਰੇ ਵਿੱਚ ਪਹਿਲਾਂ ਤੋਂ ਜਾਣਕਾਰੀ ਵੀ ਦੇ ਦਿੱਤੀ ਗਈ ਹੈ ਅਤੇ ਸ਼ਾਮ ਵੀ ਤੈਅ ਕਰ ਦਿੱਤਾ ਗਿਆ ਹੈ। ਕਈ ਇਲਾਕਿਆਂ ਵਿੱਚ ਸਵੇਰ ਤੋਂ ਹੀ ਬਿਜਲੀ ਬੰਦ ਕਰ ਦਿੱਤੀ ਅਤੇ ਸ਼ਾਮ ਤੱਕ ਬਿਜਲੀ ਬੰਦ ਰਹੇਗੀ।
ਦਸੂਹਾ: ਸ਼ਹਿਰੀ ਉਪ-ਮੰਡਲ ਅਧਿਕਾਰੀ ਇੰਜੀਨੀਅਰ ਸਤਨਾਮ ਸਿੰਘ ਨੇ ਦੱਸਿਆ ਕਿ ਐਮਰਜੈਂਸੀ ਸਥਿਤੀ ਨਾਲ ਨਜਿੱਠਣ ਲਈ 11 ਕੇਵੀ ਹਸਪਤਾਲ ਫੀਡਰ ਨੂੰ ਸਪਲਾਈ ਦਾ ਇੱਕ ਹੋਰ ਸਰੋਤ ਪ੍ਰਦਾਨ ਕਰਨ ਲਈ, ਹਸਪਤਾਲ ਨੂੰ ਬਿਜਲੀ ਸਪਲਾਈ ਅੱਜ 6 ਮਈ ਨੂੰ ਸਵੇਰੇ 9 ਵਜੇ ਤੋਂ ਦੁਪਹਿਰ 12.30 ਵਜੇ ਤੱਕ ਬੰਦ ਰਹੇਗੀ। ਇਸ ਦੇ ਨਾਲ ਹੀ, ਇਸ ਕੰਮ ਨੂੰ ਪੂਰਾ ਕਰਨ ਲਈ, 11 ਕੇ.ਵੀ. ਆਰਮੀ ਗਰਾਊਂਡ, ਸੁਪਰ ਮਾਰਕੀਟ, ਹੁਸ਼ਿਆਰਪੁਰ ਰੋਡ, ਪੈਰਾਡਾਈਜ਼ ਕਲੋਨੀ, ਜਾਪਾਨੀ ਕਲੋਨੀ, ਕੇਹਰਵਾਲੀ, ਪੰਨਾਵਾਂ ਰੋਡ ਅਤੇ ਖੇੜਾ ਕੋਟਲੀ ਆਦਿ ਦੇ ਫਰਨੇਸ ਟੀ-ਆਫ ਤੋਂ ਪਰੇ ਖੇਤਰਾਂ ਦੀ ਬਿਜਲੀ ਸਪਲਾਈ ਰਾਤ 9 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ ਬੰਦ ਰਹੇਗੀ। ਇਸ ਦੌਰਾਨ, ਉਪ ਮੰਡਲ ਅਧਿਕਾਰੀ ਨੇ ਉਪਰੋਕਤ ਖੇਤਰਾਂ ਦੇ ਸਾਰੇ ਖਪਤਕਾਰਾਂ ਤੋਂ ਸਹਿਯੋਗ ਦੀ ਅਪੀਲ ਕੀਤੀ।
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸਬਅਰਬਨ ਜਗਰਾਉਂ ਦੇ ਐਸ.ਡੀ.ਓ. ਇੰਜੀਨੀਅਰ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਇਹ ਬਿਜਲੀ ਕੱਟ ਫੀਡਰ ਦੇ ਰੱਖ-ਰਖਾਅ, ਨਵੇਂ ਵਿਕਾਸ ਕਾਰਜਾਂ ਅਤੇ ਫੀਡਰ ਦੇ ਨੇੜੇ ਦਰੱਖਤਾਂ ਦੀ ਕਟਾਈ ਦੇ ਲਈ ਲਗਾਏ ਜਾ ਰਹੇ ਹਨ। ਇਸ ਕੱਟ ਕਾਰਨ, ਪਿੰਡ ਮਲਕ, ਅਲੀਗੜ੍ਹ ਅਤੇ ਪਸ਼ੂ ਮੰਡੀ, ਜਗਰਾਉਂ ਦੇ ਆਲੇ-ਦੁਆਲੇ ਦੇ ਇਲਾਕਿਆਂ ਦੀ ਬਿਜਲੀ ਸਪਲਾਈ ਪ੍ਰਭਾਵਿਤ ਹੋਵੇਗੀ।
