ਵਾਰਾਣਸੀ : ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Prime Minister Narendra Modi) ਅੱਜ ਵਾਰਾਣਸੀ ਜਾਣਗੇ। ਇੱਥੇ ਪੀਐਮ ਮੋਦੀ ਲਗਾਤਾਰ ਤੀਜੀ ਵਾਰ ਸੰਸਦੀ ਹਲਕੇ ਤੋਂ ਉਮੀਦਵਾਰ ਬਣਨ ਤੋਂ ਬਾਅਦ ਅੱਜ ਸਭ ਤੋਂ ਵੱਡਾ ਰੋਡ ਸ਼ੋਅ ਕਰਨਗੇ। ਪ੍ਰੋਗਰਾਮ ਮੁਤਾਬਕ ਪ੍ਰਧਾਨ ਮੰਤਰੀ ਅੱਜ ਬਾਬਤਪੁਰ ਹਵਾਈ ਅੱਡੇ ‘ਤੇ ਪਹੁੰਚਣਗੇ। ਪ੍ਰਧਾਨ ਮੰਤਰੀ ਦਾ ਸਵਾਗਤ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ (Chief Minister Yogi Adityanath) ਕਰਨਗੇ। ਪੀਐਮ ਮੋਦੀ ਦੇ ਰੋਡ ਸ਼ੋਅ ਮੁਤਾਬਕ ਬਾਬਤਪੁਰ ਤੋਂ ਬੇਰੇਕਾ ਤੱਕ 28 ਕਿਲੋਮੀਟਰ ਲੰਬੇ ਰਸਤੇ ‘ਤੇ ਫੁੱਲਾਂ ਦੀ ਵਰਖਾ ਕੀਤੀ ਜਾਵੇਗੀ।
ਇਸ ਦੌਰਾਨ ਪੀਐਮ ਮੋਦੀ ਲੋਕਾਂ ਨੂੰ ਮਿਲਣਗੇ ਅਤੇ ਉਨ੍ਹਾਂ ਨਾਲ ਗੱਲਬਾਤ ਕਰਨਗੇ।ਜਾਣਕਾਰੀ ਮੁਤਾਬਕ ਅੱਜ ਸ਼ਾਮ 6 ਵਜੇ ਤੋਂ ਬਾਅਦ ਜਦੋਂ ਪੀਐਮ ਮੋਦੀ ਬਾਬਤਪੁਰ ਏਅਰਪੋਰਟ ਤੋਂ ਰਵਾਨਾ ਹੋਣਗੇ ਤਾਂ ਕਈ ਥਾਵਾਂ ‘ਤੇ ਪੀਐਮ ਵੀ ਕਾਰ ਤੋਂ ਉਤਰ ਕੇ ਲੋਕਾਂ ਦਾ ਸਵਾਗਤ ਕਰਨਗੇ। ਇਸ ਦੌਰਾਨ ਉਨ੍ਹਾਂ ‘ਤੇ ਫੁੱਲਾਂ ਦੀ ਵਰਖਾ ਕੀਤੀ ਜਾਵੇਗੀ। ਇਸ ਤੋਂ ਬਾਅਦ ਪੀਐਮ ਵਾਰਾਣਸੀ ਵਿੱਚ ਰਾਤ ਰੁਕਣਗੇ। ਅਗਲੇ ਦਿਨ 10 ਮਾਰਚ ਨੂੰ ਆਜ਼ਮਗੜ੍ਹ ਦੇ ਮੰਡੂਰੀ ਸਮੇਤ 10 ਨਵੇਂ ਹਵਾਈ ਅੱਡਿਆਂ ਦਾ ਉਦਘਾਟਨ ਕੀਤਾ ਜਾਵੇਗਾ।
ਇੱਥੇ ਪੀਐਮ ਮੋਦੀ ਜਨ ਸਭਾ ਨੂੰ ਸੰਬੋਧਨ ਕਰਨਗੇ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ‘ਮਹਾਰਾਜਾ ਸੁਹੇਲਦੇਵ ਮੈਡੀਕਲ ਕਾਲਜ’ ਦਾ ਉਦਘਾਟਨ ਵੀ ਕਰਨਗੇ। ਜਿੱਥੇ ਪੀਐਮ ਦਾ ਇਹ ਸਮਾਗਮ ਸਿਆਸੀ ਏਜੰਡੇ ਨੂੰ ਤਿੱਖਾ ਕਰਨ ਦੀ ਤਿਆਰੀ ਕਰ ਰਿਹਾ ਹੈ, ਉੱਥੇ ਹੀ ਪੀਐਮ ਦੀ ਆਜ਼ਮਗੜ੍ਹ ਰੈਲੀ ਦਾ ਅਸਰ ਆਸ-ਪਾਸ ਦੀਆਂ ਲੋਕ ਸਭਾ ਸੀਟਾਂ ਸਮੇਤ ਪੂਰੇ ਪੂਰਵਾਂਚਲ ਵਿੱਚ ਦੇਖਣ ਨੂੰ ਮਿਲੇਗਾ।
ਪੀਐਮ ਮੋਦੀ ਦਾ ਕੀਤਾ ਜਾਵੇਗਾ ਸ਼ਾਨਦਾਰ ਸਵਾਗਤ
ਕਾਸ਼ੀ ਦੌਰੇ ਦੌਰਾਨ ਪੀਐਮ ਮੋਦੀ ਦਾ ਸ਼ਾਨਦਾਰ ਸਵਾਗਤ ਕੀਤਾ ਜਾਵੇਗਾ। ਪੀਐੱਮ ‘ਤੇ 28 ਕਿਲੋਮੀਟਰ ਲੰਬੇ ਰੂਟ ‘ਤੇ ਫੁੱਲਾਂ ਦੀ ਵਰਖਾ ਹੋਵੇਗੀ। ਉਨ੍ਹਾਂ ਦੇ ਸ਼ਾਨਦਾਰ ਸੁਆਗਤ ਲਈ ਬਾਬਤਪੁਰ ਹਵਾਈ ਅੱਡੇ, ਹਰਹੁਆ ਚੌਕ, ਸ਼ਿਵਪੁਰ ਚੌਕ, ਅਰਦਲੀ ਬਾਜ਼ਾਰ, ਕਚਰੀ ਚੌਕ, ਲਹਿਰਤਾਰਾ ਚੌਕ, ਮੰਡੂਵਾਡੀਹ ਚੌਕ, ਬੀਐਲਡਬਲਿਊ ਗੇਟ ਤੋਂ ਵੱਡੀ ਗਿਣਤੀ ’ਚ ਲੋਕ ਇਕੱਠੇ ਹੋਣਗੇ ਅਤੇ ਪ੍ਰਧਾਨ ਮੰਤਰੀ ਮੋਦੀ ਦਾ ਸਵਾਗਤ ਕਰਨਗੇ। ਇਸ ਦੇ ਨਾਲ ਹੀ ਇਨ੍ਹਾਂ ਸਥਾਨਾਂ ‘ਤੇ ਮੰਤਰ ਉਚਾਰਣ ਲਈ ਬਟੁਕ, ਡਮਰੂ ਦਲ ਅਤੇ ਕਲਾਕਾਰ ਮੌਜੂਦ ਰਹਿਣਗੇ।
