Sports News : ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਕਈ ਸੀਰੀਜ਼ ਚੱਲ ਰਹੀਆਂ ਹਨ। ਇੱਕ ਪਾਸੇ, ਭਾਰਤ ਦੀ ਪੁਰਸ਼ ਟੀਮ ਇੰਗਲੈਂਡ ਖ਼ਿਲਾਫ਼ ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡ ਰਹੀ ਹੈ। ਦੂਜੇ ਪਾਸੇ, ਮਹਿਲਾ ਟੀਮ ਹੁਣ ਇੱਕ ਟੀ-20 ਸੀਰੀਜ਼ ਖੇਡਣ ਜਾ ਰਹੀ ਹੈ।
ਭਾਰਤ ਅਤੇ ਇੰਗਲੈਂਡ ਦੀ ਮਹਿਲਾ ਕ੍ਰਿਕਟ ਟੀਮ ਵਿਚਾਲੇ ਪੰਜ ਮੈਚਾਂ ਦੀ ਟੀ-20 ਸੀਰੀਜ਼ ਕੱਲ੍ਹ, ਸ਼ਨੀਵਾਰ, 28 ਜੂਨ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਇਸ ਸੀਰੀਜ਼ ਦਾ ਪਹਿਲਾ ਮੈਚ 28 ਜੂਨ ਨੂੰ ਨਾਟਿੰਘਮ ਵਿੱਚ ਖੇਡਿਆ ਜਾਵੇਗਾ, ਜੋ ਕਿ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ।
ਇਸ ਟੀ-20 ਲੜੀ ਦਾ ਦੂਜਾ ਮੈਚ 1 ਜੁਲਾਈ ਨੂੰ ਬ੍ਰਿਸਟਲ ਵਿੱਚ ਖੇਡਿਆ ਜਾਵੇਗਾ, ਜੋ ਕਿ ਭਾਰਤੀ ਸਮੇਂ ਅਨੁਸਾਰ ਰਾਤ 11 ਵਜੇ ਸ਼ੁਰੂ ਹੋਵੇਗਾ। ਟੀ-20 ਲੜੀ ਦਾ ਤੀਜਾ ਮੈਚ 4 ਜੁਲਾਈ ਨੂੰ ਲੰਡਨ ਵਿੱਚ ਖੇਡਿਆ ਜਾਵੇਗਾ, ਜੋ ਕਿ ਭਾਰਤੀ ਸਮੇਂ ਅਨੁਸਾਰ ਰਾਤ 11:05 ਵਜੇ ਸ਼ੁਰੂ ਹੋਵੇਗਾ।
ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਇਸ ਲੜੀ ਦਾ ਚੌਥਾ ਮੈਚ 9 ਜੁਲਾਈ ਨੂੰ ਮੈਨਚੈਸਟਰ ਵਿੱਚ ਖੇਡਿਆ ਜਾਵੇਗਾ, ਜੋ ਕਿ ਭਾਰਤੀ ਸਮੇਂ ਅਨੁਸਾਰ ਰਾਤ 11 ਵਜੇ ਖੇਡਿਆ ਜਾਵੇਗਾ। ਇਸ ਸੀਰੀਜ਼ ਦਾ ਆਖਰੀ ਅਤੇ ਪੰਜਵਾਂ ਮੈਚ 12 ਜੁਲਾਈ ਨੂੰ ਬਰਮਿੰਘਮ ਵਿੱਚ ਖੇਡਿਆ ਜਾਵੇਗਾ। ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਰਾਤ 11:05 ਵਜੇ ਸ਼ੁਰੂ ਹੋਵੇਗਾ।
ਭਾਰਤ ਦੀ ਟੀਮ : ਹਰਮਨਪ੍ਰੀਤ ਕੌਰ (ਕਪਤਾਨ), ਸਮ੍ਰਿਤੀ ਮੰਧਾਨਾ (ਉਪ-ਕਪਤਾਨ), ਸ਼ੈਫਾਲੀ ਵਰਮਾ, ਜੇਮਿਮਾ ਰੌਡਰਿਗਜ਼, ਰਿਚਾ ਘੋਸ਼ (ਵਿਕਟਕੀਪਰ), ਯਸਤਿਕਾ ਭਾਟੀਆ (ਵਿਕਟਕੀਪਰ), ਹਰਲੀਨ ਦਿਓਲ, ਦੀਪਤੀ ਸ਼ਰਮਾ, ਸਨੇਹ ਰਾਣਾ, ਸ੍ਰੀ ਚਰਣੀ, ਸ਼ੁਚੀ ਉਪਾਧਿਆਏ, ਅਮਨਜੋਤ ਕੌਰ, ਅਰੁੰਧਤੀ ਰੇੱਡੀ, ਕ੍ਰਾਂਤੀ ਗੌੌੌੌੌੌੌੌੌੌੌੌੌੌੌੌੌੌੌੌੌੌੌੌੌੌਡ, ਸਯਾਲੀ ਸਤਘਰੇ।
ਇੰਗਲੈਂਡ ਦੀ ਟੀਮ : ਨੈਟ ਸਾਇਵਰ-ਬਰੰਟ (ਕਪਤਾਨ), ਐਮ ਅਰਲੋਟ, ਟੈਮੀ ਬਿਊਮੋਂਟ (ਵਿਕਟਕੀਪਰ), ਲੌਰੇਨ ਬੈੱਲ, ਐਲਿਸ ਕੈਪਸੀ, ਚਾਰਲੀ ਡੀਨ, ਸੋਫੀਆ ਡੰਕਲੇ, ਸੋਫੀ ਏਕਲਸਟੋਨ, ਲੌਰੇਨ ਫਿਲਰ, ਐਮੀ ਜੋਨਸ (ਵਿਕਟਕੀਪਰ), ਪੇਜ ਸਕੋਲਫੀਲਡ, ਲਿੰਸੇ ਸਮਿਥ, ਡੈਨੀ ਵਿਆਟ-ਹੌਜ ਅਤੇ ਇਸੀ ਵੋਂਗ।
