ਨਵੀਂ ਦਿੱਲੀ: ਨਾਗਰਿਕ ਹਵਾਬਾਜ਼ੀ ਡਾਇਰੈਕਟੋਰੇਟ ਜਨਰਲ (Directorate General of Civil Aviation) (ਡੀ.ਜੀ.ਸੀ.ਏ.) ਨੇ ਵੀਰਵਾਰ ਯਾਨੀ ਅੱਜ ਏਅਰ ਇੰਡੀਆ (Air India) ਦੇ ਫਲਾਈਟ ਸੇਫਟੀ ਚੀਫ ਨੂੰ ਕੁਝ ਗਲਤੀਆਂ ਕਾਰਨ ਦਿੱਤੀ ਗਈ ਮਨਜ਼ੂਰੀ ਨੂੰ ਇਕ ਮਹੀਨੇ ਲਈ ਰੋਕ ਦਿੱਤਾ। ਡੀਜੀਸੀਏ ਟੀਮ ਨੇ 25 ਅਤੇ 26 ਜੁਲਾਈ ਨੂੰ ਏਅਰ ਇੰਡੀਆ ਦੀ ਅੰਦਰੂਨੀ ਆਡਿਟ, ਦੁਰਘਟਨਾ ਰੋਕਥਾਮ ਦੇ ਕੰਮ ਅਤੇ ਜ਼ਰੂਰੀ ਤਕਨੀਕੀ ਸਟਾਫ ਦੀ ਉਪਲਬਧਤਾ ਦੇ ਸਬੰਧ ਵਿੱਚ ਸਮੀਖਿਆ ਕੀਤੀ ਸੀ।
DGCA ਨੇ ਇੱਕ ਰੀਲੀਜ਼ ਵਿੱਚ ਕਿਹਾ ਕਿ ਸਮੀਖਿਆ ਵਿੱਚ ਏਅਰ ਇੰਡੀਆ ਦੇ ਦੁਰਘਟਨਾ ਰੋਕਥਾਮ ਦੇ ਕੰਮ, ਪ੍ਰਵਾਨਿਤ ਉਡਾਣ ਸੁਰੱਖਿਆ ਨਿਯਮਾਂ ਅਤੇ ਸਬੰਧਤ ਨਾਗਰਿਕ ਹਵਾਬਾਜ਼ੀ ਜ਼ਰੂਰਤਾਂ ਦੇ ਅਨੁਸਾਰ ਤਕਨੀਕੀ ਸਟਾਫ ਦੀ ਉਪਲਬਧਤਾ ਵਿੱਚ ਕਮੀਆਂ ਪਾਈਆਂ ਗਈਆਂ। ਰੀਲੀਜ਼ ਵਿੱਚ ਕਿਹਾ ਗਿਆ ਹੈ, “ਏਅਰ ਇੰਡੀਆ ਦੇ ਫਲਾਈਟ ਸੇਫਟੀ ਚੀਫ ਨੂੰ ਦਿੱਤੀ ਗਈ ਕਲੀਅਰੈਂਸ ਨੂੰ ਗਲਤੀਆਂ ਕਾਰਨ ਇੱਕ ਮਹੀਨੇ ਲਈ ਰੋਕ ਦਿੱਤਾ ਗਿਆ ਹੈ।