Home ਪੰਜਾਬ ਲੁਧਿਆਣਾ ਸ਼ਹਿਰ ’ਚ ਤੇਜ਼ ਰਫ਼ਤਾਰ ਇਨੋਵਾ ਕਾਰ ਦਾ ਕਹਿਰ, 1 ਵਿਅਕਤੀ ਦੀ...

ਲੁਧਿਆਣਾ ਸ਼ਹਿਰ ’ਚ ਤੇਜ਼ ਰਫ਼ਤਾਰ ਇਨੋਵਾ ਕਾਰ ਦਾ ਕਹਿਰ, 1 ਵਿਅਕਤੀ ਦੀ ਹੋਈ ਮੌਤ

0

ਲੁਧਿਆਣਾ : ਸ਼ਹਿਰ ਵਿੱਚ ਤੇਜ਼ ਰਫ਼ਤਾਰ ਅਤੇ ਲਾਪਰਵਾਹੀ ਦਾ ਇੱਕ ਹੋਰ ਕਹਿਰ ਦੇਖਣ ਨੂੰ ਮਿਲਿਆ ਹੈ, ਜਿੱਥੇ ਇੱਕ ਬੇਕਾਬੂ ਇਨੋਵਾ ਕਾਰ ਚਾਲਕ ਨੇ ਮੋਟਰਸਾਈਕਲ ਸਵਾਰ ਪਤੀ-ਪਤਨੀ ਨੂੰ ਟੱਕਰ ਮਾਰ ਦਿੱਤੀ। ਟੱਕਰ ਇੰਨੀ ਭਿਆਨਕ ਸੀ ਕਿ ਔਰਤ ਸੜਕ ‘ਤੇ ਡਿੱਗ ਗਈ, ਜਦੋਂ ਕਿ ਉਸਦਾ ਪਤੀ ਸਿੱਧਾ ਨਹਿਰ ਵਿੱਚ ਡਿੱਗ ਗਿਆ। ਪਾਣੀ ਦੇ ਤੇਜ਼ ਵਹਾਅ ਵਿੱਚ ਡੁੱਬਣ ਨਾਲ ਪਤੀ ਦੀ ਦਰਦਨਾਕ ਮੌਤ ਹੋ ਗਈ।

ਥਾਣਾ ਸਰ੍ਹਾਭਾ ਨਗਰ ਦੀ ਪੁਲਿਸ ਨੇ ਪੀੜਤ ਔਰਤ ਦੇ ਬਿਆਨਾਂ ਅਤੇ ਇਨੋਵਾ ਕਾਰ ਦੇ ਨੰਬਰ (PB-10-KL-7600) ਦੇ ਆਧਾਰ ‘ਤੇ ਮੁਲਜ਼ਮ ਚਾਲਕ ਵਿਰੁੱਧ ਤੇਜ਼ ਰਫ਼ਤਾਰ, ਲਾਪਰਵਾਹੀ ਨਾਲ ਗੱਡੀ ਚਲਾਉਣ ਅਤੇ ਗੈਰ-ਇਰਾਦਤਨ ਕਤਲ/ਹਾਦਸੇ ਵਿੱਚ ਮੌਤ ਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੁਲਿਸ ਕਾਰ ਚਾਲਕ ਦੀ ਭਾਲ ਵਿੱਚ ਜੁਟੀ ਹੈ। ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਕੁਲਵਿੰਦਰ ਕੌਰ ਨੇ ਦੱਸਿਆ ਕਿ ਬੀਤੀ ਕਿ 28 ਜੁਲਾਈ ਨੂੰ, ਉਹ ਅਤੇ ਉਸਦਾ ਪਤੀ ਹਰਵਿੰਦਰ ਸਿੰਘ ਆਪਣੀ ਬਾਈਕ ’ਤੇ ਸਵਾਰ ਹੋ ਕੇ ਕੰਮ ਨਿਪਟਾ ਕੇ ਵਾਪਸ ਘਰ ਆ ਰਹੇ ਸਨ। ਜਦੋਂ ਉਹ ਜਨਪੱਥ ਕਾਲੋਨੀ ਤੋਂ ਬਾਹਰ ਨਿਕਲ ਕੇ ਮੇਨ ਰੋਡ ‘ਤੇ ਨਿਹਰੇ ਨਹਿਰ (ਲੁਧਿਆਣਾ) ਵੱਲ ਜਾ ਰਹੇ ਸਨ, ਫਿਰ ਇਹ ਭਿਆਨਕ ਹਾਦਸਾ ਵਾਪਰਿਆ।

ਪੀੜਤ ਦੇ ਅਨੁਸਾਰ, ਪਿੱਛੇ ਤੋਂ ਆ ਰਹੀ ਇੱਕ ਕਾਲੇ ਰੰਗ ਦੀ ਇਨੋਵਾ ਕਾਰ ਦੇ ਡਰਾਈਵਰ ਨੇ ਆਪਣੀ ਗੱਡੀ ਬਹੁਤ ਤੇਜ਼ ਰਫ਼ਤਾਰ ਅਤੇ ਲਾਪਰਵਾਹੀ ਨਾਲ ਚਲਾਉਂਦੇ ਹੋਏ, ਉਸਦੇ ਮੋਟਰਸਾਈਕਲ ਨੂੰ ਸਿੱਧੀ ਅਤੇ ਜ਼ੋਰਦਾਰ ਟੱਕਰ ਮਾਰ ਦਿੱਤੀ। ਟੱਕਰ ਲੱਗਣ ‘ਤੇ ਦੋਵੇਂ ਬਾਈਕ ਤੋਂ ਡਿੱਗ ਪਏ। ਪੀੜਤਾ ਸੜਕ ਦੇ ਕਿਨਾਰੇ ਡਿੱਗ ਪਈ, ਜਦੋਂ ਕਿ ਉਸਦਾ ਪਤੀ, ਹਰਵਿੰਦਰ ਸਿੰਘ, ਸਿੱਧਾ ਇੱਕ ਡੂੰਘੀ ਨਹਿਰ ਵਿੱਚ ਡਿੱਗ ਪਿਆ। ਹਰਵਿੰਦਰ ਸਿੰਘ ਡੁੱਬ ਗਿਆ ਅਤੇ ਉਸਦੀ ਮੌਤ ਹੋ ਗਈ। ਹਾਲਾਂਕਿ, ਦੋਸ਼ੀ ਡਰਾਈਵਰ ਮਦਦ ਕਰਨ ਦੀ ਬਜਾਏ ਭੱਜ ਗਿਆ।

NO COMMENTS

LEAVE A REPLY

Please enter your comment!
Please enter your name here

Exit mobile version