ਮੁੰਬਈ : ਇਸ ਸਮੇਂ ਦੇਸ਼ ‘ਚ ਹਰ ਪਾਸੇ ਗਣੇਸ਼ ਉਤਸਵ ਦਾ ਜਸ਼ਨ ਦੇਖਣ ਨੂੰ ਮਿਲ ਰਿਹਾ ਹੈ। ਆਮ ਲੋਕਾਂ ਦੇ ਨਾਲ-ਨਾਲ ਬਾਲੀਵੁੱਡ ਦੀਆਂ ਕਈ ਮਸ਼ਹੂਰ ਹਸਤੀਆਂ ਵੀ ਘਰ ‘ਚ ਹੀ ਗਣੇਸ਼ ਉਤਸਵ ਦਾ ਜਸ਼ਨ ਮਨਾਉਂਦੀਆਂ ਹਨ। ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਦੇ ਘਰ ਹਰ ਸਾਲ ਗਣੇਸ਼ ਉਤਸਵ ਬਹੁਤ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਇਸ ਸਾਲ ਵੀ ਗਣਪਤੀ ਬੱਪਾ ਅਦਾਕਾਰਾ ਸ਼ਿਲਪਾ ਦੇ ਘਰ ਪਹੁੰਚੇ ਹਨ। ਅਭਿਨੇਤਰੀ ਨੇ ਬੱਪਾ ਦਾ ਬਹੁਤ ਧੂਮਧਾਮ ਨਾਲ ਸਵਾਗਤ ਕੀਤਾ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਸਾਹਮਣੇ ਆਈ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਸ਼ਿਲਪਾ ਸ਼ੈੱਟੀ ਅਤੇ ਉਨ੍ਹਾਂ ਦੇ ਪਤੀ ਰਾਜ ਕੁੰਦਰਾ ਨੇ ਗਣਪਤੀ ਬੱਪਾ ਦਾ ਘਰ ‘ਚ ਕਾਫੀ ਧੂਮਧਾਮ ਨਾਲ ਸਵਾਗਤ ਕੀਤਾ। ਜਿੱਥੇ ਰਾਜ ਕੁੰਦਰਾ ਨੇ ਆਪਣੇ ਹੱਥਾਂ ਨਾਲ ਬੱਪਾ ਨੂੰ ਚੁੱਕਿਆ, ਉੱਥੇ ਸ਼ਿਲਪਾ ਆਪਣੇ ਹੱਥਾਂ ਨਾਲ ਨਾਰੀਅਲ ਤੋੜ ਕੇ ਪਹੁੰਚੀ।
ਇਸ ਦੌਰਾਨ ਜਿੱਥੇ ਸ਼ਿਲਪਾ ਸ਼ੈੱਟੀ ਰਵਾਇਤੀ ਲੁੱਕ ‘ਚ ਬੇਹੱਦ ਖੂਬਸੂਰਤ ਨਜ਼ਰ ਆ ਰਹੀ ਹੈ, ਉੱਥੇ ਹੀ ਰਾਜ ਹਰ ਵਾਰ ਦੀ ਤਰ੍ਹਾਂ ਮਾਸਕ ਅਤੇ ਕੈਪ ਨਾਲ ਆਪਣਾ ਚਿਹਰਾ ਲੁਕਾਉਂਦੇ ਨਜ਼ਰ ਆ ਰਹੇ ਹਨ ਅਤੇ ਇਸ ਲਈ ਉਨ੍ਹਾਂ ਨੂੰ ਟ੍ਰੋਲ ਵੀ ਕੀਤਾ ਜਾ ਰਿਹਾ ਹੈ। ਕੰਮ ਦੀ ਗੱਲ ਕਰੀਏ ਤਾਂ ਸ਼ਿਲਪਾ ਸ਼ੈੱਟੀ ਜਲਦ ਹੀ ਫਿਲਮ ‘ਸੁੱਖੀ’ ‘ਚ ਨਜ਼ਰ ਆਵੇਗੀ। ਉਨ੍ਹਾਂ ਦੀ ਇਹ ਫਿਲਮ ਜਲਦ ਹੀ 22 ਸਤੰਬਰ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।