ਲਖਨਊ ’ਚ ਅੱਜ ਧੁੰਦ ਕਾਰਨ ਉਡਾਣਾਂ ਤੇ ਰੇਲ ਸੇਵਾਵਾਂ ਹੋਇਆ ਪ੍ਰਭਾਵਿਤ

ਲਖਨਊ  :  ਧੁੰਦ ਕਾਰਨ ਅੱਜ ਰੇਲਗੱਡੀਆਂ ਅਤੇ ਉਡਾਣ ਸੇਵਾਵਾਂ ‘ਤੇ ਵੀ ਪ੍ਰਭਾਵ ਪਿਆ। ਅੱਜ ਕਈ ਉਡਾਣਾਂ ਲਖਨਊ ਦੇਰੀ ਨਾਲ ਪਹੁੰਚੀਆਂ। ਇਸ ਕਾਰਨ ਲਖਨਊ ਤੋਂ ਵੀ ਇਹ ਉਡਾਣਾਂ ਦੇਰੀ ਨਾਲ ਰਵਾਨਾ ਹੋ ਸਕੀਆਂ। ਏਅਰ ਇੰਡੀਆ ਦੀ ਉਡਾਣ ਏ.ਆਈ 2499 ਦਿੱਲੀ ਤੋਂ ਲਖਨਊ ਸਵੇਰੇ ਛੇ ਵਜੇ ਦੀ ਬਜਾਏ ਨੌਂ ਵਜੇ ਉਡਾਣ ਭਰੀ। 6ਈ 2107 ਇੰਡੀਗੋ ਏਅਰਲਾਈਨ ਦੀ ਦਿੱਲੀ ਲਖਨਊ ਉਡਾਣ ਸਵੇਰੇ 8:30  ਦੀ ਜਗ੍ਹਾਂ 11:05 ਵਜੇ ਉਡਾਣ ਭਰੇਗੀ।

ਲਖਨਊ ਤੋਂ ਹੈਦਰਾਬਾਦ ਜਾਣ ਵਾਲੀ ਉਡਾਣ 6E 523 ਜੋ ਸਵੇਰੇ 7:15 ਵਜੇ ਉਡਾਣ ਭਰਦੀ ਹੈ, ਉਹ ਸਵੇਰੇ 9:20 ਵਜੇ ਰਵਾਨਾ ਹੋਈ। ਇਸੇ ਤਰ੍ਹਾਂ, ਦਿੱਲੀ ਲਈ ਏਅਰ ਇੰਡੀਆ ਦੀ ਉਡਾਣ AI 2500 ਵੀ ਸਵੇਰੇ 8 ਵਜੇ ਦੀ ਬਜਾਏ 10:45 ਵਜੇ ਉਡਾਣ ਭਰ ਸਕਦੀ ਹੈ।

ਰਿਆਧ ਜਾਣ ਵਾਲੀ ਫਲਾਈਟ IX 189 ਨੂੰ ਸਵੇਰੇ 9 ਵਜੇ ਦੀ ਬਜਾਏ ਸਵੇਰੇ 11 ਵਜੇ, ਮੁੰਬਈ ਜਾਣ ਵਾਲੀ IX 1027 ਨੂੰ ਸਵੇਰੇ 9:25 ਵਜੇ ਦੀ ਬਜਾਏ ਸਵੇਰੇ 10:25 ਵਜੇ, ਪਟਨਾ ਜਾਣ ਵਾਲੀ 6E 6902 ਨੂੰ ਸਵੇਰੇ 10:30 ਵਜੇ ਦੀ ਬਜਾਏ ਦੁਪਹਿਰ 12:45 ਵਜੇ ਦਾ ਸਮਾਂ ਬਦਲਿਆ ਗਿਆ।

ਇਸੇ ਤਰ੍ਹਾਂ, ਨਵੀਂ ਦਿੱਲੀ ਤੋਂ ਆਉਣ ਵਾਲੀ ਲਖਨਊ ਮੇਲ 30 ਮਿੰਟ, ਬੇਗਮਪੁਰਾ ਐਕਸਪ੍ਰੈਸ ਇੱਕ ਘੰਟਾ, 13238 ਕੋਟਾ ਪਟਨਾ ਐਕਸਪ੍ਰੈਸ 3:30 ਘੰਟੇ, 12430 ਏਸੀ ਐਕਸਪ੍ਰੈਸ 1:45 ਘੰਟੇ, 12232 ਚੰਡੀਗੜ੍ਹ ਸੁਪਰਫਾਸਟ 1:45 ਘੰਟੇ, 13010 ਦੂਨ ਐਕਸਪ੍ਰੈਸ 1:01 ਘੰਟੇ, 15012 ਚੰਡੀਗੜ੍ਹ ਲਖਨਊ ਜੰਕਸ਼ਨ ਐਕਸਪ੍ਰੈਸ 1:45 ਘੰਟੇ, 13308 ਗੰਗਾ ਸਤਲੁਜ ਐਕਸਪ੍ਰੈਸ 1:45 ਘੰਟੇ ਦੀ ਦੇਰੀ ਦੇ ਨਾਲ ਆਈ।