Life-Style : ਮੀਂਹ ਦੇ ਮੌਸਮ ਵਿੱਚ ਜੇਕਰ ਛੋਟੀਆਂ-ਛੋਟੀਆਂ ਗੱਲਾਂ ’ਤੇ ਧਿਆਨ ਨਾ ਦਿੱਤਾ ਜਾਵੇ, ਤਾਂ ਇਸ ਨਾਲ ਵੱਡੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸਾਡੀਆਂ ਕੁਝ ਆਦਤਾਂ ਜਾਂ ਲਾਪਰਵਾਹੀ ਬਾਅਦ ਵਿੱਚ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਗਿੱਲੇ ਕੱਪੜੇ ਕਮਰੇ ਵਿੱਚ ਸੁਕਾਉਣ ਜਾਂ ਹਲਕੇ ਗੀਤੇ ਜੁੱਤੇ-ਚੱਪਲ ਪਾ ਲੈਣਾ ਵਰਗੀਆਂ ਬਹੁਤ ਆਮ ਜਿਹੀਆਂ ਲੱਗਣ ਵਾਲੀਆਂ ਚੀਜਾਂ ਵੀ ਇਨਫੈਕਸ਼ਨ ਦਾ ਕਾਰਨ ਬਣ ਸਕਦੀਆਂ ਹਨ। ਆਓ ਜਾਣਦੇ ਹਾਂ ਕੁਝ ਅਜਿਹੀਆਂ 5 ਗਲਤੀਆਂ ਦੇ ਬਾਰੇ ਵਿੱਚ ਜੋ ਬਾਅਦ ਵਿੱਚ ਪਰੇਸ਼ਾਨੀ ਦਾ ਕਾਰਨ ਬਣ ਸਕਦੀ ਹੈ।
ਗਿੱਲੇ ਜੁੱਤੇ ਜਾਂ ਚੱਪਲਾਂ ਨੂੰ ਬਿਨਾਂ ਸੁਕਾਏ ਜਾਂ ਰੈਕ ਵਿੱਚ ਰੱਖ ਦੇਣਾ
ਜੇਕਰ ਤੁਸੀਂ ਵੀ ਗਿੱਲੇ ਜੁੱਤੇ ਜਾਂ ਚੱਪਲਾਂ ਨੂੰ ਪੂਰੀ ਤਰ੍ਹਾਂ ਸੁਕਾਏ ਬਿਨਾਂ ਪਹਿਨਦੇ ਹੋ, ਜਾਂ ਫਿਰ ਰੈਕ ਵਿੱਚ ਛੱਡ ਦਿੰਦੇ ਹੋ, ਤਾਂ ਅਜਿਹਾ ਕਰਨ ਨਾਲ ਅੰਦਰ ਨਮੀ ਬਣੀ ਰਹੇਗੀ। ਇਸ ਨਾਲ ਬੈਕਟੀਰੀਆ ਅਤੇ ਉੱਲੀ ਦਾ ਵਾਧਾ ਹੋ ਸਕਦਾ ਹੈ, ਅਤੇ ਇਹ ਇੱਕ ਬਦਬੂ ਵੀ ਪੈਦਾ ਕਰ ਸਕਦਾ ਹੈ। ਲਗਾਤਾਰ ਗਿੱਲੇ ਜੁੱਤੇ ਪਹਿਨਣ ਨਾਲ ਕੁਝ ਲੋਕਾਂ ਵਿੱਚ ਫੰਗਲ ਇਨਫੈਕਸ਼ਨ ਦਾ ਖ਼ਤਰਾ ਵਧ ਸਕਦਾ ਹੈ। ਇਸ ਲਈ, ਤੁਹਾਨੂੰ ਆਪਣੇ ਜੁੱਤੇ ਨੂੰ ਅਖਬਾਰ ਨਾਲ ਭਰ ਕੇ ਜਾਂ ਚੰਗੀ ਤਰ੍ਹਾਂ ਹਵਾਦਾਰ ਜਗ੍ਹਾ ‘ਤੇ ਰੱਖ ਕੇ ਚੰਗੀ ਤਰ੍ਹਾਂ ਸੁਕਾਉਣਾ ਚਾਹੀਦਾ ਹੈ। ਨਾਲ ਹੀ, ਧਿਆਨ ਰੱਖੋ ਕਿ ਇੱਕੋ ਜੋੜੇ ਦੇ ਜੁੱਤੇ ਨੂੰ ਵਾਰ-ਵਾਰ ਨਾ ਪਹਿਨੋ ਜਦੋਂ ਤੱਕ ਉਹ ਪੂਰੀ ਤਰ੍ਹਾਂ ਸੁੱਕ ਨਾ ਜਾਣ।
ਗਿੱਲੇ ਤੌਲੀਏ ਅਤੇ ਕੱਪੜੇ ਕਮਰੇ ਵਿੱਚ ਲੰਬੇ ਸਮੇਂ ਲਈ ਛੱਡ ਦੇਣਾ
ਜਲਦੀ ਵਿੱਚ, ਲੋਕ ਅਕਸਰ ਗਿੱਲੇ ਤੌਲੀਏ ਅਤੇ ਕੱਪੜੇ ਲੰਬੇ ਸਮੇਂ ਲਈ ਕਮਰੇ ਵਿੱਚ ਛੱਡ ਦਿੰਦੇ ਹਨ। ਨਮੀ ਬਣੇ ਰਹਿਣ ਨਾਲ ਫੰਗਸ ਅਤੇ ਬਦਬੂ ਆਉਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਅਜਿਹੀ ਸਥਿਤੀ ਵਿੱਚ, ਤੌਲੀਆਂ ਵਿੱਚ ਬੈਕਟੀਰੀਆ ਤੇਜ਼ੀ ਨਾਲ ਵੱਧ ਸਕਦੇ ਹਨ ਜੇਕਰ ਉਹ ਲੰਬੇ ਸਮੇਂ ਤੱਕ ਗਿੱਲੇ ਰਹਿਣ। ਇਸ ਲਈ, ਇਸ ਮੌਸਮ ਵਿੱਚ ਤੌਲੀਏ ਨੂੰ ਫੈਲਾ ਕੇ ਸੁਕਾਓ। ਕਮਰੇ ਵਿੱਚ ਹਵਾਦਾਰੀ ਰੱਖੋ ਜਾਂ ਐਗਜ਼ੌਸਟ/ਪੱਖੇ ਦੀ ਵਰਤੋਂ ਕਰੋ।
ਘਰ ਦੇ ਆਲੇ-ਦੁਆਲੇ ਜਾਂ ਗਮਲਿਆਂ ਦੀਆਂ ਟ੍ਰੇਆਂ ਵਿੱਚ ਪਾਣੀ ਰਹਿਣ ਦੇਣਾ
ਮੀਂਹ ਦੇ ਮੌਸਮ ਦੌਰਾਨ, ਘਰ ਦੇ ਆਲੇ-ਦੁਆਲੇ ਗਮਲਿਆਂ ਜਾਂ ਇਸ ਤਰ੍ਹਾਂ ਦੀਆਂ ਖੁੱਲ੍ਹੀਆਂ ਚੀਜ਼ਾਂ ਵਿੱਚ ਪਾਣੀ ਜਮ੍ਹਾਂ ਹੋ ਜਾਂਦਾ ਹੈ। ਇਸ ਨਾਲ ਹੌਲੀ-ਹੌਲੀ ਇਕੱਠੇ ਹੋਏ ਪਾਣੀ ਵਿੱਚ ਮੱਛਰਾਂ ਦੇ ਪ੍ਰਜਨਨ ਦੀ ਗਿਣਤੀ ਵਧ ਜਾਂਦੀ ਹੈ। ਖਾਸ ਕਰਕੇ ਏਡੀਜ਼ ਮੱਛਰ ਸਾਫ਼ ਪਾਣੀ ਵਿੱਚ ਵੀ ਅੰਡੇ ਦੇ ਸਕਦੇ ਹਨ। ਇਸ ਲਈ, ਹਫ਼ਤੇ ਵਿੱਚ ਘੱਟੋ-ਘੱਟ ਇੱਕ ਵਾਰ ਖਾਲੀ ਕੰਟੇਨਰ, ਕੂਲਰ ਅਤੇ ਗਮਲਿਆ ਦੀਆਂ ਟਰੇਆਂ ਜ਼ਰੂਰ ਖਾਲੀ ਰੱਖੋ।
ਨਮੀ ਅਤੇ ਛੋਟੇ-ਛੋਟੇ ਉੱਲੀ ਦੇ ਧੱਬਿਆਂ ਨੂੰ ਨਜ਼ਰਅੰਦਾਜ਼ ਕਰਨਾ
ਜੇਕਰ ਤੁਸੀਂ ਵੀ ਨਮੀ ਅਤੇ ਛੋਟੇ-ਛੋਟੇ ਉੱਲੀ ਦੇ ਧੱਬਿਆਂ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹੋ ਤਾਂ ਇਸ ਗੱਲ ਦਾ ਧਿਆਨ ਰੱਖੋ। ਲਗਾਤਾਰ ਨਮੀ ਕਾਰਨ ਕੰਧਾਂ, ਲੱਕੜ ਅਤੇ ਕੱਪੜਿਆਂ ‘ਤੇ ਉੱਲੀ ਵਧ ਸਕਦੀ ਹੈ। ਕੁਝ ਲੋਕਾਂ, ਖਾਸ ਕਰਕੇ ਐਲਰਜੀ ਜਾਂ ਦਮੇ ਵਾਲੇ ਲੋਕਾਂ ਵਿੱਚ, ਇਸ ਕਾਰਨ ਪਰੇਸ਼ਾਨੀ ਵਧ ਸਕਦੀ ਹੈ। ਇਸ ਲਈ ਨਮੀ ਦਿਖਦੇ ਹੀ ਸਫ਼ਾਈ ਕਰੋ। ਨਾਲ ਹੀ ਕਮਰੇ ਵਿੱਚ ਹਵਾ ਦਾ ਸੰਚਾਰ ਵੀ ਬਣਾਈ ਰੱਖੋ।
ਰੇਨਕੋਟ ਜਾਂ ਛੱਤਰੀ ਗਿੱਲੀ ਵੀ ਰੱਖਣੀ ਕਰੋਂ ਬੰਦ
ਮੀਂਹ ਵਿੱਚ ਛਤਰੀਆਂ ਅਤੇ ਰੇਨਕੋਟ ਦਾ ਇਸਤੇਮਾਲ ਕੀਤਾ ਜਾਦਾ ਹੈ। ਜੇਕਰ ਉਹ ਥੋੜ੍ਹੇ ਜਿਹੇ ਵੀ ਗਿੱਲੇ ਹੋਣ ਅਤੇ ਤੁਸੀਂ ਉਨ੍ਹਾਂ ਨੂੰ ਬੰਦ ਛੱਡ ਦਿੰਦੇ ਹੋ, ਤਾਂ ਨਮੀ ਅੰਦਰ ਫਸ ਜਾਂਦੀ ਹੈ, ਜਿਸ ਨਾਲ ਬਦਬੂ ਅਤੇ ਉੱਲੀ ਲੱਗ ਜਾਂਦੀ ਹੈ।
