Life-Style : ਤੁਸੀਂ ਹਰ ਰੋਜ਼ ਸਵੇਰੇ ਉੱਠ ਕੇ ਲੇਮਨ ਵਾਟਰ ਦਾ ਸਵਾਦ ਅਤੇ ਸਿਹਤ ਲਾਭ ਤਾਂ ਲੈ ਰਹੇ ਹੋ, ਪਰ ਕੀ ਤੁਹਾਨੂੰ ਪਤਾ ਹੈ ਇਹ ਨੀਬੂ ਤੁਹਾਡੇ ਘਰ ਦੇ ਹਰ ਹਿੱਸੇ ਦੀ ਸਫਾਈ ਲਈ ਬਿਹਤਰ ਨੈਚਰਲ ਕਲੀਨਰ ਸਾਬਤ ਹੋ ਸਕਦਾ ਹੈ।
ਨੀਂਬੂ ਦੀ ਹਲਕੀ ਮਹਿਕ ਅਤੇ ਤਾਜ਼ਗੀ ਭਰੇ ਸੁਆਦ ਤੋਂ ਇਲਾਵਾ ਵੀ, ਇਸਦਾ ਤਾਜ਼ਾ ਰਸ ਤੁਹਾਡੇ ਘਰ ਦੇ ਕੋਨੇ-ਕੋਨੇ ਦੀ ਸਫ਼ਾਈ ਦਾ ਇੱਕ ਵਧੀਆ ਟੂਲ ਸਾਬਤ ਹੋ ਸਕਦਾ ਹੈ। ਇਸ ਵਿੱਚ ਕੁਦਰਤੀ ਤੌਰ ‘ਤੇ ਸਿਟਰਿਕ ਐਸਿਡ ਪਾਇਆ ਜਾਂਦਾ ਹੈ, ਇਸ ਲਈ ਨਿੰਬੂ ਨਾਲ ਸਫਾਈ ਕਰਦੇ ਹੋਏ ਬਦਬੂ ਵੀ ਚਲੀ ਜਾਂਦੀ ਹੈ ਅਤੇ ਘਰ ਦੇ ਵੱਖ-ਵੱਖ ਸਰਫੇਸ ਦੀ ਚਮਕਦਾਰ ਸਫਾਈ ਵੀ ਹੋ ਜਾਂਦੀ ਹੈ। ਆਓ ਜਾਣੀਏ ਇਸ ਨਾਲ ਸਫਾਈ ਕਰਨ ਦੇ ਵੱਖ-ਵੱਖ ਤਰੀਕੇ।
ਕਟਿੰਗ ਬੋਰਡ ਨੂੰ ਕਰੋ ਸਾਫ਼
ਆਪਣੇ ਕਟਿੰਗ ਬੋਰਡ ‘ਤੇ ਥੋੜ੍ਹਾ ਨਮਕ ਪਾਓ ਅਤੇ ਇੱਕ ਨਿੰਬੂ ਦੇ ਦੋ ਟੁਕੜੇ ਕਰਕੇ ਉਸ ਨਾਲ ਰਗੜੋ। ਹੁਣ ਕਟਿੰਗ ਬੋਰਡ ਨੂੰ ਸਿੰਕ ਵਿੱਚ ਸਾਫ਼ ਪਾਣੀ ਨਾਲ ਧੋ ਲਓ, ਇਸ ਨਾਲ ਉਸ ‘ਤੇ ਸਬਜ਼ੀ ਜਾਂ ਫਲ ਦਾ ਕੋਈ ਵੀ ਅੰਸ਼ ਨਹੀਂ ਰਹੇਗਾ।
ਇਸ ਤਰ੍ਹਾਂ ਚਮਕਾਓ ਓਵਨ ਦਾ ਡੋਰ
ਇੱਕ ਸਪਰੇਅ ਬੋਤਲ ਵਿੱਚ ਪਾਣੀ ਅਤੇ ਇੱਕ ਨਿੰਬੂ ਦਾ ਰਸ ਪਾ ਕੇ ਓਵਨ ਦੇ ਦਰਵਾਜ਼ੇ ‘ਤੇ ਛਿੜਕੋ ਅਤੇ ਇਸਨੂੰ ਸਕ੍ਰੱਬ ਕਰਨ ਤੋਂ ਪਹਿਲਾਂ ਥੋੜ੍ਹੀ ਦੇਰ ਲਈ ਛੱਡ ਦਿਓ। ਹੁਣ ਇਸਨੂੰ ਸਾਫ਼ ਕੱਪੜੇ ਨਾਲ ਚੰਗੀ ਤਰ੍ਹਾਂ ਪੂੰਝ ਲਓ, ਇਸ ਨਾਲ ਓਵਨ ਦਾ ਦਰਵਾਜ਼ਾ ਚਮਕ ਜਾਵੇਗਾ।
ਇਸ ਤਰ੍ਹਾਂ ਹਟ ਜਾਵੇਗਾ ਕੱਚ ਦੇ ਗਲਾਸ ਤੋਂ ਧੁੰਦਲਾਪਣ
ਤੁਸੀਂ ਦੇਖਿਆ ਹੋਵੇਗਾ ਕਿ ਗਲਾਸ ਧੋਣ ਤੋਂ ਬਾਅਦ ਵੀ ਉਸ ‘ਤੇ ਧੁੰਦਲਾਪਣ ਨਜ਼ਰ ਆਉਂਦਾ ਹੈ। ਇਸ ਨੂੰ ਦੂਰ ਕਰਨ ਲਈ ਗਲਾਸ ਨੂੰ ਨਿੰਬੂ ਦੇ ਰਸ ਵਿੱਚ ਡੁਬੋਓ, ਇਸ ਨਾਲ ਉਸ ਵਿੱਚ ਮੌਜੂਦ ਕੁਦਰਤੀ ਐਸਿਡ ਪਾਣੀ ਦੇ ਦਾਗ਼ ਨੂੰ ਸਾਫ਼ ਕਰ ਦੇਵੇਗਾ। ਨਿੰਬੂ ਦੇ ਰਸ ਦੇ ਨਾਲ ਤੁਸੀਂ ਥੋੜ੍ਹਾ ਬੇਕਿੰਗ ਸੋਡਾ ਵੀ ਰਗੜ ਸਕਦੇ ਹੋ।
ਕੁਦਰਤੀ ਏਅਰ ਫ੍ਰੈਸਨਰ
ਜੇਕਰ ਤੁਹਾਡੇ ਘਰ ਦੇ ਅੰਦਰ ਕੁਝ ਅਜੀਬ ਜਿਹੀ ਬਦਬੂ ਆ ਰਹੀ ਹੈ ਜਾਂ ਫਿਰ ਤੁਹਾਨੂੰ ਸਿਟਰਸ ਦੀ ਖੁਸ਼ਬੂ ਪਸੰਦ ਹੈ, ਤਾਂ ਤੁਸੀਂ ਘਰ ‘ਤੇ ਕੁਦਰਤੀ ਫਰੈਸ਼ਨਰ ਤਿਆਰ ਕਰ ਸਕਦੇ ਹੋ। ਇੱਕ ਪੈਨ ਵਿੱਚ ਪਾਣੀ ਲੈ ਕੇ ਉਸ ਵਿੱਚ ਦੋ ਨਿੰਬੂ ਦੇ ਸਲਾਈਸ ਅਤੇ ਮੁੱਠੀ ਭਰ ਲੌਂਗ ਪਾ ਕੇ 30 ਮਿੰਟ ਤੱਕ ਹੌਲੀ ਅੱਗ ‘ਤੇ ਪਕਾਓ। ਤਿਆਰ ਮਿਸ਼ਰਣ ਨੂੰ ਠੰਡਾ ਕਰਕੇ ਸਪ੍ਰੇ ਬੋਤਲ ਵਿੱਚ ਭਰੋ ਅਤੇ ਘਰ ਦੇ ਕੋਨੇ-ਕੋਨੇ ਵਿੱਚ ਛਿੜਕੋ।
ਮੈਟਲ ਨੂੰ ਚਮਕਾਓ
ਨਮਕ ਅਤੇ ਨੀਂਬੂ ਦੇ ਰਸ ਨਾਲ ਤੁਸੀਂ ਬਾਥਰੂਮ ਜਾਂ ਰਸੋਈ ਘਰ ਦੇ ਨਲਾਂ ‘ਤੇ ਰਗੜੋ। ਇਸ ਨਾਲ ਉਨ੍ਹਾਂ ਨਲਾਂ ‘ਤੇ ਲੱਗੇ ਪਾਣੀ ਦੇ ਦਾਗ਼ ਹਟ ਜਾਣਗੇ ਅਤੇ ਉਹ ਨਵੇਂ ਵਾਂਗ ਚਮਕ ਉਠਣਗੇ।
ਓਵਨ ਵਿੱਚ ਲਿਆਓ ਤਾਜ਼ਗੀ
ਇੱਕ ਨਿੰਬੂ ਦੇ ਟੁਕੜੇ ਕੱਟ ਲਓ ਅਤੇ ਇੱਕ ਬਾਉਲ ਵਿੱਚ ਇੱਕ ਕੱਪ ਪਾਣੀ ਵਿੱਚ ਪਾ ਕੇ ਦੋ ਤੋਂ ਤਿੰਨ ਮਿੰਟ ਲਈ ਮਾਈਕ੍ਰੋਵੇਵ ਵਿੱਚ ਗਰਮ ਕਰੋ ਜਾਂ ਜਦੋਂ ਤੱਕ ਉਸ ਵਿੱਚੋਂ ਧੂੰਆਂ ਨਾ ਨਿਕਲਣ ਲੱਗੇ। ਹੁਣ ਬਾਉਲ ਨੂੰ ਠੰਡਾ ਹੋਣ ਦਿਓ ਅਤੇ ਫਿਰ ਇੱਕ ਸਪੌਂਜ ਦੀ ਮਦਦ ਨਾਲ ਓਵਨ ਦੇ ਅੰਦਰ ਦੀ ਸਫਾਈ ਕਰ ਲਓ।
ਗੈਸ ਚੁੱਲ੍ਹੇ ਦੀ ਵੀ ਵਧਾਓ ਚਮਕ
ਜੇਕਰ ਤੁਹਾਡੇ ਗੈਸ ਚੁੱਲ੍ਹੇ ‘ਤੇ ਤੇਲ ਜਾਂ ਮਸਾਲਿਆਂ ਦੇ ਜਿੱਦੀ ਦਾਗ ਲੱਗ ਗਏ ਹਨ, ਤਾਂ ਨਿੰਬੂ ਅਤੇ ਬੇਕਿੰਗ ਸੋਡਾ ਦਾ ਪੇਸਟ ਬਣਾ ਲਓ। ਗੈਸ ਦੇ ਚੁੱਲ੍ਹੇ ਦੇ ਉੱਪਰ ਬੇਕਿੰਗ ਸੋਡਾ ਛਿੜਕੋ ਅਤੇ ਇੱਕ ਨਿੰਬੂ ਨੂੰ ਕੱਟ ਕੇ ਉਸ ਦੇ ਹੇਠਲੇ ਹਿੱਸੇ ਨਾਲ ਗੈਸ ਦੇ ਸਤ੍ਹਾ ‘ਤੇ ਰਗੜੋ। ਇਸ ਪੇਸਟ ਨੂੰ ਚੁੱਲ੍ਹੇ ਤੋਂ ਸਾਫ਼ ਕਰਨ ਤੋਂ ਪਹਿਲਾਂ ਕੁਝ ਮਿੰਟਾਂ ਲਈ ਛੱਡ ਦਿਓ।
