Home ਟੈਕਨੋਲੌਜੀ Meta ‘ਚ ਵੱਡੀ ਛਾਂਟੀ: ਪਹਿਲਾਂ ਵਰਕ ਫਰਾਮ ਹੋਮ ਦਾ ਹੁਕਮ, ਫਿਰ ਸਵੇਰੇ...

Meta ‘ਚ ਵੱਡੀ ਛਾਂਟੀ: ਪਹਿਲਾਂ ਵਰਕ ਫਰਾਮ ਹੋਮ ਦਾ ਹੁਕਮ, ਫਿਰ ਸਵੇਰੇ 4 ਵਜੇ 8,000 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢਿਆ

0

ਸਿੰਗਾਪੁਰ: ਟੈਕਨੋਲੋਜੀ ਦੀ ਦੁਨੀਆ ਦੀ ਮਸ਼ਹੂਰ ਕੰਪਨੀ ਮੈਟਾ ਪਲੇਟਫਾਰਮ ਨੇ ਇਕ ਵਾਰ ਫਿਰ ਵੱਡੀ ਛਾਂਟੀ ਕਰਦਿਆਂ ਲਗਭਗ 8,000 ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਬਾਹਰ ਕਰ ਦਿੱਤਾ ਹੈ। ਜਾਣਕਾਰੀ ਮੁਤਾਬਕ ਇਹ ਪ੍ਰਕਿਰਿਆ ਕੰਪਨੀ ਦੇ ਸਿੰਗਾਪੁਰ ਹੱਬ ਤੋਂ ਸ਼ੁਰੂ ਹੋਈ ਅਤੇ ਬਾਅਦ ਵਿੱਚ ਹੋਰ ਦਫ਼ਤਰਾਂ ਤੱਕ ਵੀ ਫੈਲ ਗਈ। ਇਸ ਘਟਨਾ ਨੇ ਟੈਕ ਉਦਯੋਗ ਵਿੱਚ ਚਰਚਾ ਛੇੜ ਦਿੱਤੀ ਹੈ ਅਤੇ ਕਰਮਚਾਰੀਆਂ ਵਿੱਚ ਚਿੰਤਾ ਦਾ ਮਾਹੌਲ ਬਣ ਗਿਆ ਹੈ।

ਰਿਪੋਰਟਾਂ ਅਨੁਸਾਰ ਕੰਪਨੀ ਨੇ ਕਰਮਚਾਰੀਆਂ ਨੂੰ ਪਹਿਲਾਂ ਘਰੋਂ ਕੰਮ ਕਰਨ ਲਈ ਕਿਹਾ ਸੀ। ਬਹੁਤ ਸਾਰੇ ਕਰਮਚਾਰੀਆਂ ਨੂੰ ਇਹ ਲੱਗਿਆ ਕਿ ਇਹ ਆਮ ਪ੍ਰਸ਼ਾਸਨਿਕ ਫੈਸਲਾ ਹੈ, ਪਰ ਕੁਝ ਘੰਟਿਆਂ ਬਾਅਦ ਸਵੇਰੇ ਕਰੀਬ 4 ਵਜੇ ਉਨ੍ਹਾਂ ਨੂੰ ਈਮੇਲ ਭੇਜ ਕੇ ਨੌਕਰੀ ਖ਼ਤਮ ਕਰਨ ਦੀ ਸੂਚਨਾ ਦਿੱਤੀ ਗਈ। ਅਚਾਨਕ ਆਏ ਇਸ ਫੈਸਲੇ ਨਾਲ ਹਜ਼ਾਰਾਂ ਕਰਮਚਾਰੀ ਹੈਰਾਨ ਰਹਿ ਗਏ।

ਕੰਪਨੀ ਵੱਲੋਂ ਭੇਜੀ ਗਈ ਈਮੇਲ ਵਿੱਚ ਕਿਹਾ ਗਿਆ ਕਿ ਕਾਰੋਬਾਰ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਅਤੇ ਖਰਚੇ ਘਟਾਉਣ ਲਈ ਇਹ ਕਦਮ ਚੁੱਕਿਆ ਗਿਆ ਹੈ। ਮੈਟਾ ਨੇ ਪਿਛਲੇ ਕੁਝ ਸਾਲਾਂ ਦੌਰਾਨ ਵੱਡੇ ਪੱਧਰ ‘ਤੇ ਨਿਵੇਸ਼ ਕੀਤਾ ਸੀ, ਖ਼ਾਸ ਕਰਕੇ ਆਰਟੀਫ਼ੀਸ਼ਲ ਇੰਟੈਲੀਜੈਂਸ ਅਤੇ ਮੈਟਾਵਰਸ ਪ੍ਰੋਜੈਕਟਾਂ ਵਿੱਚ। ਹਾਲਾਂਕਿ ਆਰਥਿਕ ਦਬਾਅ ਅਤੇ ਮੁਨਾਫ਼ੇ ਵਿੱਚ ਉਤਾਰ-ਚੜ੍ਹਾਅ ਕਾਰਨ ਕੰਪਨੀ ਹੁਣ ਖਰਚੇ ਘਟਾਉਣ ਦੀ ਰਣਨੀਤੀ ‘ਤੇ ਕੰਮ ਕਰ ਰਹੀ ਹੈ।

ਛਾਂਟੀ ਦਾ ਸਭ ਤੋਂ ਵੱਡਾ ਅਸਰ ਟੈਕਨਿਕਲ ਅਤੇ ਸਪੋਰਟ ਟੀਮਾਂ ‘ਤੇ ਪਿਆ ਹੈ। ਕਈ ਕਰਮਚਾਰੀਆਂ ਨੇ ਸੋਸ਼ਲ ਮੀਡੀਆ ‘ਤੇ ਆਪਣਾ ਦੁੱਖ ਜਾਹਿਰ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਬਿਨਾਂ ਕਿਸੇ ਪਹਿਲਾਂ ਚੇਤਾਵਨੀ ਦੇ ਨੌਕਰੀ ਤੋਂ ਕੱਢ ਦਿੱਤਾ ਗਿਆ। ਕੁਝ ਕਰਮਚਾਰੀਆਂ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੇ ਦਫ਼ਤਰੀ ਐਕਾਊਂਟ ਅਤੇ ਸਿਸਟਮ ਐਕਸੈੱਸ ਤੁਰੰਤ ਬੰਦ ਕਰ ਦਿੱਤੇ ਗਏ ਸਨ।

ਟੈਕ ਉਦਯੋਗ ਵਿੱਚ ਪਿਛਲੇ ਕੁਝ ਸਮੇਂ ਤੋਂ ਵੱਡੀਆਂ ਕੰਪਨੀਆਂ ਵੱਲੋਂ ਛਾਂਟੀ ਦਾ ਰੁਝਾਨ ਜਾਰੀ ਹੈ। ਗੂਗਲ, ​​ਐਮਾਜ਼ਾਨ ਅਤੇ ਮਾਈਕਰੋਸਾਫਟ ਵਰਗੀਆਂ ਕੰਪਨੀਆਂ ਵੀ ਹਜ਼ਾਰਾਂ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਚੁੱਕੀਆਂ ਹਨ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਗਲੋਬਲ ਆਰਥਿਕ ਮੰਦਗੀ ਅਤੇ ਆਟੋਮੇਸ਼ਨ ਕਾਰਨ ਟੈਕ ਸੈਕਟਰ ਵਿੱਚ ਨੌਕਰੀਆਂ ‘ਤੇ ਦਬਾਅ ਵਧ ਰਿਹਾ ਹੈ।

NO COMMENTS

LEAVE A REPLY

Please enter your comment!
Please enter your name here

Exit mobile version