ਰੋਹਤਕ ਜ਼ਿਲ੍ਹੇ ਤੋਂ ਅੰਮ੍ਰਿਤ ਭਾਰਤ ਸਪੈਸ਼ਲ ਟ੍ਰੇਨ ਕਾਮਾਖਿਆ (ਅਸਾਮ) ਲਈ ਹੋਈ ਰਵਾਨਾ

ਰੋਹਤਕ: ਰੇਲਵੇ ਨੇ ਬੀਤੇ ਦਿਨ ਹਰਿਆਣਾ ਦੇ ਰੋਹਤਕ ਜ਼ਿਲ੍ਹੇ ਤੋਂ ਅੰਮ੍ਰਿਤ ਭਾਰਤ ਸਪੈਸ਼ਲ ਟ੍ਰੇਨ ਨੂੰ ਹਰੀ ਝੰਡੀ ਦੇ ਕੇ ਕਾਮਾਖਿਆ (ਅਸਾਮ) ਲਈ ਰਵਾਨਾ ਕੀਤਾ। ਪਹਿਲੇ ਦਿਨ, ਰੋਹਤਕ ਰੇਲਵੇ ਸਟੇਸ਼ਨ ਤੋਂ ਸਲੀਪਰ ਕੋਚਾਂ ਵਿੱਚ 28 ਯਾਤਰੀ ਅਤੇ ਜਨਰਲ ਕੋਚਾਂ ਵਿੱਚ ਲਗਭਗ 100 ਯਾਤਰੀ ਸਵਾਰ ਹੋਏ। ਟ੍ਰੇਨ ਭਲਕਲੇ , 22 ਜਨਵਰੀ ਨੂੰ ਸਵੇਰੇ 5 ਵਜੇ ਕਾਮਾਖਿਆ ਪਹੁੰਚੇਗੀ। ਟ੍ਰੇਨ ਹਰ ਐਤਵਾਰ ਨੂੰ ਰਾਤ 10:10 ਵਜੇ ਰੋਹਤਕ ਤੋਂ ਰਵਾਨਾ ਹੋਵੇਗੀ।

ਪਲੇਟਫਾਰਮ ਨੰਬਰ ਦੋ ਤੋਂ ਬੀਤੇ ਦਿਨ ਇਹ ਵਿਸ਼ੇਸ਼ ਟ੍ਰੇਨ ਨਿਰਧਾਰਿਤ ਸਮੇਂ ਤੋਂ 15 ਮਿੰਟ ਦੀ ਦੇਰੀ ਨਾਲ ਦੁਪਹਿਰ 12:15 ਵਜੇ ਰਵਾਨਾ ਹੋਈ । ਦਿੱਲੀ ਹੈੱਡਕੁਆਰਟਰ ‘ਤੇ ਸਥਿਤ ਲੋਕੋ ਪਾਇਲਟ ਕੈਲਾਸ਼ ਚੰਦ ਨੇ ਟ੍ਰੇਨ ਨੂੰ ਚਲਾਇਆ। ਰੋਹਤਕ ਰੇਲਵੇ ਸਟੇਸ਼ਨ ਤੋਂ ਅਸਮ ਦੇ ਲਈ ਸਿਰਫ ਅਵਧ-ਅਸਾਮ ਐਕਸਪ੍ਰੈਸ ਟ੍ਰੇਨ ਚੱਲਦੀ ਹੈ, ਜੋ ਅਕਸਰ ਭੀੜ-ਭੜੱਕੇ ਵਾਲੀ ਹੁੰਦੀ ਹੈ। ਤਿਉਹਾਰਾਂ ਦੌਰਾਨ ਸੀਟਾਂ ਵੀ ਘੱਟ ਹੁੰਦੀਆਂ ਹਨ। ਕਾਮਾਖਿਆ ਅਸਾਮ ਦੀ ਰਾਜਧਾਨੀ ਗੁਹਾਟੀ ਵਿੱਚ ਨੀਲਾਚਲ ਪਹਾੜੀ ‘ਤੇ ਸਥਿਤ ਇੱਕ ਮਸ਼ਹੂਰ ਸ਼ਕਤੀਪੀਠ ਹੈ।

ਕੁੱਲ 24 ਕੋਚ ਹਨ, ਜਿਸ ਵਿੱਚ ਦੋਵੇਂ ਪਾਸੇ ਇੰਜਣ ਸ਼ਾਮਲ ਹਨ। ਦੋਵੇਂ ਪਾਸੇ ਇੰਜਣ ਹੋਣ ਨਾਲ ਸਮਾਂ ਬਚੇਗਾ। ਅਧਿਕਾਰੀਆਂ ਦੇ ਅਨੁਸਾਰ, ਦਿੱਲੀ ਤੱਕ ਰੇਲਗੱਡੀ ਦੀ ਗਤੀ 110 ਕਿਲੋਮੀਟਰ ਪ੍ਰਤੀ ਘੰਟਾ ਹੈ ਅਤੇ ਇਸ ਤੋਂ ਅੱਗੇ 130 ਕਿਲੋਮੀਟਰ ਪ੍ਰਤੀ ਘੰਟਾ ਹੈ। ਦੱਸਿਆ ਕਿ ਕਾਮਾਖਿਆ ਤੱਕ ਜਨਰਲ ਡੱਬੇ ਵਿੱਚ ₹580 ਕਿਰਾਇਆ ਹੋਵੇਗਾ।