ਮੁੰਬਈ: ਨਵੀਂ ਮੁੰਬਈ ਇੰਟਰਨੈਸ਼ਨਲ ਏਅਰਪੋਰਟ (NMIA)) ਤੋਂ ਹੁਣ ਅੰਤਰਰਾਸ਼ਟਰੀ ਉਡਾਣਾਂ ਸ਼ੁਰੂ ਹੋਣ ਜਾ ਰਹੀਆਂ ਹਨ। ਸੂਤਰਾਂ ਮੁਤਾਬਕ ਏਅਰ ਇੰਡੀਆ ਐਕਸਪ੍ਰੈਸ 15 ਜੁਲਾਈ ਤੋਂ ਆਬੂ ਧਾਬੀ ਲਈ ਆਪਣੀਆਂ ਰੋਜ਼ਾਨਾ ਉਡਾਣਾਂ ਸ਼ੁਰੂ ਕਰਨ ਜਾ ਰਹੀ ਹੈ। ਇਸ ਨਾਲ ਏਅਰ ਇੰਡੀਆ ਐਕਸਪ੍ਰੈਸ ਇਸ ਨਵੇਂ ਹਵਾਈ ਅੱਡੇ ਤੋਂ ਅੰਤਰਰਾਸ਼ਟਰੀ ਸੰਚਾਲਨ ਸ਼ੁਰੂ ਕਰਨ ਵਾਲੀ ਪਹਿਲੀ ਘਰੇਲੂ ਏਅਰਲਾਈਨਜ਼ ਵਿੱਚੋਂ ਇੱਕ ਬਣ ਜਾਵੇਗੀ।
ਨਵੇਂ ਬੋਇੰਗ ਜਹਾਜ਼ਾਂ ਨਾਲ ਕਰਨਗੇ ਕੰਮ
ਸੂਤਰਾਂ ਅਨੁਸਾਰ ਇਸ ਰੂਟ ‘ਤੇ ਅਤਿ ਆਧੁਨਿਕ ਬੋਇੰਗ 737-8 MAX ਜਹਾਜ਼ਾਂ ਦੀ ਵਰਤੋਂ ਕੀਤੀ ਜਾਵੇਗੀ। ਨਵੀਂ ਮੁੰਬਈ ਤੋਂ ਅਬੂ ਧਾਬੀ ਦੀ ਫਲਾਈਟ ਦਾ ਨੰਬਰ IX205 ਹੋਵੇਗਾ, ਜਦੋਂ ਕਿ ਅਬੂ ਧਾਬੀ ਤੋਂ ਵਾਪਸ ਆਉਣ ਵਾਲੀ ਫਲਾਈਟ ਦਾ ਨੰਬਰ IX206 ਹੋਵੇਗਾ। ਇਸ ਅੰਤਰਰਾਸ਼ਟਰੀ ਉਡਾਣ ਦੇ ਸ਼ੁਰੂ ਹੋਣ ਨਾਲ ਮੁੰਬਈ ਅਤੇ ਨਵੀਂ ਮੁੰਬਈ ਦੇ ਯਾਤਰੀਆਂ ਨੂੰ ਖਾੜੀ ਦੇਸ਼ਾਂ ਦੀ ਯਾਤਰਾ ਕਰਨ ਦਾ ਵਧੀਆ ਵਿਕਲਪ ਮਿਲੇਗਾ।
15 ਜੁਲਾਈ ਤੋਂ ਸ਼ੁਰੂ ਹੋ ਸਕਦੇ ਹਨ ਯਾਤਰੀ ਅਤੇ ਕਾਰਗੋ ਸੰਚਾਲਨ
ਨਵੀਂ ਮੁੰਬਈ ਅੰਤਰਰਾਸ਼ਟਰੀ ਹਵਾਈ ਅੱਡਾ ਅਗਲੇ ਮਹੀਨੇ ਤੋਂ ਯਾਤਰੀ ਅਤੇ ਕਾਰਗੋ ਦੋਵਾਂ ਹਿੱਸਿਆਂ ਵਿੱਚ ਗਲੋਬਲ ਕਨੈਕਟੀਵਿਟੀ ਲਈ ਤਿਆਰ ਹੋ ਰਿਹਾ ਹੈ। ਇਸ ਗੱਲ ਦੀ ਪੁਸ਼ਟੀ NMIA ਦੇ ਚੇਅਰਮੈਨ ਕੈਪਟਨ ਬੀ.ਵੀ.ਜੇ.ਕੇ. ਸ਼ਰਮਾ ਨੇ ਹਾਲ ਹੀ ਵਿੱਚ ਮੁੰਬਈ ਵਿੱਚ ਆਯੋਜਿਤ ”BCBA ਲੌਜਿਸਟਿਕਸ ਕਨਕਲੇਵ 2026′ ਦੌਰਾਨ ਕੀਤੀ ਸੀ।
ਇੰਡੀਗੋ ਵੀ ਇਸ ਦੌੜ ਵਿੱਚ ਹੋਈ ਸ਼ਾਮਲ
ਇੰਡਸਟਰੀ ਦੇ ਸੂਤਰਾਂ ਮੁਤਾਬਕ ਏਅਰ ਇੰਡੀਆ ਐਕਸਪ੍ਰੈੱਸ ਦੇ ਨਾਲ-ਨਾਲ ਇੰਡੀਗੋ ਵੀ 15 ਜੁਲਾਈ ਤੋਂ ਇਸ ਏਅਰਪੋਰਟ ਤੋਂ ਆਪਣੀ ਇੰਟਰਨੈਸ਼ਨਲ ਸਰਵਿਸ ਸ਼ੁਰੂ ਕਰਨ ਲਈ ਮੈਨੇਜਮੈਂਟ ਨਾਲ ਗੱਲਬਾਤ ਕਰ ਰਹੀ ਹੈ।ਤੁਹਾਨੂੰ ਦੱਸ ਦੇਈਏ ਕਿ ਏਅਰ ਇੰਡੀਆ ਐਕਸਪ੍ਰੈੱਸ ਫਿਲਹਾਲ ਛਤਰਪਤੀ ਸ਼ਿਵਾਜੀ ਮਹਾਰਾਜ ਇੰਟਰਨੈਸ਼ਨਲ ਏਅਰਪੋਰਟ (CSMIA) ਤੋਂ ਆਬੂ ਧਾਬੀ ਲਈ ਆਪਣੀਆਂ ਸੇਵਾਵਾਂ ਦੇ ਰਹੀ ਹੈ।
