ਉਦੈਪੁਰ : ਅਦਾਕਾਰਾ ਰਸ਼ਮੀਕਾ ਮੰਡਾਨਾ ਅਤੇ ਅਦਾਕਾਰ ਵਿਜੇ ਦੇਵਰਕੋਂਡਾ ਜਲਦੀ ਹੀ ਵਿਆਹ ਦੇ ਬੰਧਨ ਵਿੱਚ ਬੱਝਣ ਵਾਲੇ ਹਨ। ਕਪਲ ਦਾ ਵਿਆਹ 2026 ਦੀ ਸਭ ਤੋਂ ਚਰਚਿਤ ਖ਼ਬਰਾਂ ਵਿੱਚੋਂ ਇੱਕ ਹੈ। ਵਿਆਹ ਦੀ ਤਾਰੀਖ ਨੂੰ ਲੈ ਕੇ ਅਫਵਾਹਾਂ ਅਤੇ ਉਦੈਪੁਰ ਵਿੱਚ ਇੱਕ ਗੂੜ੍ਹੇ ਸਮਾਰੋਹ ਦੀਆਂ ਖ਼ਬਰਾ ਲਗਾਤਾਰ ਚੱਲ ਰਹੀਆਂ ਸਨ। ਹਾਲਾਂਕਿ, ਦੋਵੇਂ ਅਦਾਕਾਰ ਲੰਬੇ ਸਮੇਂ ਤੋਂ ਚੁੱਪ ਰਹੇ ਹਨ। ਉਨ੍ਹਾਂ ਨੇ ਨਾ ਕਦੀ ਆਪਣੇ ਰਿਸ਼ਤੇ ਨੂੰ ਕਨਫਰਮ ਕੀਤੀ ਅਤੇ ਨਾ ਹੀ ਵਿਆਹ ਦੀਆਂ ਅਫਵਾਹਾਂ ‘ਤੇ ਕੋਈ ਪ੍ਰਤੀਕਿਰਿਆ ਦਿੱਤੀ। ਪਰ ਹੁਣ, ਅਜਿਹਾ ਲੱਗਦਾ ਹੈ ਕਿ ਰਸ਼ਮੀਕਾ ਮੰਡਾਨਾ ਨੇ ਆਖਰਕਾਰ ਆਪਣੇ ਵਿਆਹ ਦੀ ਪੁਸ਼ਟੀ ਕਰ ਦਿੱਤੀ ਹੈ।
ਰਸ਼ਮੀਕਾ ਨੇ ਕੀਤਾ ਵਿਆਹ ਨੂੰ ਕਨਫਰਮ?
ਬਾਲੀਵੁੱਡ ਹੰਗਾਮਾ ਦੀ ਇੱਕ ਖ਼ਬਰ ਦੇ ਅਨੁਸਾਰ, ਜਦੋਂ ਉਨ੍ਹਾਂ ਨੇ ਅਦਾਕਾਰਾ ਨਾਲ ਸੰਪਰਕ ਕੀਤਾ ਅਤੇ ਵਿਜੇ ਦੇਵਰਕੋਂਡਾ ਨਾਲ ਸੰਗ ਵਿਆਹ ਦੇ ਲਈ ਵਧਾਈ ਦਿੱਤੀ, ਤਾਂ ਰਸ਼ਮੀਕਾ ਨੇ ਬਹੁਤ ਪਿਆਰ ਨਾਲ ਉਸ ਨੂੰ ਸਵੀਕਾਰ ਕਰਦੇ ਹੋਏ ਧੰਨਵਾਦ ਕਿਹਾ ਅਤੇ ਨਾਲ ਹੀ ਇੱਕ ਸਮਾਈਲੀ ਇਮੋਜੀ ਵੀ ਭੇਜਿਆ। ਇਸ ਨਾਲ ਸਾਰੀਆਂ ਅਟਕਲਾਂ ਦਾ ਅੰਤ ਹੋ ਜਾਂਦਾ ਹੈ ਅਤੇ ਪੁਸ਼ਟੀ ਹੁੰਦੀ ਹੈ ਕਿ ਦੋਵੇਂ 26 ਫਰਵਰੀ, 2026 ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝਣਗੇ।
ਪੋਰਟਲ ਦੇ ਅਨੁਸਾਰ, ਜਦੋਂ ਉਨ੍ਹਾਂ ਨੇ ਹੋਰ ਵੇਰਵੇ ਜਾਣਨ ਦੀ ਕੋਸ਼ਿਸ਼ ਕੀਤੀ, ਤਾਂ ਪਤਾ ਲੱਗਾ ਕਿ ਤੇਲਗੂ ਜਾਂ ਹਿੰਦੀ ਫਿਲਮ ਇੰਡਸਟਰੀ ਵਿੱਚੋਂ ਕਿਸੇ ਨੂੰ ਵੀ ਵਿਆਹ ਵਿੱਚ ਸੱਦਾ ਨਹੀਂ ਦਿੱਤਾ ਗਿਆ ਸੀ, ਕਿਉਂਕਿ ਇਹ ਬਹੁਤ ਛੋਟਾ ਅਤੇ ਨਿੱਜੀ ਸਮਾਗਮ ਹੋਵੇਗਾ। ਜੋੜੇ ਨੇ ਆਪਣੇ ਦੋਸਤਾਂ ਲਈ ਹੈਦਰਾਬਾਦ ਅਤੇ ਮੁੰਬਈ ਵਿੱਚ ਵੱਡੇ ਰਿਸੈਪਸ਼ਨ ਦੀ ਯੋਜਨਾ ਬਣਾਈ ਹੈ। ਇਹ ਵੀ ਪੁਸ਼ਟੀ ਹੋਈ ਹੈ ਕਿ ਦੋਵੇਂ ਅਦਾਕਾਰਾਂ ਨੇ ਕੰਮ ਤੋਂ ਥੋੜਾ ਬ੍ਰੇਕ ਲਿਆ ਹੈ ਅਤੇ ਰਸ਼ਮੀਕਾ ਦੇ ਵਿਅਸਤ ਸ਼ਡਿਊਲ ਨੂੰ ਦੇਖਦੇ ਹੋਏ, ਵਿਆਹ ਦੇ ਤੁਰੰਤ ਬਾਅਦ ਉਨ੍ਹਾਂ ਨੂੰ ਵਾਪਸ ਕੰਮ ’ਤੇ ਵਾਪਸ ਆਉਣਾ ਹੋਵੇਗਾ।
