ਨਵੀਂ ਦਿੱਲੀ : ਮਨੋਰੰਜਨ ਜਗਤ ਤੋਂ ਇੱਕ ਦੁਖਦਾਈ ਖ਼ਬਰ ਆਈ ਹੈ। ਦਰਅਸਲ, ਭਾਰਤੀ ਗਾਇਕੀ ਰਿਐਲਿਟੀ ਸ਼ੋਅ ਇੰਡੀਅਨ ਆਈਡਲ ਦੇ ਤੀਜੇ ਸੀਜ਼ਨ ਦੇ ਜੇਤੂ ਰਹੇ ਗਾਇਕ ਅਤੇ ਅਦਾਕਾਰ ਪ੍ਰਸ਼ਾਂਤ ਤਮਾਂਗ ਦਾ ਦੇਹਾਂਤ ਹੋ ਗਿਆ ਹੈ। ਰਿਪੋਰਟਾਂ ਅਨੁਸਾਰ, 43 ਸਾਲਾ ਗਾਇਕ ਨੂੰ 10 ਜਨਵਰੀ ਦੀ ਰਾਤ ਨੂੰ ਅਚਾਨਕ ਦੌਰਾ ਪਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ। ਕਿਹਾ ਜਾ ਰਿਹਾ ਹੈ ਕਿ ਉਹ ਐਤਵਾਰ ਸਵੇਰੇ 11 ਜਨਵਰੀ ਨੂੰ ਉਹ ਦਿੱਲੀ ਵਿੱਚ ਸਨ। ਉਨ੍ਹਾਂ ਦੇ ਕਰੀਬੀ ਦੋਸਤ, ਸੰਗੀਤਕਾਰ ਅਤੇ ਫਿਲਮ ਨਿਰਮਾਤਾ ਰਾਜੇਸ਼ ਘਟਾਨੀ ਨੇ ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਜਾਣਕਾਰੀ ਦੇ ਅਨੁਸਾਰ, ਗਾਇਕ ਦਾ ਸਰੀਰ ਜਨਕਪੁਰੀ ਦੇ ਮਾਤਾ ਚਾਨਣ ਹਸਪਤਾਲ ਵਿੱਚ ਹੈ।
ਕਾਂਸਟੇਬਲ ਸਨ ਪ੍ਰਸ਼ਾਂਤ ਤਮਾਂਗ
ਪ੍ਰਸ਼ਾਂਤ ਤਮਾਂਗ ਦਾ ਜਨਮ 4 ਜਨਵਰੀ, 1983 ਨੂੰ ਪੱਛਮੀ ਬੰਗਾਲ ਦੇ ਦਾਰਜੀਲਿੰਗ ਵਿੱਚ ਹੋਇਆ । ਉਨ੍ਹਾਂ ਦੇ ਮਾਤਾ-ਪਿਤਾ ਰੂਪਾ ਅਤੇ ਮਦਨ ਤਮਾਂਗ ਹਨ। ਇੱਕ ਦੁਰਘਟਨਾ ਵਿੱਚ ਉਨ੍ਹਾਂ ਨੇ ਆਪਣੇ ਪਿਤਾ ਨੂੰ ਖੋ ਦਿੱਤਾ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਕੋਲਕਾਤਾ ਪੁਲਿਸ ਵਿੱਚ ਕਾਂਸਟੇਬਲ ਦੇ ਤੌਰ ’ਤੇ ਪਿਤਾ ਦੀ ਜਗ੍ਹਾਂ ਲਈ, ਜਿੱਥੇ ਉਨ੍ਹਾਂ ਨੇ ਪੁਲਿਸ ਆਰਕੈਸਟਰਾ ਦਾ ਹਿੱਸਾ ਬਣ ਕੇ ਆਪਣੇ ਸੰਗੀਤਕ ਹੁਨਰ ਨੂੰ ਨਿਖਾਰਿਆ ਸੀ। ਪ੍ਰਸ਼ਾਂਤ ਨੇ 2007 ਵਿੱਚ ਇੰਡੀਅਨ ਆਈਡਲ ਦੇ ਤੀਜੇ ਸੀਜ਼ਨ ਵਿੱਚ ਜਿੱਤ ਹਾਸਲ ਕੀਤੀ ਜਿਸ ਨਾਲ ਉਨ੍ਹਾਂ ਨੇ ਲੱਖਾਂ ਲੋਕਾਂ ਦਾ ਦਿੱਲ ਜਿੱਤਿਆ। ਉਨ੍ਹਾਂ ਨੂੰ 70 ਮਿਲੀਅਨ ਵੋਟਾਂ ਮਿਲੀਆਂ। ਇਸਨੇ ਉਸਦੇ ਕਰੀਅਰ ਨੂੰ ਹੁਲਾਰਾ ਦਿੱਤਾ, ਜਿਸ ਨਾਲ ਐਲਬਮਾਂ ਅਤੇ ਅੰਤਰਰਾਸ਼ਟਰੀ ਟੂਰ ਹੋਏ। ਉਸਨੇ ਅਦਾਕਾਰੀ ਦੀ ਦੁਨੀਆ ਵਿੱਚ ਵੀ ਆਪਣਾ ਨਾਮ ਬਣਾਇਆ।
ਪ੍ਰਸ਼ਾਂਤ ਤਮਾਂਗ ਨੇ ਗਾਏ ਸਨ ਇਹ ਗੀਤ
ਫਿਲਮਾਂ ਤੋਂ ਇਲਾਵਾ, ਪ੍ਰਸ਼ਾਂਤ ਤਮਾਂਗ ਨੇ ਗੀਤ ਵੀ ਗਾਏ। ਉਸਨੇ ਮਨ ਸੈਲੀ, ਗੋਰਖਾ ਪਲਟਨ ਅਤੇ ਆਸਰਾਏ ਮਹਿਨਾਮਾ ਵਰਗੇ ਪ੍ਰਸਿੱਧ ਗੀਤ ਗਾਏ ਹਨ। ਉਨ੍ਹਾਂ ਦੇ ਦੇਹਾਂਤ ‘ਤੇ ਇੰਡਸਟਰੀ ਦੇ ਲੋਕ ਨੇ ਦੁੱਖ ਪ੍ਰਗਟ ਕਰ ਰਹੇ ਹਨ, ਅਤੇ ਸੋਸ਼ਲ ਮੀਡੀਆ ਦੇ ਜਰੀਏ ਸ਼ਰਧਾਂਜਲੀ ਦੇ ਰਹੇ ਹਨ।
