ਚੰਡੀਗੜ੍ਹ : ਹਰਿਆਣਵੀ ਗਾਇਕ ਮਾਸੂਮ ਸ਼ਰਮਾ ਦੀਆਂ ਮੁਸ਼ਕਲਾਂ ਇੱਕ ਵਾਰ ਫਿਰ ਵਧ ਗਈਆਂ ਹਨ। ਪੰਜਾਬ ਯੂਨੀਵਰਸਿਟੀ (ਪੀ.ਯੂ) ਵਿੱਚ ਆਯੋਜਿਤ ਇੱਕ ਸ਼ੋਅ ਦੌਰਾਨ ਸਰਕਾਰ ਵੱਲੋਂ ਪਾਬੰਦੀਸ਼ੁਦਾ ਗੀਤ ਗਾਉਣ ਦੇ ਦੋਸ਼ ਵਿੱਚ ਚੰਡੀਗੜ੍ਹ ਵਿੱਚ ਉਨ੍ਹਾਂ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ। ਪ੍ਰਸ਼ਾਸਨ ਨੇ ਮਾਮਲੇ ਦਾ ਨੋਟਿਸ ਲੈਂਦਿਆਂ ਕੇਸ ਦਰਜ ਕੀਤਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਇਹ ਪ੍ਰੋਗਰਾਮ ਪਹਿਲਾਂ ਹੀ ਇੱਕ ਵਿ ਦਿਆਰਥੀ ਦੀ ਸ਼ੱਕੀ ਮੌਤ ਕਾਰਨ ਸੁਰਖੀਆਂ ਵਿੱਚ ਸੀ। ਯੂਨੀਵਰਸਿਟੀ ਦੇ ਦੂਜੇ ਸਾਲ ਦੇ ਵਿ ਦਿਆਰਥੀ ਆਦਿਿਤਆ ਠਾਕੁਰ ਨੂੰ ਸ਼ੋਅ ਦੌਰਾਨ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ ਸੀ। ਇਸ ਘਟਨਾ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵੀ ਵਾਇਰਲ ਹੋਇਆ ਸੀ, ਜਿਸ ਤੋਂ ਬਾਅਦ ਪ੍ਰੋਗਰਾਮ ਅਤੇ ਪ੍ਰਬੰਧਕਾਂ ‘ਤੇ ਸਵਾਲ ਉਠਾਏ ਗਏ ਸਨ।
ਸਰਕਾਰ ਬੰਦੂਕ ਸੱਭਿਆਚਾਰ ਵਾਲੇ ਗੀਤਾਂ ‘ਤੇ ਸਖ਼ਤ
ਦੱਸਣਯੋਗ ਹੈ ਕਿ ਹਰਿਆਣਾ ਸਰਕਾਰ ਨੇ ਹਾਲ ਹੀ ਵਿੱਚ ਬੰਦੂਕ ਸੱਭਿਆਚਾਰ ਅਤੇ ਅਪਰਾਧਿਕ ਸੋਚ ਨੂੰ ਉਤਸ਼ਾਹਿਤ ਕਰਨ ਵਾਲੇ ਗੀਤਾਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਹੈ। ਹੁਣ ਤੱਕ 30 ਤੋਂ ਵੱਧ ਗੀਤਾਂ ‘ਤੇ ਪਾਬੰਦੀ ਲਗਾਈ ਗਈ ਹੈ, ਜਿਨ੍ਹਾਂ ਵਿੱਚੋਂ ਲਗਭਗ 10 ਗੀਤ ਮਾਸੂਮ ਸ਼ਰਮਾ ਦੇ ਦੱਸੇ ਜਾ ਰਹੇ ਹਨ। ਇਸ ਕਾਰਵਾਈ ਤੋਂ ਬਾਅਦ, ਉਹ ਲਗਾਤਾਰ ਵਿਵਾਦਾਂ ਵਿੱਚ ਰਹੇ ਹਨ ।
ਮਾਸੂਮ ਸ਼ਰਮਾ ਵਿਰੁੱਧ ਦੋਸ਼
ਚੰਡੀਗੜ੍ਹ ਦੇ ਸੈਕਟਰ-24 ਪੁਲਿਸ ਚੌਕੀ ਦੇ ਏ.ਐਸ.ਆਈ. ਸੁਰੇਂਦਰ ਸਿੰਘ ਨੇ ਪੁਲਿਸ ਸਟੇਸ਼ਨ-11 ਨੂੰ ਸ਼ਿਕਾਇਤ ਭੇਜੀ ਹੈ, ਜਿਸ ਵਿੱਚ ਹਰਿਆਣਵੀ ਗਾਇਕ ਮਾਸੂਮ ਸ਼ਰਮਾ ‘ਤੇ ਸਰਕਾਰੀ ਹੁਕਮਾਂ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਪੁਲਿਸ ਅਨੁਸਾਰ, ਪ੍ਰੋਗਰਾਮ ਤੋਂ ਪਹਿਲਾਂ ਮਾਸੂਮ ਸ਼ਰਮਾ ਤੋਂ ਲਿਖਤੀ ਭਰੋਸਾ ਲਿਆ ਗਿਆ ਸੀ ਕਿ ਉਹ ਕੋਈ ਵੀ ਪਾਬੰਦੀਸ਼ੁਦਾ ਜਾਂ ਵਿਵਾਦਪੂਰਨ ਗੀਤ ਨਹੀਂ ਪੇਸ਼ ਕਰਨਗੇ। ਇਸ ਦੇ ਬਾਵਜੂਦ, ਪ੍ਰੋਗਰਾਮ ਦੌਰਾਨ, ਉਨ੍ਹਾਂ ਨੇ ਸਟੇਜ ਤੋਂ ਗਾਇਆ, “ਯੇ ਜਿਤਨੇ ਭੀ ਸੈਨ ਬੈਠੇ ਰੇ ਮੇਰੀ ਗੇਲੀਆਂ ਗੱਡੀ ਮੇਂ, ਕੋਈ ਸੰਤ-ਮਹਾਤਮਾ ਕੋਨੀ ਰੇ, ਚੰਬਲ ਕੇ ਡਾਕੂ ਸੈਨ।” ਇਸ ਲਾਈਨ ਨੇ ਸਮਾਗਮ ਵਾਲੀ ਥਾਂ ‘ਤੇ ਵਿਵਾਦ ਖੜ੍ਹਾ ਕਰ ਦਿੱਤਾ।
ਪਹਿਲਾਂ ਵੀ ਗੀਤਾਂ ‘ਤੇ ਲਗਾਈ ਜਾ ਚੁੱਕੀ ਹੈ ਪਾਬੰਦੀ
ਜਾਣਕਾਰੀ ਅਨੁਸਾਰ, ਗਾਇਕ ਮਾਸੂਮ ਸ਼ਰਮਾ ਦੇ ਹੁਣ ਤੱਕ 14 ਗੀਤਾਂ ‘ਤੇ ਪਾਬੰਦੀ ਲਗਾਈ ਗਈ ਹੈ। ਇਨ੍ਹਾਂ ਵਿੱਚੋਂ ਚਾਰ ਗੀਤਾਂ ਨੂੰ ਇਸ ਮਹੀਨੇ ਯੂਟਿਊਬ ਤੋਂ ਹਟਾ ਦਿੱਤਾ ਗਿਆ ਹੈ। ਮਾਰਚ ਮਹੀਨੇ ਵਿੱਚ ਯੂਟਿਊਬ ਵੱਲੋਂ ਹਟਾਏ ਗਏ ਸੱਤ ਗੀਤਾਂ ਵਿੱਚੋਂ ਚਾਰ ਗੀਤ ਮਾਸੂਮ ਸ਼ਰਮਾ ਦੇ ਸਨ। ਫਿਲਹਾਲ, ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਅਤੇ ਕਾਰਵਾਈ ਦੀ ਪ੍ਰਕਿਰਿਆ ਅੱਗੇ ਵਧ ਰਹੀ ਹੈ।
