ਅਦਾਕਾਰ ਅਜੇ ਦੇਵਗਨ ਦੀ ਫ਼ਿਲਮ “ਸਨ ਆਫ ਸਰਦਾਰ 2” ਦਾ ਨਵਾਂ ਗਾਣਾ “ਨਜ਼ਰ ਬੱਟੂ” ਹੋਇਆ ਰਿਲੀਜ਼

ਮੁੰਬਈ: ਬਾਲੀਵੁੱਡ ਦੇ ਐਕਸ਼ਨ ਹੀਰੋ ਅਜੇ ਦੇਵਗਨ ਇੱਕ ਵਾਰ ਫਿਰ “ਸਨ ਆਫ ਸਰਦਾਰ 2” ਨਾਲ ਆਪਣੇ ਪ੍ਰਸ਼ੰਸਕਾਂ ਨੂੰ ਹਸਾਉਣ, ਰਵਾਉਣ ਅਤੇ ਨੱਚਣ ਲਈ ਆ ਰਹੇ ਹਨ। ਫ਼ਿਲਮ “ਨਜ਼ਰ ਬੱਟੂ” ਦਾ ਨਵਾਂ ਗੀਤ ਹੁਣ ਰਿਲੀਜ਼ ਹੋ ਗਿਆ ਹੈ ਅਤੇ ਇਸਨੇ ਰਿਲੀਜ਼ ਹੁੰਦੇ ਹੀ ਸੋਸ਼ਲ ਮੀਡੀਆ ‘ਤੇ ਹਲਚਲ ਮਚਾ ਦਿੱਤੀ ਹੈ।

ਜੁਬਿਨ ਨੌਟਿਆਲ ਦੀ ਮਿੱਠੀ ਆਵਾਜ਼ ਵਿਚ ਗਾਇਆ ਗਿਆ ਇਹ ਗੀਤ ਸਿਰਫ਼ ਸੰਗੀਤ ਪ੍ਰੇਮੀਆਂ ਲਈ ਇਕ ਖਾਸ ਤੋਹਫ਼ਾ ਨਹੀਂ ਹੈ, ਬਲਕਿ ਇਸ ਵਿੱਚ ਛੁਪੀ ਮਾਸੂਮ ਸ਼ਰਾਰਤ ਅਤੇ ਪਿਆਰਾ ਰੋਮਾਂਸ ਵੀ ਦਰਸ਼ਕਾਂ ਦਾ ਦਿਲ ਜਿੱਤ ਰਹੇ ਹਨ। ਇਸ ਗੀਤ ਨੂੰ ਸੁੰਦਰ ਸਕੌਟਿਸ਼ ਲੋਕੇਸ਼ਨਾਂ ‘ਤੇ ਫਿਲਮਾਇਆ ਗਿਆ ਹੈ, ਜਿੱਥੇ ਮ੍ਰਿਨਾਲ ਠਾਕੁਰ ਅਤੇ ਉਨ੍ਹਾਂ ਗਰਲ ਗੈਂਗ ਅਜੈ ਦੇਵਗਨ ਨੂੰ ਇਕ ਅਨੋਖੇ ਅੰਗਰੇਜ਼ੀ ਟੱਚ ਵਿੱਚ ਢਾਲਣ ਦੀ ਕੋਸ਼ਿਸ਼ ਕਰਦੀਆਂ ਹਨ। ਇਸ ਦੇ ਨਾਲ ਹੀ, ਅਜੈ ਦੇਵਗਨ ਆਪਣੇ ਅੰਦਾਜ਼ ਵਿੱਚ ਮ੍ਰਿਨਾਲ ਦੀਆਂ ਨਜ਼ਰਾਂ ਹਟਵਾਉਣ ਦੀ ਜੁਗਤ ਵਿੱਚ ਲੱਗੇ ਰਹਿੰਦੇ ਹਨ ਅਤੇ ਇੱਥੋਂ ਹੀ ਨਿਕਲਦਾ ਹੈ ਗੀਤ ਦਾ ਦਿਲਚਸਪ ਟਾਈਟਲ “ਨਜ਼ਰ ਬੱਟੂ”।

ਗਾਣੇ ਦੇ ਬੋਲ ਪ੍ਰਣਵ ਵਤਸ ਦੁਆਰਾ ਲਿਖੇ ਗਏ ਹਨ, ਜਦੋਂ ਕਿ ਇਸਦਾ ਸੰਗੀਤ ਹਰਸ਼ ਉਪਾਧਿਆਏ ਦੁਆਰਾ ਦਿੱਤਾ ਗਿਆ ਹੈ। ਇਸ ਗੀਤ ਦੀ ਸੁਰ ਸੁਣ ਕੇ ਦਿਲ ਵਿੱਚ ਵੱਸ ਜਾਂਦੀ ਹੈ, ਖਾਸ ਕਰਕੇ ਉਨ੍ਹਾਂ ਲਈ ਜੋ ਹਲਕੇ-ਫੁਲਕੇ, ਮਜ਼ੇਦਾਰ ਰੋਮਾਂਟਿਕ ਗੀਤਾਂ ਦੇ ਸ਼ੌਕੀਨ ਹਨ।

“ਸਨ ਆਫ਼ ਸਰਦਾਰ 2” ਦਾ ਨਿਰਦੇਸ਼ਨ ਵਿਜੇ ਕੁਮਾਰ ਅਰੋੜਾ ਕਰ ਰਹੇ ਹਨ, ਜੋ ਇਸ ਵਾਰ ਇੱਕ ਹੋਰ ਮਜ਼ੇਦਾਰ ਕਹਾਣੀ ਲੈ ਕੇ ਆਏ ਹਨ, ਜਿਸ ਵਿੱਚ ਰੋਮਾਂਸ, ਕਾਮੇਡੀ ਅਤੇ ਬਹੁਤ ਸਾਰਾ ਡਰਾਮਾ ਹੈ। ਅਜੇ ਦੇਵਗਨ ਅਤੇ ਮ੍ਰਿਣਾਲ ਠਾਕੁਰ ਤੋਂ ਇਲਾਵਾ, ਰਵੀ ਕਿਸ਼ਨ, ਸੰਜੇ ਮਿਸ਼ਰਾ, ਨੀਰੂ ਬਾਜਵਾ, ਚੰਕੀ ਪਾਂਡੇ, ਦੀਪਕ ਡੋਬਰਿਆਲ, ਕੁਬਰਾ ਸੈਤ ਵਰਗੇ ਕਈ ਤਜਰਬੇਕਾਰ ਕਲਾਕਾਰ ਵੀ ਫਿਲਮ ਵਿੱਚ ਨਜ਼ਰ ਆਉਣਗੇ।

ਇਹ ਫਿਲਮ ਜੀਓ ਸਟੂਡੀਓਜ਼ ਅਤੇ ਦੇਵਗਨ ਫਿਲਮਜ਼ ਦੁਆਰਾ ਪੇਸ਼ ਕੀਤੀ ਜਾ ਰਹੀ ਹੈ। ਇਸਦਾ ਨਿਰਮਾਣ ਅਜੇ ਦੇਵਗਨ ਅਤੇ ਜੋਤੀ ਦੇਸ਼ਪਾਂਡੇ ਦੁਆਰਾ ਕੀਤਾ ਗਿਆ ਹੈ, ਅਤੇ ਸਹਿ-ਨਿਰਮਾਣ ਕੁਮਾਰ ਮੰਗਤ ਪਾਠਕ ਦੁਆਰਾ ਕੀਤਾ ਗਿਆ ਹੈ।

“ਸਨ ਆਫ਼ ਸਰਦਾਰ 2” 1 ਅਗਸਤ 2025 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਜੇਕਰ ਪਹਿਲੀ ਫਿਲਮ ਨੇ ਦਰਸ਼ਕਾਂ ਨੂੰ ਹਸਾ ਦਿੱਤਾ ਸੀ, ਤਾਂ ਇਸ ਵਾਰ ਇੱਕ ਡਬਲ ਡੋਜ਼ ਹੋਣ ਜਾ ਰਿਹਾ ਹੈ – ਹਾਸੇ, ਮੌਜ-ਮਸਤੀ ਅਤੇ ਬਹੁਤ ਸਾਰਾ ਪੰਜਾਬੀ ਤੜਕਾ।