ਹਿਸਾਰ : ਹਿਸਾਰ ਦੀ ਹੋਣਹਾਰ ਹਾਕੀ ਖਿਡਾਰਨ ਦੀਪਿਕਾ ਨੂੰ ਦੁਨੀਆ ਦੇ ਵੱਕਾਰੀ ਖੇਡ ਪੁਰਸਕਾਰ ਪੋਲੀਗ੍ਰਾਸ ਮੈਜਿਕ ਸਕਿੱਲ ਇਨ ਹਾਕੀ ਲਈ ਚੁਣਿਆ ਗਿਆ ਹੈ। ਉਹ ਦੇਸ਼ ਦੀ ਪਹਿਲੀ ਖਿਡਾਰਨ ਹੈ ,ਜਿੰਨਾਂ ਨੂੰ ਇਹ ਸਨਮਾਨ ਮਿਲੇਗਾ । ਉਨ੍ਹਾਂ ਨੂੰ ਇਹ ਸਨਮਾਨ FIH ਪ੍ਰੋ ਲੀਗ 2024-25 ਸੀਜ਼ਨ ਦੇ ਭੁਵਨੇਸ਼ਵਰ ਪੜਾਅ ਦੌਰਾਨ ਦੁਨੀਆ ਦੀ ਨੰਬਰ ਇਕ ਟੀਮ ਨੀਦਰਲੈਂਡਜ਼ ਵਿਰੁੱਧ ਕੀਤੇ ਗਏ ਗੋਲ ਕਾਰਨ ਮਿਲੇਗਾ।
FIH ਹਾਕੀ ਪ੍ਰੋ ਲੀਗ ਦੇ 2024-25 ਸੀਜ਼ਨ ਲਈ ਪੋਲੀਗ੍ਰਾਸ ਮੈਜਿਕ ਸਕਿੱਲ ਅਵਾਰਡ ਦੇ ਜੇਤੂ ਦਾ ਫ਼ੈੈਸਲਾ ਦੁਨੀਆ ਭਰ ਦੇ ਹਾਕੀ ਖੇਡ ਪ੍ਰੇਮੀਆਂ ਦੁਆਰਾ ਵੋਟਿੰਗ ਦੇ ਆਧਾਰ ‘ਤੇ ਕੀਤਾ ਗਿਆ । ਦੀਪਿਕਾ ਨੇ ਇਹ ਗੋਲ ਫਰਵਰੀ 2025 ਵਿੱਚ ਪ੍ਰੋ ਲੀਗ ਦੇ ਭੁਵਨੇਸ਼ਵਰ ਪੜਾਅ ਦੌਰਾਨ ਕੀਤਾ ਸੀ। ਕਲਿੰਗਾ ਸਟੇਡੀਅਮ ਵਿੱਚ ਖੇਡਿਆ ਗਿਆ ਇਹ ਮੈਚ ਨਿਰਧਾਰਤ ਸਮੇਂ ਵਿੱਚ 2-2 ਨਾਲ ਬਰਾਬਰ ਰਿਹਾ ਸੀ।
ਦੀਪਿਕਾ ਦਾ ਪਰਿਵਾਰ ਮੂਲ ਰੂਪ ਵਿੱਚ ਰੋਹਤਕ ਦਾ ਰਹਿਣ ਵਾਲਾ ਹੈ। ਪਿਤਾ HAU ਹਿਸਾਰ ਵਿੱਚ ਕੰਮ ਕਰਦੇ ਰਹੇ ਹਨ। ਪਿਤਾ ਅਤੇ ਚਾਚਾ ਕੁਸ਼ਤੀ ਨਾਲ ਜੁੜੇ ਹੋਏ ਹਨ ਪਰ ਦੀਪਿਕਾ ਨੂੰ ਹਾਕੀ ਪਸੰਦ ਸੀ। ਉਹ ਮੈਦਾਨ ਵਿੱਚ ਜਾ ਕੇ ਬੈਠਦੇ ਸਨ। ਕੋਚ ਆਜ਼ਾਦ ਸਿੰਘ ਮਲਿਕ ਨੇ ਇਕ ਦਿਨ ਸਟੀਕ ਫੜਾ ਕੇ ਪਰਿਵਾਰ ਨੂੰ ਕਿਹਾ ਕਿ ਦੀ ਨੂੰ ਗੋਦ ਦੇ ਦੇਣ ਉਹ ਉਸਨੂੰ ਸਟਾਰ ਬਣਾ ਦੇਣਗੇ। 12 ਸਾਲ ਦੀ ਉਮਰ ਵਿੱਚ, ਉਹ ਸਬ-ਜੂਨੀਅਰ ਤੋਂ ਇਕ ਸੀਨੀਅਰ ਟੀਮ ਦੀ ਖਿਡਾਰਨ ਬਣ ਗਏ।”
ਦੀਪਿਕਾ ਨੇ ਕਿਹਾ ਕਿ ਇਹ ਇਕ ਯਾਦਗਾਰੀ ਪਲ ਹੈ। ਮੁਸ਼ਕਲ ਸਥਿਤੀ ਵਿੱਚ ਗੋਲ ਕਰਨ ਅਤੇ ਟੀਮ ਦੀ ਜਿੱਤ ਵਿੱਚ ਯੋਗਦਾਨ ਪਾਉਣ ਨਾਲ ਮਿਲਣ ਵਾਲਾ ਉਤਸ਼ਾਹ ਬਹੁਤ ਖਾਸ ਹੈ। ਪੁਰਸਕਾਰ ਲਈ ਚੁਣਿਆ ਜਾਣਾ ਚੰਗਾ ਮਹਿਸੂਸ ਹੋ ਰਿਹਾ ਹੈ। ਇਹ ਸਾਨੂੰ ਭਵਿੱਖ ਵਿੱਚ ਬਿਹਤਰ ਪ੍ਰਦਰਸ਼ਨ ਕਰਨ ਲਈ ਪ੍ਰੇਰਿਤ ਕਰੇਗਾ। ਦੀਪਿਕਾ ਤੋਂ ਇਲਾਵਾ, ਸਪੇਨ ਦੀ ਪੈਟਰੀਸ਼ੀਆ ਅਲਵਾਰੇਜ਼ ਅਤੇ ਆਸਟ੍ਰੇਲੀਆ ਦੀ ਮਹਿਲਾ ਟੀਮ ਦੀ ਇਕ ਹੋਰ ਖਿਡਾਰਨ ਨੂੰ ਇਸ ਪੁਰਸਕਾਰ ਲਈ ਨਾਮਜ਼ਦ ਕੀਤਾ ਗਿਆ ।
