ਫਿਲੌਰ : ਜਲੰਧਰ ਨੇੜਲੇ ਪਿੰਡ ਪ੍ਰਤਾਪਪੁਰਾ ‘ਚ ਨਵੇਂ ਬਣੇ ਰਾਧਾ ਸੁਆਮੀ ਸਤਿਸੰਗ ਘਰ (The Newly Built Radha Swami Satsang House) ਵੱਲ ਜਾਣ ਵਾਲੇ ਲੋਕਾਂ ਲਈ ਅਹਿਮ ਖ਼ਬਰ ਹੈ। ਦਰਅਸਲ ਫਗਵਾੜਾ ‘ਚ ਕਿਸਾਨਾਂ ਦੇ ਧਰਨੇ ਕਾਰਨ ਫਿਲੌਰ ਤੋਂ ਲੁਧਿਆਣਾ ਵੱਲ ਲੰਮਾ ਟਰੈਫਿਕ ਜਾਮ ਲੱਗਾ ਹੋਇਆ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਇਹ ਜਾਮ 7 ਕਿਲੋਮੀਟਰ ਤੱਕ ਲੱਗਾ ਹੋਇਆ ਹੈ। ਅਜਿਹੇ ‘ਚ ਵਾਹਨਾਂ ਨੂੰ ਰਾਧਾ ਸੁਆਮੀ ਸਤਿਸੰਗ ਘਰ ਵਾਲੀ ਰੋਡ ਤੋਂ ਕੱਢਿਆ ਜਾ ਰਿਹਾ ਹੈ। ਅਜਿਹੇ ‘ਚ ਜੇਕਰ ਤੁਸੀਂ ਸਤਿਸੰਗ ਭਵਨ ਜਾਂ ਲੁਧਿਆਣਾ ਵੱਲ ਜਾ ਰਹੇ ਹੋ ਤਾਂ ਤੁਸੀਂ ਲੰਬੇ ਟ੍ਰੈਫਿਕ ਜਾਮ ‘ਚ ਫਸ ਸਕਦੇ ਹੋ। ਇੱਥੋਂ ਤੱਕ ਕਿ ਐਂਬੂਲੈਂਸ ਅਤੇ ਦੋ ਪਹੀਆ ਵਾਹਨ ਵੀ ਬਾਹਰ ਨਹੀਂ ਕੱਢੇ ਜਾ ਰਹੇ ਹਨ।
ਦੱਸ ਦਈਏ ਕਿ ਡੇਰੇ ਦੇ ਸਤਿਸੰਗ ਘਰਾਂ ਦੀ ਵਧਦੀ ਗਿਣਤੀ ਨੂੰ ਦੇਖਦਿਆ ਪਿੰਡ ਪ੍ਰਤਾਪਪੁਰਾ ‘ਚ ਨਵਾਂ ਸਤਿਸੰਗ ਘਰ ਬਣਾਇਆ ਗਿਆ ਹੈ, ਜਿਸ ਲਈ 3.5 ਏਕੜ ਜ਼ਮੀਨ ਲਈ ਗਈ ਹੈ। ਇਸ ਜ਼ਮੀਨ ਦੀ ਚਾਰਦੀਵਾਰੀ ਬਣਾਉਣ ਦਾ ਕੰਮ ਸ਼ਨੀਵਾਰ ਨੂੰ ਪੂਰਾ ਕੀਤਾ ਗਿਆ ਸੀ ਅਤੇ ਇਸ ਕੰਮ ਨੂੰ ਇੱਕ ਦਿਨ ਭਾਵ ਸਿਰਫ 12 ਘੰਟਿਆਂ ਵਿੱਚ ਪੂਰਾ ਕਰਕੇ ਸੇਵਾਦਾਰਾਂ ਨੇ ਸੇਵਾ ਅਤੇ ਅਨੁਸ਼ਾਸਨ ਦੀ ਮਿਸਾਲ ਕਾਇਮ ਕੀਤੀ ਹੈ।
