ਲੁਧਿਆਣਾ : ਕੇਂਦਰੀ ਜੇਲ੍ਹ ਦੀ ਸੁਰੱਖਿਆ ‘ਚ ਇਕ ਹੋਰ ਉਲਝਣ ਨੇ ਸੁਰੱਖਿਆ ਦੇ ਕੰਮਕਾਜ ‘ਤੇ ਲਾਕ-ਅੱਪ ‘ਚੋਂ ਤੰਬਾਕੂ, ਕਰੀਮ ਅਤੇ ਕਾਲੇ ਰੰਗ ਦੇ ਨਸ਼ੀਲੇ ਪਦਾਰਥ ਬਰਾਮਦ ਹੋਣ ਤੋਂ ਬਾਅਦ ਡੂੰਘੇ ਸਵਾਲੀਆ ਨਿਸ਼ਾਨ ਖੜ੍ਹੇ ਕਰ ਦਿੱਤੇ ਹਨ। ਪੁਲਿਸ ਨੇ ਮੁਲਜ਼ਮ ਖ਼ਿਲਾਫ਼ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਕਾਬੂ ਕੀਤੇ ਸੁਖਜਿੰਦਰ ਸਿੰਘ ਕੋਲੋਂ 110 ਗ੍ਰਾਮ ਤੰਬਾਕੂ, ਤੁਸ਼ਾਰ ਕੋਲੋਂ 1.50 ਗ੍ਰਾਮ ਕਰੀਮ ਰੰਗ ਦਾ ਨਸ਼ੀਲਾ ਪਦਾਰਥ, ਪਰਵਿੰਦਰ ਸਿੰਘ ਕੋਲੋਂ 6 ਗ੍ਰਾਮ ਕਾਲੇ ਰੰਗ ਦਾ ਨਸ਼ੀਲਾ ਪਦਾਰਥ ਬਰਾਮਦ ਕੀਤਾ ਗਿਆ ਹੈ। ਸਹਾਇਕ ਸੁਪਰਡੈਂਟ ਸਿਮਰਤਪਾਲ ਸਿੰਘ ਅਤੇ ਜਸਵਿੰਦਰ ਸਿੰਘ ਦੀ ਸ਼ਿਕਾਇਤ ’ਤੇ ਐਨ.ਡੀ.ਪੀ.ਐਸ. ਅਤੇ ਜੇਲ੍ਹ ਐਕਟ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਗਿਆ ਹੈ।
