Lifestyle: ਕਰਵਾ ਚੌਥ ਦਾ ਤਿਉਹਾਰ ਆਉਂਦੇ ਹੀ ਔਰਤਾਂ ਵਿੱਚ ਸਜਣ-ਸੰਵਰਨ ਅਤੇ ਖ਼ਾਸ ਦਿਖਣ ਦੀ ਤਿਆਰੀ ਸ਼ੁਰੂ ਹੋ ਜਾਂਦੀ ਹੈ। ਇਸ ਦਿਨ ਪਹਿਰਾਵੇ ਤੋਂ ਲੈ ਕੇ ਗਹਿਣਿਆਂ ਅਤੇ ਮੇਕਅੱਪ ਤੱਕ ਹਰ ਚੀਜ਼ ਦੀ ਚੋਣ ਖ਼ਾਸ ਹੁੰਦੀ ਹੈ। ਜੇਕਰ ਤੁਸੀਂ ਇਸ ਵਾਰ ਰਵਾਇਤੀ ਲੁੱਕ ਤੋਂ ਕੁਝ ਵੱਖਰਾ ਅਜ਼ਮਾਉਣਾ ਚਾਹੁੰਦੇ ਹੋ, ਤਾਂ ਰਾਜਸਥਾਨੀ ਰਾਜਪੂਤੀ ਦੁਲਹਨ ਵਾਲਾ ਲੁੱਕ ਇੱਕ ਵਧੀਆ ਵਿਕਲਪ ਹੋ ਸਕਦਾ ਹੈ।
ਇਸ ਲੁੱਕ ਵਿੱਚ ਗੂੜ੍ਹੇ ਰੰਗਾਂ ਵਾਲਾ ਆਈ ਮੇਕਅੱਪ, ਗੋਲਡਨ ਸ਼ਿਮਰ, ਨਿਖਰਿਆ ਬੇਸ ਅਤੇ ਰਵਾਇਤੀ ਰਾਜਸਥਾਨੀ ਗਹਿਣੇ ਖ਼ਾਸ ਅਹਿਮੀਅਤ ਰੱਖਦੇ ਹਨ। ਆਓ ਜਾਣਦੇ ਹਾਂ ਇਸ ਮੇਕਅੱਪ ਨੂੰ ਕਦਮ-ਦਰ-ਕਦਮ ਕਿਵੇਂ ਕੀਤਾ ਜਾ ਸਕਦਾ ਹੈ।
ਸਭ ਤੋਂ ਪਹਿਲਾਂ ਚਮੜੀ ਨੂੰ ਕਰੋ ਤਿਆਰ
ਮੇਕਅੱਪ ਨੂੰ ਸੁੰਦਰ ਅਤੇ ਲੰਬੇ ਸਮੇਂ ਤੱਕ ਟਿਕਾਊ ਬਣਾਉਣ ਲਈ ਸਕਿਨ ਦੀ ਤਿਆਰੀ ਜ਼ਰੂਰੀ ਹੈ।
- ਸਭ ਤੋਂ ਪਹਿਲਾਂ ਚਿਹਰੇ ਨੂੰ ਹਲਕੇ ਕਲੀਨਜ਼ਰ ਨਾਲ ਸਾਫ਼ ਕਰੋ।
- ਇਸ ਤੋਂ ਬਾਅਦ ਆਪਣੀ ਚਮੜੀ ਦੇ ਅਨੁਕੂਲ ਟੋਨਰ ਲਗਾਓ।
- ਚਮੜੀ ਨੂੰ ਨਮੀ ਦੇਣ ਲਈ ਮੌਇਸਚਰਾਈਜ਼ਰ ਦੀ ਵਰਤੋਂ ਕਰੋ।
- ਬੁੱਲ੍ਹਾਂ ’ਤੇ ਲਿਪ ਬਾਮ ਲਗਾਓ।
- ਮੇਕਅੱਪ ਸ਼ੁਰੂ ਕਰਨ ਤੋਂ ਪਹਿਲਾਂ ਕੁਝ ਮਿੰਟ ਉਡੀਕ ਕਰੋ, ਤਾਂ ਜੋ ਉਤਪਾਦ ਚਮੜੀ ਵਿੱਚ ਚੰਗੀ ਤਰ੍ਹਾਂ ਸਮਾ ਜਾਣ।
ਅੱਖਾਂ ਨੂੰ ਦਿਓ ਰਾਜਪੂਤੀ ਲੁੱਕ
ਇਸ ਮੇਕਅੱਪ ਦੀ ਸਭ ਤੋਂ ਖ਼ਾਸ ਗੱਲ ਅੱਖਾਂ ਨੂੰ ਗੂੜ੍ਹੇ ਅਤੇ ਰਵਾਇਤੀ ਰੰਗਾਂ ਨਾਲ ਸਜਾਉਣਾ ਹੈ।
- ਸਭ ਤੋਂ ਪਹਿਲਾਂ ਪਲਕਾਂ ’ਤੇ ਆਈਸ਼ੈਡੋ ਪ੍ਰਾਈਮਰ ਜਾਂ ਥੋੜ੍ਹਾ ਕਨਸੀਲਰ ਲਗਾ ਕੇ ਸੈੱਟ ਕਰੋ।
- ਕ੍ਰੀਜ਼ ’ਤੇ ਡਾਰਕ ਬ੍ਰਾਊਨ ਜਾਂ ਬਲੈਕ ਆਈਸ਼ੈਡੋ ਦੀ ਮਦਦ ਨਾਲ ਡੈਪਥ ਬਣਾਓ।
- ਪਲਕਾਂ ਦੇ ਬਾਹਰੀ ਹਿੱਸੇ ’ਤੇ ਰੈੱਡ ਅਤੇ ਮਰੂਨ ਸ਼ੇਡ ਵਰਤੋ।
- ਪਲਕਾਂ ਦੇ ਵਿਚਕਾਰ ਗੋਲਡਨ ਸ਼ਿਮਰ ਲਗਾਓ ਅਤੇ ਅੰਦਰਲੇ ਕੋਨਿਆਂ ’ਤੇ ਹਲਕਾ ਹਾਈਲਾਈਟ ਦਿਓ।
- ਅੰਤ ਵਿੱਚ ਵਿੰਗਡ ਆਈਲਾਈਨਰ ਨਾਲ ਅੱਖਾਂ ਨੂੰ ਡਿਫਾਈਨ ਕਰੋ।
ਬੇਸ ਮੇਕਅੱਪ ਰੱਖੋ ਸਮੂਥ
ਆਈ ਮੇਕਅੱਪ ਤੋਂ ਬਾਅਦ ਚਿਹਰੇ ਦੇ ਬੇਸ ਵੱਲ ਧਿਆਨ ਦਿਓ।
- ਅੱਖਾਂ ਦੇ ਹੇਠਾਂ ਲੋੜ ਅਨੁਸਾਰ ਕਨਸੀਲਰ ਲਗਾਓ।
- ਆਪਣੀ ਸਕਿਨ ਟੋਨ ਨਾਲ ਮੇਲ ਖਾਂਦਾ ਫਾਊਂਡੇਸ਼ਨ ਚੁਣੋ ਅਤੇ ਗਿੱਲੇ ਮੇਕਅੱਪ ਸਪੰਜ ਨਾਲ ਬਲੈਂਡ ਕਰੋ।
- ਚੀਕਬੋਨਜ਼, ਜੌਲਾਈਨ ਅਤੇ ਨੱਕ ਨੂੰ ਹਲਕਾ ਡਿਫਾਈਨ ਕਰਨ ਲਈ ਕੰਟੂਰ ਦੀ ਵਰਤੋਂ ਕਰੋ।
- ਗੱਲ੍ਹਾਂ ’ਤੇ ਪਿੰਕ ਬਲਸ਼ ਲਗਾਓ।
- ਅੰਤ ਵਿੱਚ ਟ੍ਰਾਂਸਲੂਸੈਂਟ ਪਾਊਡਰ ਦੀ ਹਲਕੀ ਪਰਤ ਨਾਲ ਬੇਸ ਸੈੱਟ ਕਰੋ।
ਧਿਆਨ ਰੱਖੋ ਕਿ ਫਾਊਂਡੇਸ਼ਨ ਅਤੇ ਹੋਰ ਉਤਪਾਦ ਆਪਣੀ ਚਮੜੀ ਦੇ ਅਨੁਕੂਲ ਚੁਣੋ ਅਤੇ ਉਨ੍ਹਾਂ ਦੀਆਂ ਬਹੁਤ ਜ਼ਿਆਦਾ ਪਰਤਾਂ ਲਗਾਉਣ ਤੋਂ ਬਚੋ।
ਫਾਈਨਲ ਟੱਚ ਨਾਲ ਲੁੱਕ ਨੂੰ ਬਣਾਓ ਖ਼ਾਸ
ਹੁਣ ਮੇਕਅੱਪ ਨੂੰ ਅੰਤਿਮ ਰੂਪ ਦੇਣ ਦੀ ਵਾਰੀ ਹੈ।
- ਚਿਹਰੇ ਦੇ ਉੱਚੇ ਹਿੱਸਿਆਂ, ਜਿਵੇਂ ਚੀਕਬੋਨਜ਼ ’ਤੇ ਹਾਈਲਾਈਟਰ ਲਗਾਓ।
- ਆਈਬ੍ਰੋਜ਼ ਨੂੰ ਬ੍ਰਾਊਨ ਪੈਨਸਿਲ ਨਾਲ ਹਲਕਾ ਭਰ ਕੇ ਕੁਦਰਤੀ ਲੁੱਕ ਦਿਓ।
- ਅੱਖਾਂ ਦੀ ਵਾਟਰਲਾਈਨ ’ਤੇ ਕਾਲੇ ਆਈਲਾਈਨਰ ਦੀ ਵਰਤੋਂ ਕਰ ਸਕਦੇ ਹੋ।
- ਆਪਣੀ ਪਸੰਦ ਅਨੁਸਾਰ ਮਸਕਾਰਾ ਜਾਂ ਫਾਲਸ ਆਈਲੈਸ਼ਿਜ਼ ਲਗਾਓ।
- ਬੁੱਲ੍ਹਾਂ ’ਤੇ ਪਿੰਕ, ਰੋਜ਼ ਜਾਂ ਪਹਿਰਾਵੇ ਨਾਲ ਮੇਲ ਖਾਂਦੀ ਲਿਪਸਟਿਕ ਲਗਾਓ।
- ਅੰਤ ਵਿੱਚ ਮੇਕਅੱਪ ਫਿਕਸਿੰਗ ਸਪਰੇਅ ਦੀ ਵਰਤੋਂ ਕਰੋ।
ਰਾਜਪੂਤੀ ਲੁੱਕ ਲਈ ਚੁਣੋ ਰਵਾਇਤੀ ਗਹਿਣੇ
ਰਾਜਪੂਤੀ ਬ੍ਰਾਈਡਲ ਲੁੱਕ ਨੂੰ ਪੂਰਾ ਕਰਨ ਲਈ ਰਾਜਸਥਾਨੀ ਗਹਿਣਿਆਂ ਅਤੇ ਰਵਾਇਤੀ ਪਹਿਰਾਵੇ ਦੀ ਚੋਣ ਕਰੋ। ਪੋਸ਼ਾਕ ਦੇ ਰੰਗ ਮੁਤਾਬਕ ਆਈਸ਼ੈਡੋ ਅਤੇ ਲਿਪਸਟਿਕ ਚੁਣਨ ਨਾਲ ਪੂਰੀ ਲੁੱਕ ਵਿੱਚ ਤਾਲਮੇਲ ਬਣਿਆ ਰਹੇਗਾ।
ਰਵਾਇਤੀ ਬੋਰਲਾ, ਰਾਣੀ ਹਾਰ, ਝੁਮਕੇ ਅਤੇ ਚੂੜੀਆਂ ਇਸ ਲੁੱਕ ਨੂੰ ਹੋਰ ਖ਼ਾਸ ਬਣਾ ਸਕਦੇ ਹਨ। ਸਭ ਤੋਂ ਜ਼ਰੂਰੀ ਗੱਲ ਇਹ ਹੈ ਕਿ ਮੇਕਅੱਪ ਅਤੇ ਗਹਿਣਿਆਂ ਦੀ ਚੋਣ ਆਪਣੀ ਪਸੰਦ ਅਤੇ ਆਰਾਮ ਨੂੰ ਧਿਆਨ ਵਿੱਚ ਰੱਖ ਕੇ ਕਰੋ।
ਇਸ ਤਰ੍ਹਾਂ ਕੁਝ ਆਸਾਨ ਸਟੈੱਪਸ ਅਪਣਾ ਕੇ ਤੁਸੀਂ ਕਰਵਾ ਚੌਥ ’ਤੇ ਰਵਾਇਤੀ ਅਤੇ ਸ਼ਾਹੀ ਰਾਜਪੂਤੀ ਲੁੱਕ ਤਿਆਰ ਕਰ ਸਕਦੇ ਹੋ।
