ਫ਼ਿਰੋਜ਼ਪੁਰ : ਫੈਡਰੇਸ਼ਨ ਆਫ਼ ਆੜ੍ਹਤੀਆ ਐਸੋਸੀਏਸ਼ਨ (Federation of Aartiya Associations) ਦੇ ਪ੍ਰਧਾਨ ਵਿਜੇ ਕਾਲੜਾ ਦੀ ਅਗਵਾਈ ਹੇਠ ਤਲਵੰਡੀ ਭਾਈ ਦੇ ਰਿਚਮੰਡ ਵਿਲਾ ਰਿਜ਼ੋਰਟ ਵਿਖੇ ‘ਆੜ੍ਹਤੀਆ ਚੇਤਨਾ ਸੰਮੇਲਨ (Aartiya Consciousness Summit) -ਪੰਜਾਬ 2024’ ਕਰਵਾਇਆ ਗਿਆ, ਜਿਸ ਵਿੱਚ 1 ਅਕਤੂਬਰ ਤੋਂ ਪੰਜਾਬ ਦੀਆਂ ਮੰਡੀਆਂ ਬੰਦ ਕਰਨ ਦਾ ਐਲਾਨ ਕੀਤਾ ਗਿਆ। ਇਸ ਦੌਰਾਨ ਕਿਸਾਨਾਂ, ਕਮਿਸ਼ਨ ਏਜੰਟਾਂ ਅਤੇ ਮਜ਼ਦੂਰਾਂ ਨੇ ਆਪਣੀਆਂ ਮੁੱਖ ਮੰਗਾਂ ਵਿੱਚ 2.5 ਫੀਸਦੀ ਕਮਿਸ਼ਨ ਨੂੰ ਰੈਗੂਲਰ ਕਰਨ, ਲੋਡਿੰਗ ਦੇ ਲੇਬਰ ਰੇਟ ਵਿੱਚ ਵਾਧਾ ਅਤੇ ਅਡਾਨੀ ਸਿਲੋਜ਼ ਵਿੱਚ ਰੱਖੀ ਕਣਕ ਦੇ ਬਾਕੀ ਕਮਿਸ਼ਨ ਦੀ ਵਾਪਸੀ ਸਮੇਤ ਕਈ ਅਹਿਮ ਮੁੱਦੇ ਉਠਾਏ। ਸਮਾਗਮ ਤਲਵੰਡੀ ਭਾਈ ਆੜ੍ਹਤੀਆ ਐਸੋਸੀਏਸ਼ਨ ਦੇ ਪ੍ਰਧਾਨ ਗੁਰਜੰਟ ਸਿੰਘ ਢਿੱਲੋਂ ਕਾਲਿਆਂਵਾਲਾ ਦੀ ਦੇਖ-ਰੇਖ ਹੇਠ ਕਰਵਾਇਆ ਗਿਆ
ਜ਼ਿਲ੍ਹਾ ਪ੍ਰਧਾਨ ਅੰਮ੍ਰਿਤ ਲਾਲ ਛਾਬੜਾ, ਸ਼੍ਰੋਮਣੀ ਕਮੇਟੀ ਮੈਂਬਰ ਸਤਪਾਲ ਸਿੰਘ ਤਲਵੰਡੀ ਅਤੇ ਰਸ਼ਪਾਲ ਸਿੰਘ ਸੰਧੂ ਕਰਮੂਵਾਲਾ ਨੇ ਹਾਜ਼ਰ ਮੋਹਤਬਰਾਂ ਅਤੇ ਕਮਿਸ਼ਨ ਏਜੰਟਾਂ ਦਾ ਧੰਨਵਾਦ ਕੀਤਾ। ਇਸ ਦੌਰਾਨ ਕਿਸਾਨ ਜਥੇਬੰਦੀਆਂ ਵਿੱਚੋਂ ਰਾਜੇਵਾਲ ਯੂਨੀਅਨ ਤੋਂ ਬਲਵੀਰ ਸਿੰਘ ਰਾਜੇਵਾਲ, ਕਾਦੀਆਂ ਯੂਨੀਅਨ ਤੋਂ ਹਰਮੀਤ ਸਿੰਘ ਕਾਦੀਆਂ ਅਤੇ ਪੰਜਾਬ ਯੂਨੀਅਨ ਦੇ ਪ੍ਰਧਾਨ ਫਰਮਾਨ ਸਿੰਘ ਸੰਧੂ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ। ਰਾਜੇਵਾਲ, ਹਰਮੀਤ ਸਿੰਘ ਕਾਦੀਆਂ ਨੇ ਕਿਹਾ ਕਿ ਅਸੀਂ ਪੂਰੀ ਤਰ੍ਹਾਂ ਕਮਿਸ਼ਨ ਏਜੰਟ ਭਾਈਚਾਰੇ ਦੇ ਨਾਲ ਹਾਂ ਅਤੇ ਜਿੱਥੇ ਵੀ ਵਿਜੇ ਕਾਲੜਾ ਕਹਿਣਗੇ, ਅਸੀਂ ਉੱਥੇ ਡਟ ਕੇ ਪਹਿਰਾ ਦੇਵਾਂਗੇ ।
ਫਰਮਾਨ ਸਿੰਘ ਸੰਧੂ ਨੇ ਕਿਹਾ ਕਿ ਉਨ੍ਹਾਂ ਦੇ ਭਰਾ ਸੰਸਦ ਮੈਂਬਰ ਸਤਨਾਮ ਸਿੰਘ ਸੰਧੂ ਕਿਸਾਨਾਂ ਅਤੇ ਕਮਿਸ਼ਨ ਏਜੰਟਾਂ ਦੇ ਨਾਲ-ਨਾਲ ਚੌਲ ਮਿੱਲ ਮਾਲਕਾਂ ਦੀਆਂ ਸਮੱਸਿਆਵਾਂ ਨੂੰ ਕੇਂਦਰ ਸਰਕਾਰ ਤੱਕ ਪਹੁੰਚਾਉਣ ਲਈ ਉਪਰਾਲੇ ਕਰਨਗੇ। ਇਸ ਦੌਰਾਨ ਵੱਖ-ਵੱਖ ਜ਼ਿ ਲ੍ਹਿਆਂ ਤੋਂ ਆਏ ਜ਼ਿਲ੍ਹਾ ਪ੍ਰਧਾਨਾਂ ਵਿੱਚ ਮਾਨਸਾ ਤੋਂ ਮਨੀਸ਼ ਬੌਬੀ ਦਾਨੇਵਾਲੀਆ, ਸੰਗਰੂਰ ਤੋਂ ਜਗਤਾਰ ਸਿੰਘ ਸਮਰਾ, ਲੁਧਿਆਣਾ ਤੋਂ ਰਾਜ ਕੁਮਾਰ ਭੱਲਾ, ਗੁਰਨਾਮ ਸਿੰਘ ਸ਼ੀਨਾ, ਫਰੀਦਕੋਟ ਤੋਂ ਉਦਮ ਸਿੰਘ, ਸੁਨਾਮ ਮੰਡੀ ਤੋਂ ਰਾਜਨ ਹੁੱਡਲਾ, ਮੁਕਤਸਰ ਤੋਂ ਨੱਥਾ ਸਿੰਘ ਸ਼ਾਮਲ ਸਨ। ਸਾਹਿਬ, ਪਿਯੂਸ਼ ਗੋਇਲ, ਯਾਦਵਿੰਦਰ ਸਿੰਘ ਲਿਬੜਾ, ਇੰਦਰਜੀਤ ਸਿੰਘ ਜੌਲੀ, ਅਮਨਦੀਪ ਸਿੰਘ ਛੀਨਾ, ਜਲਾਲਾਬਾਦ ਤੋਂ ਕੈਪਟਨ ਛਾਬੜਾ, ਤਰਨਤਾਰਨ ਤੋਂ ਕੁਲਬੀਰ ਸਿੰਘ, ਅੰਮ੍ਰਿਤਸਰ ਤੋਂ ਨਰਿੰਦਰ ਬਹਿਲ, ਮਜੀਠਾ ਤੋਂ ਅਨੂਪ ਸਿੰਘ ਸੰਧੂ, ਪਟਿਆਲਾ ਤੋਂ ਦਵਿੰਦਰ, ਬਠਿੰਡਾ ਤੋਂ ਰਾਜੇਸ਼ ਜੈਨ, ਡਾ. ਸੁਖਬੀਰ ਸਿੰਘ ਭੀਖੀ ਵਿੰਡ, ਰਾਜੇਸ਼ ਸਿੰਘ ਬਸੀ, ਸੁਲਤਾਨਪੁਰ ਦੇ ਸਤਪਾਲ ਸਿੰਘ, ਦਿਆਲਪੁਰਾ ਦੇ ਪਰਮਜੀਤ ਸਿੰਘ, ਪਟਿਆਲਾ ਦੇ ਰਿਸ਼ੀ ਡਕਾਲਾ ਅਤੇ ਫਾਜ਼ਿਲਕਾ ਤੋਂ ਸਕੱਤਰ ਸੰਜੀਵ ਗੋਲਡੀ ਆਦਿ ਹਾਜ਼ਰ ਸਨ।
ਵਿਜੇ ਕਾਲੜਾ ਨੇ ਦੱਸਿਆ ਕਿ 1 ਅਕਤੂਬਰ ਤੋਂ ਸਮੁੱਚੀਆਂ ਅਨਾਜ ਮੰਡੀਆਂ ਬੰਦ ਰਹਿਣਗੀਆਂ। ਕੇਂਦਰ ਸਰਕਾਰ ਨਾਲ ਕੋਈ ਮੀਟਿੰਗ ਨਹੀਂ ਹੋਵੇਗੀ, ਜੋ ਵੀ ਮੰਗਾਂ ਹਨ, ਉਹ ਪੰਜਾਬ ਸਰਕਾਰ ਵੱਲੋਂ ਹੀ ਹੱਲ ਕੀਤੀਆਂ ਜਾਣਗੀਆਂ। ਉਨ੍ਹਾਂ ਇਹ ਵੀ ਕਿਹਾ ਕਿ ਇਸ ਵਾਰ ਕੋਈ ਵੀ ਵਿਚੋਲਾ ਕਿਸਾਨਾਂ ਤੋਂ ਝੋਨੇ ਦੀ ਕੜਾਹੀ ’ਤੇ ਤੋਲ ਕਰਕੇ ਸਿੱਧਾ ਮਾਲ ਨਹੀਂ ਖਰੀਦੇਗਾ, ਜੇਕਰ ਕੋਈ ਖਰੀਦੇਗਾ ਤਾਂ ਉਸ ਦਾ ਵਿਰੋਧ ਕੀਤਾ ਜਾਵੇਗਾ। ਕਾਨਫਰੰਸ ਵਿੱਚ ਖੇਤੀਬਾੜੀ ਵਿਕਾਸ ਬੈਂਕ ਦੇ ਸਾਬਕਾ ਚੇਅਰਮੈਨ ਹਰੀਸ਼ ਜੈਨ, ਰੋਸ਼ਨ ਲਾਲ ਬਿੱਟਾ ਮੱਲਾਂਵਾਲਾ, ਮਹਿੰਦਰ ਮਦਾਨ, ਰਜਿੰਦਰ ਛਾਬੜਾ, ਰੂਪ ਲਾਲ ਵੱਟਾ, ਅੰਮ੍ਰਿਤ ਲਾਲ ਛਾਬੜਾ, ਤਰਸੇਮ ਸਿੰਘ ਮੱਲਾ, ਬੂਟਾ ਰਾਮ ਬੀ.ਪੀ.ਈ.ਓ., ਸਾਹਿਲ ਭੂਸ਼ਨ ਸ਼ਨੀ, ਸਤਪਾਲ ਨਰੂਲਾ, ਅਕਾਸ਼ ਨਰੂਲਾ, ਜੀਰਾ ਆੜ੍ਹਤੀਆ ਐਸੋਸੀਏਸ਼ਨ ਦੇ ਪ੍ਰਧਾਨ ਰਾਜੇਸ਼ ਢੰਡ, ਜੀਰਾ ਪ੍ਰਧਾਨ ਅਸ਼ਵਨੀ ਗੁਪਤਾ, ਅਮਰੀਕ ਸਿੰਘ ਆਹੂਜਾ, ਸੰਜੀਵ ਕੁਮਾਰ ਜੈਨ, ਹਰਜਿੰਦਰ ਸਿੰਘ ਭਿੰਡਰ, ਬਿੱਟੂ ਵਿੱਜ, ਸਤਪਾਲ ਨਰੂਲਾ ਆਦਿ ਨੇ ਸਹਿਯੋਗ ਦਿੱਤਾ ।
