ਜੰਮੂ-ਕਸ਼ਮੀਰ ਦੇ ਗੁਲਮਰਗ ’ਚ ਫਸੀ ਕੇਬਲ ਕਾਰ, 300 ਤੋਂ ਵੱਧ ਲੋਕ ਫਸੇ

ਜੰਮੂ-ਕਸ਼ਮੀਰ : ਕਸ਼ਮੀਰ ਦੇ ਗੁਲਮਰਗ ਤੋਂ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਅੱਜ (25 ਮਈ) ਨੂੰ, ਤਕਨੀਕੀ ਖਰਾਬੀ ਦੇ ਕਾਰਨ ਇੱਕ ਗੰਡੋਲਾ ਸੇਵਾ (ਕੇਬਲ ਕਾਰ) ਅਚਾਨਕ ਵਿਚਕਾਰ ਹਵਾ ਵਿੱਚ ਰੁੱਕ ਗਈ। ਅਚਾਨਕ ਰੁਕਣ ਕਾਰਨ ਘੱਟੋ-ਘੱਟ 300 ਲੋਕ ਫਸ ਗਏ। ਇਸ ਘਟਨਾ ਨਾਲ ਪੂਰੇ ਖੇਤਰ ਵਿੱਚ ਦਹਿਸ਼ਤ ਫੈਲ ਗਈ। ਇੱਕ ਵਿਸ਼ਾਲ ਬਚਾਅ ਕਾਰਜ ਜਾਰੀ ਹੈ।

ਦਰਅਸਲ, ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਪ੍ਰਸਿੱਧ ਕੇਬਲ-ਕਾਰ ਸੇਵਾ ਅਚਾਨਕ ਬੰਦ ਹੋ ਗਈ, ਇਸ ਨਾਲ ਯਾਤਰੀ ਉੱਬੜ-ਖਾਬੜ ਇਲਾਕੇ ਦੇ ਉੱਪਰ ਹਵਾ ਵਿੱਚ ਲਟਕਦੀ ਕੇਬਲ ਕਾਰਾਂ ਦੇ ਅੰਦਰ ਫਸ ਗਏ। ਚਸ਼ਮਦੀਦਾਂ ਨੇ ਦੱਸਿਆ ਕਿ ਸੇਵਾਵਾਂ ਦੇ ਰੁਕਣ ਨਾਲ ਉੱਥੇ ਹਫੜਾ-ਦਫੜੀ ਦਾ ਮਾਹੌਲ ਬਣ ਗਿਆ।

300 ਤੋਂ ਵੱਧ ਲੋਕ ਫਸੇ

ਕੇਬਲ ਕਾਰ ਸੇਵਾ ਦੇ ਰੁਕਣ ਨਾਲ ਲਗਭਗ 300 ਲੋਕ ਹਵਾ ਵਿੱਚ ਫਸ ਗਏ। ਇਸ ਘਟਨਾ ਨੇ ਇਲਾਕੇ ਵਿੱਚ ਦਹਿਸ਼ਤ ਪੈਦਾ ਕਰ ਦਿੱਤੀ, ਅਤੇ ਤੁਰੰਤ ਇੱਕ ਵਿਸ਼ਾਲ ਬਚਾਅ ਕਾਰਜ ਸ਼ੁਰੂ ਕੀਤਾ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਗੰਡੋਲਾ ਸੇਵਾ ਵਿੱਚ ਤਕਨੀਕੀ ਖਰਾਬੀ ਕਾਰਨ ਕੇਬਲ ਕਾਰਾਂ ਵਿਚਕਾਰ ਰਸਤੇ ਵਿੱਚ ਰੁੱਕ ਗਈ। ਬਹੁਤ ਸਾਰੇ ਸੈਲਾਨੀ ਹਵਾ ਵਿੱਚ ਫਸੇ ਰਹੇ।

ਮੌਕੇ ‘ਤੇ ਪਹੁੰਚੇ ਅਧਿਕਾਰੀ

ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ, ਫੌਜ ਦੀ 9ਵੀਂ ਰਾਜਪੂਤਾਨਾ ਰਾਈਫਲਜ਼, ਜੰਮੂ-ਕਸ਼ਮੀਰ ਪੁਲਿਸ, ਫਾਇਰ ਐਂਡ ਐਮਰਜੈਂਸੀ ਸੇਵਾਵਾਂ ਅਤੇ ਸਥਾਨਕ ਸਿਵਲ ਪ੍ਰਸ਼ਾਸਨ ਦੀਆਂ ਬਚਾਅ ਟੀਮਾਂ ਨੂੰ ਤੁਰੰਤ ਘਟਨਾ ਸਥਾਨ ‘ਤੇ ਭੇਜਿਆ ਗਿਆ ਤਾਂ ਜੋ ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢਿਆ ਜਾ ਸਕੇ। ਅਧਿਕਾਰੀਆਂ ਨੇ ਕਿਹਾ ਕਿ ਟੀਮਾਂ ਨੇ ਯਾਤਰੀਆਂ ਨੂੰ ਯੋਜਨਾਬੱਧ ਤਰੀਕੇ ਨਾਲ ਬਾਹਰ ਕੱਢਿਆ ਅਤੇ ਆਪਸੀ ਤਾਲਮੇਲ ਨਾਲ ਕਾਰਵਾਈ ਸੁਚਾਰੂ ਢੰਗ ਨਾਲ ਚੱਲ ਰਹੀ ਹੈ।

ਘਟਨਾ ਦਾ ਮੁੱਖ ਮੰਤਰੀ ਅਬਦੁੱਲਾ ਨੇ ਲਿਆ ਨੋਟਿਸ

ਮੁੱਖ ਮੰਤਰੀ ਉਮਰ ਅਬਦੁੱਲਾ ਨੇ ਖੁਦ ਗੁਲਮਰਗ ਵਿੱਚ ਘਟਨਾ ਦਾ ਨੋਟਿਸ ਲਿਆ। ਉਨ੍ਹਾਂ ਨੇ ਕਿਹਾ ਕਿ ਗੁਲਮਰਗ ਗੋਂਡੋਲਾ ਵਿੱਚ ਤਕਨੀਕੀ ਨੁਕਸ ਕਾਰਨ ਕੇਬਲ ਕਾਰ ਸੇਵਾ ਨੂੰ ਅਸਥਾਈ ਤੌਰ ‘ਤੇ ਮੁਅੱਤਲ ਕਰਨ ਤੋਂ ਬਾਅਦ, ਸਰਕਾਰ ਸਥਿਤੀ ‘ਤੇ ਨੇੜਿਓਂ ਨਜ਼ਰ ਰੱਖ ਰਹੀ ਹੈ। ਸਾਰੇ ਕੈਬਿਨ ਸੁਰੱਖਿਅਤ ਹਨ, ਅਤੇ ਫਸੇ ਹੋਏ ਸੈਲਾਨੀਆਂ ਨੂੰ ਸੁਰੱਖਿਅਤ ਕੱਢਣ ਲਈ ਬਚਾਅ ਕਾਰਜ ਚੱਲ ਰਹੇ ਹਨ, ਸਿਖਲਾਈ ਪ੍ਰਾਪਤ ਟੀਮਾਂ ਮੌਕੇ ‘ਤੇ ਮੌਜੂਦ ਹਨ। ਸਥਿਤੀ ਪੂਰੀ ਤਰ੍ਹਾਂ ਕਾਬੂ ਹੇਠ ਹੈ, ਅਤੇ ਘਬਰਾਉਣ ਦੀ ਕੋਈ ਲੋੜ ਨਹੀਂ ਹੈ।